Ewesu 2:5 - Sateré-Mawé

⁵ Towese hap kaipyi ahehakyeraꞌat Tupana. Aikotã ikuꞌuro rakat yt ihay i hap ewy yt ahehay hin i Tupana kape mekewat eꞌat pe. Taꞌi yt ahehay kuap i. Karãpe Tupana ihay ahowawi turan mekewat eꞌat pe yt watiwesat kuap i kat pote ikuꞌuro rakaria ewy watoineꞌen Tupana ewowi pote. Maꞌato miꞌi pykai aiwyꞌinug tuwewawi Aipotypot Iesui ehay upi.

Ewesu 2:5 Referans Kwoze

Humanu 3:24

Pywo kahato uiwyriaꞌin Tupana ti poꞌog poꞌog waku ahewaku hap kai. Taꞌi ahewaku hap yt Tupana ewaku hap ewy hin i. Miꞌi pote ahewaku hap yt putꞌok e hin i Tupana ewaku hap ete e. Miꞌi pote yne aitoria yt naku i nug haria watoineꞌen Tupana wanetup hawe e. Miꞌi pote mesup Tupana toꞌe ahepe -Uhaꞌyru mohey haria pe yn atum iꞌatuehakyeraꞌat hap wuatꞌi eꞌat piat e Tupana mesup wuatꞌi pe. Uhaꞌyru suu mikyiꞌat upi atum neꞌen neꞌi wuatꞌi eꞌat piat ieineꞌen hap e mesup ahepe. Uhegyiꞌat hap upi Uhaꞌyru suu mikyiꞌat upi atum neꞌen neꞌi eimowaku hap e mesup yne miitꞌin me e.

Ewesu 2:8

Maꞌato yt aiminug wakuap kaipyi hin i Tupana ahehakyeraꞌat. Taꞌi yt hin i uiwyriaꞌin. Ahewaku hap yt putꞌok e hin i Tupana wat hewaku hap ewy are. Aikyꞌe hap kaipyi towese hap kaipyi tutum ahehakyeraꞌat hap ahepe. Watimohey Iesui hawyi tutum ahepe wuatꞌi eꞌat piat aheineꞌen hap yt kat i watunug pykai tutum. Pywo pe ti tuwekaipyi tutum watomohey Iesui hawyi are.

Humanu 5:10

Saꞌawyꞌi watunug Tupana ahewanikap mo maꞌato miꞌi pykai ainug towyriaꞌin wo kahato katupono Haꞌyru tokuꞌuro hamo aiꞌatupehik Toꞌywot kape -Koitywy yt ahewanikap mo i topyhuꞌat maꞌato aiwy ok wo raꞌyn. Koitywy Tupana wy kahato uito watoꞌe. Koitywy Tupana toineꞌen uipiit pe. Miꞌi kaipyi watikuap taꞌyn pywo ti aru areineꞌen wuatꞌi eꞌat pe aiꞌe hap katupono Iesui tuwẽtem guꞌuro pyi hawyi uimimoieineꞌen hap topyhuꞌat watoꞌe.

Humanu 5:8

Maꞌato yt naku i nug haria ehakyeraꞌat hamo neꞌi Iesui ikuꞌuro. Tewanikaptia etiatno ikuꞌuro hawyi watikuap taꞌyn Tupana aikyꞌe kahato hap. Tupana tomoherep taꞌyn aikyꞌe hap Tosaꞌyru kuꞌuro hap kaipyi.

Iesui Potmuꞌeria 15:11

Taꞌi Iesui yn nyti ahehakyeraꞌat e. Iꞌewyte iraniaꞌin ywania Ehakyeraꞌat hat Iesui yn. Pyno aiwoꞌoꞌewy kahato e. Taꞌi Iesui mohey hap yn ahehakyeraꞌat kuap hap. Yt aiminug koꞌi kaipyi i wyti ahehakyeraꞌat hap toineꞌen e Peteru.

Ewesu 2:1

Haꞌawyte kahato yt uwe i eimuꞌe hat Iesui etiat turan yt Iesui mohey haria i eipe turan miꞌi hap eꞌat pe yt eweikuap hin i Tupana etiat aikotã ikuꞌuro rakaria yt tikuap hin i ahehay hap ewy mekewat eꞌat pe. Saꞌawyꞌi yt eweikuap hin i Tupana ehay are.

