Epereu 2:11 - Sateré-Mawé

¹¹ Iesui ti aikoho kuap kahato. Pywo ti rat aipyꞌa piat aiminug saꞌag koꞌi aiwanetup hap koꞌi toimoweityk kuap. Miꞌi hawyi ainug Toꞌywot saꞌyruꞌin sakiꞌytꞌin no. Tupana mepytꞌin no ainug hawyi Iesui Aheykeꞌet Aikywyt toineꞌen. Waku pe kahato hawyi watopyhuꞌat. Aikoho tosuu wo hawyi yt tuwemoti i toꞌe hamo ahepiat -Miꞌiria ti uheꞌywytꞌin koꞌi uheinytꞌin koꞌi e hap pupi yt tuwemoti hin i toꞌe hamo. Aheykeꞌet Aikywyt Iesui watimohey hawyi aikoho tosuu wo hawyi waku kahato e.

Epereu 2:11 Referans Kwoze

Epereu 10:14

Saꞌawyꞌi watomohey hawyi aimohãpyk kahato Iesui suu wo iꞌewyte mesup te aimohãpyk yne eꞌat Tupana Saꞌyru suu wo yne eꞌat poꞌog saꞌawyꞌi wuat kai. Waku wahẽtup yne eꞌat huu wywo aikoho hap aimowaku hamuat. Miꞌi watunug mote meiũran itag nakaria wo watoineꞌen imohey hap ete. Tupana miewaku koꞌi wo watopyhuꞌat mesuwarote. Tupana Saꞌyru ewywuat watopyhuꞌat hawyi yt kat i saꞌag aikai. Miꞌi hawyi tosuu wo aimotag kuap kahato.

Epereu 10:10

Miꞌi pote koitywy waku pe raꞌyn watoineꞌen Tupana ehamo. Imiewaku sese wo raꞌyn watopyhuꞌat aito katupono mekewat Tosaꞌyru piit ium hap kaipyi aimohãpyk hap toineꞌen. Tupana towaku hap ewy ainug. Aikaꞌiwat Aipotypot suu aat yi totiat hap kaipyi aimohãpyk hap toineꞌen mesup. Tupana tewaku hap ewy tutum ahepe. Haꞌyru haꞌup nug tosuu wo wẽtup mo yn. Yt kat i miꞌi rẽ katupono -Waku raꞌyn eipe e Tupana toran naꞌyn e.

Iuwãu 20:17

Miꞌi hawyi Iesui toꞌe -Epohep o uipy ete pyi mana katupono waku saꞌawyꞌi araꞌaipok Uiꞌywot kape e. Miꞌi hawyi maꞌato mohenoi ro uhehay e mio wyti koitywy araꞌam irane raꞌyn Uiꞌywot kape e. Miꞌi pote mohenoi ro uhehay Uipotmuꞌeria pe -Koitywy araꞌam irane raꞌyn Uiꞌywot uheTupana kape. Iꞌewyte eiꞌywot eheTupana kape ereꞌe ro uiꞌe hap uheꞌywytꞌin me mana e.

Epereu 13:12

Miꞌi hap ewy kahato Iesui ikuꞌuro pya tawa wato Ierusarẽi pyi tohoꞌopot mekewat tawa Ierusarẽi ekuekai aikawiatno ikuꞌuro Aihũ ewy. Huu taꞌat itote aimowaku hamuat. Iesui tum tosuu itote temiitꞌin moewaku hamo.

Humanu 8:29

Yt aheineꞌen i te hap eꞌat turan Tupana aikuap taꞌyn. Taꞌi ainug hap eꞌat eꞌyian mete Tupana aikuap. -Taꞌi miꞌiria wyti aru Uhaꞌyru mohey hanuaria tukupteꞌen e tuwepe nimo te yt uwe i aito hap eꞌat pe. Uhaꞌyru mohey haria wo aru atiꞌatunug Uhaꞌyru ewywuaria Taꞌatueykeꞌet ewywuaria Taꞌatukywyt ewy atunug miꞌiria Uhaꞌyru watꞌypꞌi wo hap atiꞌatunug miꞌiria e tuwepe nimo te yt uwe i aito hap eꞌat pe. Uhaꞌyru mohey haria wyti aru atiꞌatuꞌairo uhemiitꞌin sese wo e Tupana topyꞌa pe nimo te yt uwe i te toineꞌen mesuwarote turan.

Iuwãu 17:19

Pywo Papai epo pe areineꞌen emikyꞌesat ewy nug hamo. Miꞌi hawyi atikyꞌesat wy uhemiitꞌin epo pe teꞌeropyhuꞌat eimikawiatno sese wuaria wo e.

Iuwãu 17:21

Atikyꞌesat aikotã aiwanetup hap wẽtup yn hap ewy ahemiitꞌin wẽtup wanetup ewy yn hap ahẽtup ekaipyi are. Aikotã areineꞌen ekai iꞌewyte ereineꞌen uikai miꞌi hap ewy atikyꞌesat aimimuꞌeria tukupteꞌen ahepe wẽtup miit ewy are. Iꞌatuwanetup hap aiwat ewy atikyꞌesat miꞌi hawyi mesuwarotiaria En uipoꞌoro hatno ereineꞌen hap taꞌatumohey raꞌyn e.

