Ewesu 3:12 - Sateré-Mawé

¹² Miꞌi pote mesup yt watokenꞌẽ hin i Tupana kapiat ahehay hamo. Yt kat i aiwemoti hap ahehay iwywuat hamo katupono koitywy Haꞌyru upi imohey hap upi watuwat kahato Tupana kape aikotã wẽtup piit ewy yn watoineꞌen Haꞌyru wywo Aheykeꞌet Aikywyt wywo.

Ewesu 3:12 Referans Kwoze

Ewesu 2:18

Mekewat muap ti aheraꞌaipok Tupana kapiat hap Aipotypot Iesui kawiat katupono tutum naꞌyn Topaꞌãu ahepe. Miꞌi hawyi uruto Iuteuria iꞌewyte eipe yt Iuteuria i Tupana Paꞌãu wẽtup takat eiam aito. Miꞌi pote mesup waku watuwat Tupana kape uruto Iuteuria iꞌewyte eipe wẽtup ywania waku wateke Aiꞌywot Tupana ehamo mesup Iesui aimowoꞌosat Tupana wywuat pote.

Humanu 5:2

Miꞌi pote -Worohoꞌomoieineꞌen kahato eipe mesuwat yi tote e Tupana mesup ahepe. Miꞌi pote -Uruimotypot kahato En Tupana urutoꞌe iꞌewyte urumimotypot En urutoꞌe. Meiũran aru urutukupteꞌen ewywo emotypot hap eꞌat pe hap uruimohey kahato miꞌi tã hamuat kape. Miꞌi pote waku kahato En urutoꞌe emowepiit hap mywo.

Iuwãu 14:6

Miꞌi hawyi Iesui tiwesat -Uito yn wyti muap uheineꞌen hap kapiat e. Uito yn wyti hãpyk sese rakat miitꞌin mowaku hamuat. Uito yn wyti muap miitꞌin moieineꞌen hat e. Uwe uwe uimohey miꞌi hat yn wyti putꞌok e aru Uiꞌywot kuap hamo e Iesui Tume pe.

2 Kuriniu 3:4

Pyno pywo ti uruikuap kahato Tupana uruꞌairo tehay moherep hamuat. Tupana toꞌe uruepe -Eipe uimiꞌairo uhehay moherep miitꞌin muat hamuat e.

Humanu 3:22

-Taꞌi Uhaꞌyru Iesui mohey haria pe yn areꞌe -Eiperia ti waku kahato uiwanetup hawe uipyꞌa pe e Tupana. Uimipoꞌoro Miitꞌin Porekuat nuat mohey haria yn uimiehakyeraꞌaria e. Miꞌiria yn waku pe uiwanetup hawe sio Iuteu ywania eipe sio wẽtup ywania e aru Tosaꞌyru mohey haria sese pe.

Epereu 3:6

Maꞌato Aipotypot Iesui poꞌog Muisei kai kat pote Tupana Saꞌyru sese pote. Miꞌi pote poꞌog waku topyhuꞌat iꞌyat piaria apykok hamo Haꞌyru pote. Muisei Tupana eropat hat maꞌato Iesui Haꞌyru sese. Pyno aito imohey haria Tupana yat piaria ewywuaria watoineꞌen. Taꞌi miꞌi tã aito watomohey potꞌi pote -Uito imohey hat watoꞌe yt aiwemoti hin i pote. Pywo ti rat Iesui yn aimiekatup aiꞌe pote. Iesui yn ahehakyeraꞌat kuap hat watoꞌe pote. Yt kat i aiwemogyt hap aikuꞌuro hap mesup watoꞌe. Mio tã aiꞌe pote Tupana yat piaria wuat aito.

Epereu 10:35

Taꞌi mekewat eꞌat pe wahoꞌopot kahato watomohey Iesui hawyi. Iꞌatumikyryꞌi hamo watukupteꞌen. Mesup eꞌat pe poꞌog waku saꞌawyꞌi wuat kai toineꞌen ahete pote waku watuweꞌeg wo watukupteꞌen uiwyriaꞌin katupono yt naku i mekewat ahatek hap eꞌat pe watoiat neꞌi Aimimohey Iesui. Waku watimoheg kahato Iesui mohey hap aikuꞌuro hap kape. Miꞌi watunug mote saꞌup iwato kahato aiwatnuat topyhuꞌat wuatꞌi eꞌat pe aru maꞌato watoiat neꞌi imohey hap pote yt kat i watipuẽti mekewat wahoꞌopot i hoꞌopot saꞌawyꞌi wuat hap saꞌup e.

1 Peteru 3:18

Saꞌawyꞌi Aipotypot Aiporekuat Iesui miitꞌin mikyryꞌi hamo topyhuꞌat mesuwarote aikotã aikotã taꞌatunug saꞌag tuwete waku rakat pykai taꞌatuꞌauka. Maꞌato yt kat i saꞌag tutunug pykai tohoꞌopot kahato. Maꞌato aiminug saꞌag upi tohoꞌopot. Iesui hãpyk kahato rakat maꞌato ikuꞌuro yt hãpyk i rakaria mohãpyk hamo. Ikuꞌuro muap nug hamo Toꞌywot Tupana kapiat muap nug hamuat. Koitywy toineꞌen muap Tupana kapiat Iesui hoꞌopot hap kaipyi. Yt hãpyk i sese rakat toimohãpyk kuap taꞌyn. Pyno ipiit ikuꞌuro ariaꞌyp posak ete maꞌato miꞌi hawyi Tupana Paꞌãu timoieineꞌen Aikaꞌiwat.

1 Iuwãu 2:28

Uimepytꞌin waku kahato ti aipap Aikaꞌiwat upi. Miꞌi pote ti aru karamuo Aikaꞌiwat taꞌaipok i raꞌyn meikowo miꞌi hawyi yt kat i aiwemoti hap toineꞌen ipupiat hap. Yt watuwemig hin i ipupi maꞌato watuwehum yn huut turan. Yt kat i aheha yi kape huut turan. Aipotypot ewywuat hap wahekatup kahato pote yt kat i aiꞌapiheg hap Tupana kaipyi. -Waku yn e ahepe. Miꞌi pote aito iꞌewyte waku pe yn watoineꞌen iꞌewy aito pote.

1 Iuwãu 3:21

Maꞌato poꞌog waku yt kat i hin i aiwemoti hap Tupana ehamo watoineꞌen turan. Watunug yne Tupana mikyꞌesat koꞌi ainapin hap koꞌi miꞌi hawyi Tupana mowepiit haria wo watoineꞌen.