Humanu 8:2

Miꞌi hawyi wẽtup sehay yn aipiit pe kat pote Tupana Paꞌãu wo aipytꞌatnug. Miꞌi hawyi aipiit topyhuꞌat Iesui piit ewy. Saꞌawyꞌi te watuwat mekewat wẽtup sehay upi -Etunug no uimikyꞌesat ewy e hawyi ahiag mikyꞌesat saꞌag watunug. Miꞌi hawyi aiminug saꞌag ahekyi kahato aikuꞌuro hap kape hoꞌopot hap kape maꞌato watomohey Iesui hawyi Tupana Paꞌãu putꞌok e raꞌyn. Miꞌi hawyi Tupana Paꞌãu aihep taꞌyn aimikyꞌesat saꞌag po pyi aikuꞌuro hap wuatꞌi eꞌat piat po pyi.

Titu 2:11

Pyno koitywy Tupana mio tã e ahepe iꞌewyte wuatꞌi miitꞌin me -Worohoꞌokyꞌe kahato eipe e raꞌyn. Pyno worohoꞌoehakyeraꞌat reran eipe e wyti Tupana wuatꞌi ywania pe. Atum hamuat uhegyiꞌat kahato pote teꞌen neꞌi yne ehepe e ti Tupana ahepe.

Ewesu 5:14

Iꞌypyryp sese pote yt kat i heremo maꞌato hẽtyhot putꞌok e hawyi heremo kahato raꞌyn miꞌi hap ewy miitꞌin minug saꞌag. Karãpe watunug saꞌag waku Tupana pe watoꞌe -Atiꞌaparap kahato ti Tupana watoꞌe. Miꞌi pote atoiat raꞌyn saꞌag waku watoꞌe aipyꞌa pe. Miꞌi watunug pote Iesui aimomehit raꞌyn hawyi toimoherep ahepe muap hãpyk takat aiporeraꞌaipok Tupana kapiat hap. Miꞌi pote toꞌe wepy hawe -Erehymut ro eket hawyi erehymut ro ekuꞌuro hap kaipyi miꞌi hawyi Eipotypot Iesui eimomehit raꞌyn e ahepe aiminug saꞌag koꞌi aiket hap ewywuat aikuꞌuro hap ewy pote.

Humanu 4:16

Maꞌato Tupana toꞌe Aparãu me -Uiwy e uimohey pote waku pe kahato ereineꞌen uiwanetup hawe e. Miꞌi hap ewy te koitywy toꞌe ahepe -Eweimohey Uhaꞌyru hawyi atum eheineꞌen wuatꞌi eꞌat piat hamuat e. Yt kat saꞌup i ete atum neꞌen neꞌi Uhaꞌyru mohey haria pe e. Uhaꞌyru tum naꞌyn tosuu haꞌup mo e Tupana ahepe mesup. Watat Haꞌyru aipyꞌa pe hawyi watopyhuꞌat ahaꞌaseꞌi pot piat imohey hap ewywuaria. Miꞌi pote yt toꞌe hin i ahepe Tupana -Ewetunug yne waĩꞌuiꞌe hap hawyi waku pe eweikupteꞌen uiwanetup hawe yt toꞌe i ahepe maꞌato aikotã toꞌe Aparãu me miꞌi hap ewy te toꞌe ahepe mesup -Uimohey haria pote worohoꞌoehakyeraꞌat e ahepe mesup.

2 Kuriniu 13:14

Toran naꞌyn uiꞌe hap miwan miat. Uito ti Tupana mipoꞌoro sese Pauru.

Titu 3:5

Taꞌi Tupana yn ti Ahehakyeraꞌat kuap hat. Aito ti yt watiꞌatuehakyeraꞌat kuap hin i aiwewi. Iꞌewyte aiminug wakuap koꞌi ti yt putꞌok e i ahehakyeraꞌat hamuat kyiꞌat hamo. Tepiat ahehakyꞌeꞌi hap kaipyi yn ti Tupana ahehakyeraꞌat kuap. Iꞌewyte aiminug saꞌag ipit pit kahato hap koꞌi Tupana yn ikoho kuap. Iꞌewyte ti tutum ahepe Topaꞌãu Wakuat Sese raꞌyn. Miꞌi hawyi ti tosaꞌyruꞌin no tosakiꞌytꞌin no ainug Topaꞌãu wo. Miꞌi hawyi ti koitywy ipakup i rakaria wo raꞌyn watoineꞌen. Tupana tunug ni tuweran miꞌi tã hap ahetiat tuwepyi.

