Ewesu 3:6 - Sateré-Mawé

⁶ Koran Tupana Paꞌãu toꞌe ahepe -Saꞌawyꞌi iraniaꞌin ywania yt uikuap hin i maꞌato mesup atipoꞌoro uhehay wakuat wuatꞌi ywania ewowi aikotã areꞌe saꞌawyꞌi miwan me. Atunug aru e hap ewy mesup atunug naꞌyn e. Koran atunug naꞌyn Iraniaꞌin ywania Porekuat no raꞌyn Uhaꞌyru e. Miꞌi imohey haria sok wẽtup piit ewywuat yn naꞌyn teꞌeropyhuꞌat aru e. Aikotã saꞌawyꞌi atipoityro Iuteu ywania atiꞌatupoityro mesup yne yne ywania aikotã areꞌe saꞌawyꞌi uiꞌe hap ewy atunug mesup e Tupana uhepe. Saꞌawyꞌi migꞌi wo sese yt uwe mikuap mo i mesuwat uiꞌe hap are maꞌato koitywy atimoherep miꞌi uiꞌe hap yne miitꞌin me uimiwan kaipyi uhehay kaipyi e Tupana ahepe.

Ewesu 3:6 Referans Kwoze

1 Iuwãu 2:25

Miꞌi tã eweikupteꞌen pote -Atum potꞌi eheineꞌen wuatꞌi eꞌat piat hamuat hap e Aipotypot ahepe.

1 Iuwãu 1:3

Aiwywo raꞌyn toineꞌen. Miꞌi hap uruikuap uruewaure kaꞌa pe. Uruehaꞌat hap uruimoherep ehepe katupono uruꞌewy aiwoꞌoꞌewy ewy watopyhuꞌat hap uruikyꞌesat kahato Iꞌywot wywo Haꞌyru wywuat aiwoꞌowese hap. Uruꞌewywuat Aipotypot Iesui ewywuat hap uruikyꞌesat.

Karasia 3:14

Saꞌawyꞌi Aparãu Tupana timowaku kahato mekewat tomohey kahato hap kaipyi tegyiꞌat hap kaipyi toipoityro. Miꞌi hap ewy koitywy aito i raꞌyn watoineꞌen wuatꞌi ywania Tupana mipoityro koꞌi raꞌyn watukupteꞌen. Mekewat tomipoityro sese tomipoꞌoro Aipotypot Iesui piat aikyiꞌat hap watomohey hap kaipyi aimohãpyk kuap. Mio koitywy mio tã e Tupana -Koitywy atum Uhaꞌyru mohey haria pe Uipaꞌãu e. Yt kat saꞌup mo i atum iꞌatuepe kat pote Uhaꞌyru upiaria miꞌiria pote e.

1 Kuriniu 12:27

Maꞌato ti hãꞌãkap wuo ahenoi ahaga koꞌi etiat Iesui piit etiat. Pyno aito Iesui piit aga koꞌi ewy Iesui mohey haria aito pote.

Korosi 2:19

Maꞌato aito yt iꞌatuꞌewy i. Iesui sat haria kahato aito. Miꞌi Miit yn Aiꞌakag. Aipiit tuwehik kahato aiꞌakag Iesui wanetup hap upi. Ahãtikag iꞌewyte apyꞌyha aipuꞌi hawyi aipe hawyi ahaga koꞌi toꞌosat kahato Aiꞌakag Iesui wywo hawyi aipuꞌi apyꞌyha wẽtup piit yn watopyhuꞌat. Miꞌi hap ewy watoineꞌen Iesui wywo wẽtup piit ewy. Iesui ti Aiꞌakag. Aito ipiit ewy. Aiꞌakag kaipyi aipiit ihãite tuwemotag. Maꞌato miꞌiria -Uruto poꞌog eikai e haria -Uruto ti eiꞌakag e haria miꞌiria. Yt taꞌatukyꞌesat i Iesui taꞌatuꞌakag wo are. Maꞌato aito Iesui mohey haria watukupteꞌen. Taꞌi Iesui piit iaga ewywuaria aito. Miꞌi pote aipiit tuwehik kahato Aiꞌakag Iesui ete. -Urutuwehakyeraꞌat uruto waku nug haria pote iꞌatuꞌe saꞌag maꞌato -Aito Iesui miehakyeraꞌat haria watoꞌe. Tupana esaika hamo yn aimohãpyk kuap watoꞌe.

Ewesu 5:30

Pyno aito imohey haria torannia. Aikaꞌiwat Iesui piit aga koꞌi ewy watopyhuꞌat.

Ewesu 5:7

Pyno yt naku i watuwat iꞌatuehay upi are. Yt naku i watunug saꞌag miꞌiria ewy are. Yt naku i miꞌiria watunug aiwy sese wo.

1 Kuriniu 12:12

Iꞌatu kahato aito Iesui mohey haria pykai Tupana wanetup hawe wẽtup miit ewy yn watoineꞌen aikotã aipiit wẽtup yn hap ewy. Iꞌatu kahato ahaga koꞌi. Yt toꞌoꞌewy hin i aipiit ete maꞌato miꞌi pykai wẽtup yn aipiit hap ewy ti Iesui piit toineꞌen.

Karasia 5:24

Pywo pe ti Aiporekuat Iesui po pe raꞌyn watopyhuꞌat pote mekewat aiwanetup hap aimikyꞌesat saꞌag koꞌi topap yne raꞌyn. Miꞌi hawyi yt iheg muo hin i aiminug saꞌag koꞌi tukupteꞌen. Katupono Iesui watno raꞌyn watopyhuꞌat pote.

Ewesu 3:3

Katupono mesuwe koitywy Tupana timoherep kahato uhepe saꞌawyꞌi wuat yt uwe mikuap i sehay toimoherep uhepe aikotã wẽtup ywania ipakup imohey haria tutunug hap. Taꞌi ipakup takaria tutunug mesup wuatꞌi ywania kawiat. Aikotã toꞌywania pakup tutunug mesup hap toimoherep mesuwe uipyhyp hawe uhepe. Waku kahato Tupana yt uwe i ipyhyp kuap are.