Ewesu 3:5 - Sateré-Mawé

⁵ Saꞌawyꞌi wuaria yt uwe i ikuap mesuwat sehay migꞌi wuat Tupana -Atunug aru e hap. Tupana yn ikuap. Iꞌewyte ihay moherep haria saꞌawyꞌi wuaria yt ikuap i maꞌato mesup Tupana Paꞌãu timoherep taꞌyn uruepe tehay moherep haria pe uruto Iesui potpoꞌororia 12 ok takaria pe toimoherep tehay migꞌi wuat Topaꞌãu wo.

Ewesu 3:5 Referans Kwoze

Iuta 1:17

Taꞌi mesup taꞌyn uiꞌe hap ewy taꞌatunug naꞌyn miꞌiria eipyꞌasetpe wẽtup sehay enoi haria are. Uiheꞌywytꞌin uheinytꞌin yne uhekatuwyria wẽtup sehay kape yn ni waku watuwanetup. Miꞌi ti ainapin saꞌawyꞌi wuat Iesui etiat 12 ok takaria aimuꞌe hap kape yn waku are.

2 Peteru 3:2

Aikotã saꞌawyꞌi wuaria mienoi iwan miat Tupana ehay ewy putꞌok e. Aikotã uruto Aikaꞌiwat Iesui potmuꞌeria e hap ewy.

Ewesu 2:20

Mio Tupana yat nug hat ewy watukupteꞌen. Aikotã aiꞌyat watunug nu kawiat hawyi toineꞌen motꞌi hap ewy. Miꞌi hap ewy Tupana tunug toꞌyat mesup maꞌato miitꞌin kawiat. Tohaꞌawynug toꞌyat nug hap hamuat ewy toineꞌen mesup. Waku yne hawyi totopag Tosaꞌyru mohey haria nu ewywuat toꞌyat iheg nakat pe hamuat are.

Ewesu 3:9

Saꞌawyꞌi te wuat migꞌi wuat Tupana mimoherep aikotã toikyꞌesat yne ywania towatnuat hap toimoherep mesup uiwẽ pyi. Tupana ti wuatꞌi wuatꞌi nug hat maꞌato kat hamo ainug saꞌawyꞌi yt tohenoi i. Miꞌi kape miitꞌin saꞌawyꞌi wuat teꞌeruwanetup kahato maꞌato yt taꞌatukuap kuap i. Maꞌato koitywy toimoherep taꞌyn miꞌi e hap ahepe.

Iesui Potmuꞌeria 10:28

Miꞌi hawyi Peteru tuwẽpowat iꞌatuewowi -Uhytꞌiꞌin manaꞌin e yt naku i wyti uruto Iuteu ywania iraniaꞌin ywania wywo toꞌoewaku iꞌatuꞌe ti urueko enoi haria uruepe e. Haꞌawytepyi mio tã iꞌatuꞌe uruepe urumuꞌe haria are wen maꞌato gaꞌatpo Tupana tomoherep uhepe tehay sese miꞌi hap ete. Mio tã toꞌe -Peteru e yt etimohit reiꞌo wẽtup ywania e. Yt naku i eiꞌywania yt ere teiꞌo iraniaꞌin ywania pe e uhepe e. Yt Tupana miꞌairoria eiꞌywania yt ere teiꞌo wẽtup ywania pe e Tupana uhepe e.

Iruka 10:24

Katupono saꞌawyꞌi te wuaria Tupana ehay enoi haria iꞌewyte porekuat nuaria koꞌi hekatup kahato mesuwat eꞌat piat e. Teꞌeraꞌakasa teran eiꞌakasa hap koꞌi kape maꞌato mesuwat eꞌat pe yt putꞌok e i te iꞌatukupteꞌen hap eꞌat pe e.

Iuwãu 14:26

Maꞌato meiũran ti aru uhaipe kai Maꞌãu Wakuat Tupana tipoꞌoro uhetiat einapin hanuat Miꞌi ti aru putꞌok e ehete hawyi yne eimiwaure uimienoi ehepiat koꞌi ete eimowatetup eiwanetup hãpyk hamo hat topyhuꞌat ehepuo e.