Humanu 5:6

Saꞌawyꞌi sese mekewat eꞌat wuat Tupana toꞌe -Atipoꞌoro aru En Uhaꞌyru miitꞌin Porekuat nuat e. Uhaꞌyru e koitywy mesuwat eꞌat atiꞌairo eto hamuat yi kape katupono hoꞌowasat kahato miitꞌin tukupteꞌen itote pote iꞌatuminug saꞌag eꞌat yn mote e Tupana tosaꞌyru pe. Mio tã e pote Aipotypot Iesui toto. Miꞌi hawyi aiminug saꞌag kaipywiat aiꞌapiheg hap tutuꞌu yne aheiam mo.

Humanu 16:20

Pyno Tupana aiwanetup kowoꞌi kowoꞌi hap monik kahato hat topyhuꞌat aiwanetup hawe. Waku ahewaure kahato Tupana kape. Miꞌi watunug mote aimowese kahato hap topyhuꞌat aiwoꞌope. Waku aiwoꞌokyꞌe hap upi watuꞌuka te aat kaꞌap ahiag ete. Miꞌi watunug mote meiũran yt pya hin i raꞌyn hap eꞌat pe Tupana tiꞌakit sese raꞌyn ahiag aipy wo toiꞌaporok ahiag. Taꞌi aipy wo aru toiꞌakit ahiag akag aikotã watiꞌakit moĩ akag ewy e. -Uipotypot Iesui ereineꞌen kahato ro emiitꞌin Humanu ywania wywo. Ereineꞌen hegyiꞌat kahato itotiaria piat hatno. Ereineꞌen egyiꞌat iꞌatukyꞌe hap wywuat wywo hap ahẽtup epe Iesui pe ehepiat.

Iuwãu 6:63

Taꞌi Tupana Paꞌãu ete uhehay yt uipuꞌi ete i uhehay e. Uhehay Maꞌãu kaipywiat eimuꞌe hap. Miꞌi yn eimoieineꞌen hap wuatꞌi eꞌat piatnuat e.

Iuwãu 5:21

Iꞌywot tiꞌatumoieineꞌen pakup i map haria. Miꞌi hap ewy ti Haꞌyru tiꞌatumoieineꞌen tomiꞌairoria koꞌi e.

Iesui Aru E Hap 22:21

-Uikaꞌiwat Iesui etiꞌatupoityro o egyiꞌat hap kaipyi yne mesuwat yi Asia piaria iꞌewyte etipoityro mesuwat miwan mohey haria yt iꞌatuewaku hap upi i wen maꞌato iꞌatukyꞌe hap wywo hap oktan. Miꞌi hap ahẽtup Iesui set upi waku.

Iruka 15:24

Uhaꞌyru saꞌawyꞌi hoꞌowasat rakat toineꞌen ikuꞌuro rakat ewy maꞌato guꞌuro pyi hap ewy tuwẽtem. Waku watenuk waku aimowepiit kahato hap e toꞌywot.

Korosi 2:13

Aikotã ikuꞌuro rakat yt ikuap hin i ahehay. Yt toikuap i watoineꞌen itotiat hap ewy watopyhuꞌat saꞌawyꞌi Tupana kapiat ikuꞌuro rakat ewy yt watikuap i ihay yt wataꞌakasa kuap i howawi katupono aiminug saꞌag aipyhyp kahato howawi ikuap hamuat. Iꞌewyte aimikyꞌesat saꞌag kape yn aiwanetup hap. Kat pote saꞌawyꞌi yt kat i Tupana ehay aikai maꞌato koran yt miꞌi tã hin i katupono Tupana tomoweityk yne yne raꞌyn aiminug saꞌag koꞌi. Aimoieineꞌen i guꞌuro pyi hap ewy tutum ahepe. Karãpe watomohey Iesui mekewat eꞌat pe watuwẽtem guꞌuro pyi hap ewy Iesui tuwẽtem hap ewy. Koitywy watoineꞌen Tupana ewowi yt saꞌag ewowi i raꞌyn. Yt ikuꞌuro rakaria ewy i raꞌyn mesup watoineꞌen maꞌato Tupana ewowi aheha ahewaure mesup.