Mateu 13:17

Pywo pe ti areꞌe ehepe saꞌawyꞌi wuaria Tupana ehay moherep haria iꞌatu kahato iꞌewyte iraniaꞌin ywania kaipywiaria Tupana mohey haria ti teꞌerehaꞌat teran kahato koran wuat eiꞌakasa hap koꞌi kape maꞌato yt aikotã kuap i teꞌeraꞌakasa. Iꞌewyte teꞌeruwanetup teran kahato koran wuat eimikuap koꞌi koꞌi kape wen maꞌato yt teꞌeruwanetup kuap i.

Humanu 16:25

Pyno toꞌiro watimotypot Tupana ahehay wo -Tupana En ni wakuat kahato waku watoꞌe. Ikahu kahato ewakuap urutoꞌe. Urumoehãite kuap kahato Esaꞌyru sese mohey hap ete urutoꞌe. Ehay wakuat Esaꞌyru etiat wo uruporekuat etiat Emimoherep ete urumoehãite kuap kahato urumotag kuap kahato Esaꞌyru mohey hap ete urutoꞌe. Nimo te Esaꞌyru yt putꞌok e i te mesuwat yi tote turan ehay moherep haria urueꞌaseꞌiꞌin timoherep kahato yian mete Esaꞌyru Iesui etiat taꞌatumiwan me waku watoꞌe. Aikotã sehay migꞌi wuat ewy taꞌatumoherep uruepe maꞌato yt heremo kahato i aikotã mesup eꞌat hap ewy urutoꞌe Epe Tupana. Esaꞌyru eꞌyian mete taꞌatumoherep yne Esaꞌyru ete yn urutoꞌe. Putꞌok e hawyi urumoehãite hanuat kahato. Miꞌi miwan kaipyi Esaꞌyru mohey uruepiat hamo urutoꞌe. Urupowyro kahato emohey hap ete urutoꞌe.

Iuwãu 16:13

Meiũran ti aru tuut Tupana Paꞌãu ehewowi pywuat sese sehay yne moherep hamo. Miꞌi ti aru henoi yne yne pywuat sese etiat ehepe e. Tuwehay pyi yt ihay i. Uiꞌe hap yn ihay aru e. Tupana Paꞌãu timoherep aru ehepe kat aru kat aru toineꞌen hap toiꞌatumoherep ehepe Topaꞌãu pywuat sese wo e.

Mateu 23:34

Pywo ti aru atiꞌatupoꞌoro ehewowi uhehay moherep haria weꞌeg haria Tupana ehay kuap haria woꞌomuꞌe haria maꞌato ti aru ipatꞌok eweiꞌatuuka neꞌi e. Ipatꞌok ti aru ariaꞌyp posak ete eweiꞌauka e. Ipatꞌok ti aru eweiꞌahyk ahyk Tupana motypot hawe e. Ipatꞌok ti aru eweiꞌatumohan mohan tawa koꞌi kape iꞌatuuka teran haype e miwan me.

Iruka 11:49

Taꞌi aikotã aikotã Tupana henoi saꞌawyꞌi miwan me ehetiat hap ewy mesup ewetunug e. Mio tã e ti saꞌawyꞌi Tupana -Uhemiitꞌin iraniaꞌin taꞌatuꞌauka e. Iraniaꞌin ti taꞌatusatyꞌi satyꞌi yne iraniaꞌin taꞌatumohit mohit e Tupana ti miwan me.

1 Kuriniu 2:10

Miꞌi pote koitywy watikuap taꞌyn mekewat ikahu rakat Tupana miium. Maꞌato aito yn watikuap. Taꞌi Ipaꞌãu ti ahepe imoherep taꞌyn. Katupono Tupana Paꞌãu me heremo yne minug koꞌi heremo yne raꞌyn. Iꞌewyte migꞌi wuat yt uwe mikuap i koꞌi toikuap. Iꞌewyte toikuap yne kat hamuat kat hamuat Tupana Paꞌãu minug koꞌi. Miꞌi pote aimuꞌe torannia ete tepiat ikuap hap oktan.

Mateu 20:7

Miꞌi hawyi taꞌatuwesat -Yt uwe i rat urupoꞌoro motpap nug hamo iꞌatuꞌe tope.