Mateu 25:40

Miꞌi hawyi iꞌatuporekuat tiꞌatuwesat -Yt uhepe i maꞌato uhemiitꞌin ihakyꞌeꞌi rakaria yt iwy rakaria i powyro haria ti eipe. Miꞌi kaipyi iꞌewyte uipowyro haria eipe yt eweikuap i pykai e aru iꞌatuepe.

Epereu 2:14

Pyno aito miit kawiat maꞌato -Uhaꞌyruꞌin uhakiꞌytꞌin eipe e Tupana ahepe Tosaꞌyru mohey haria pe mesup. Miit puꞌi kawiat kahato Iesui piit maꞌato yt karãpe i tutunug yt naku i. Ikuꞌuro aikawiatno hare pote tuwenug miit no iꞌewyte wẽtup piit ewy iwywo watopyhuꞌat watimohey hawyi e. Wẽtup suu ewy kahato iwywo aito iꞌewyte aihep taꞌyn ahiag po pyi tutuꞌu yne aikuꞌuro hap hawyi. Saꞌawyꞌi ahiag aimokenꞌẽ kahato aikuꞌuro hamo maꞌato mesup Iesui tihep taꞌyn mekewat aimokenꞌẽ hap.

Karasia 4:4

Putꞌok e raꞌyn heꞌat tomikyꞌesat ewy raꞌyn topyhuꞌat hawyi Tupana tipoꞌoro Tosaꞌyru haryporia kaipywiat torannia tehay woꞌonapin hap nug hamuat raꞌyn. Putꞌok toꞌe hawyi yt wẽtup i Toꞌywot woꞌonapin hap toiꞌaparap. Tutunug yne imikyꞌesat oktan.

Iesui Potmuꞌeria 17:26

Wẽtup ok miit kaipywiat yn ni yne ywania tohytpok mesuwat yi totiaria tukupteꞌen e. Taꞌi saꞌawyꞌi te ti Tupana sese yne ywania ahyt eiam mesuwat yi totiat nug hat. Aikope aikope wuatꞌi ywania eꞌyi toineꞌen hap Tupana tunug saꞌawyꞌi tuwanetup hap kaipyi. Ikupteꞌen porap neꞌi mesuwat yi totiat hamuat hap tutunug tuwanetup hawe nimo te e Pauru.

Epereu 11:16

Miꞌiria tikat kahato wẽtup tawa poꞌog poꞌog waku saꞌawyꞌi wuat mesuwiat kawiat rakat katupono atipy piat e tawa taꞌatukat. Koitywy Tupana yt tuwemoti hin i toꞌe -Uito ti rat Aparãu Etupana toꞌe hamo. Miꞌi pote iꞌatuetawa atipy piat waku piat raꞌyn toineꞌen Tupana minug pakup yn naꞌyn itote. Ikahu pe raꞌyn tutunug iꞌatuewa kai taꞌatumohey pote.

Maku 8:38

Pywo pe ti uwe uwe mesuwat yt naku i hap eꞌat koꞌi turan uhehay pupi tuwemoti yt uimohey haria i. Miꞌi haria pupi ti aru uito iꞌewyte aremoti wy mekewat eꞌat pe karãpe uito eheykeꞌetno ariot i raꞌyn Morekuatno atipy piaria wywo Tupana wat hẽtyhot rakat pe imehit rakat piat turan. Miꞌi hap eꞌat pe ti aru uito Eheykeꞌet aremoti uipupiat wemoti haria pupi e Iesui muap upiaria pe.

Mateu 28:10

-Manaꞌin yt eweikenꞌẽ teiꞌo e maꞌato eweiwat ro uiwyriaꞌin eikywytꞌin me henoi hamo -Waku eweiꞌaipok aheꞌyi Karireia kape iraꞌyn. Miꞌi tote watoꞌopuẽti e. Waku uiꞌe hap ewy eweiꞌe ewehenoi uhemiitꞌin me. Miꞌi hawyi tuwat i ikohyeput i raꞌyn taꞌatuhenoi hamo.

Iesui Potmuꞌeria 17:28

Taꞌi Tupana sese kaipyi ti aheiam ahewyry hap aheineꞌen hap e. Aikotã saꞌawyꞌi wuat eimuꞌe haria pypyꞌe hap nug haria teꞌeroꞌe hap ewy -Tupana mepytꞌin aito e hap ewy.

Iruka 9:26

Uwe uwe uipupi tuwemoti iꞌewyte uhehay tomuꞌe hap pupi tuwemoti pote ti aru uito miitꞌin ykeꞌet aremoti miꞌiria pupi wy karãpe ariot uhesaika hap hẽtyhot puo uiꞌywot piat uipoꞌoro hap eꞌat pe.

Maku 3:34

Miꞌi hawyi tehaꞌat taꞌapypueri haria kape tomohey haria kape hawyi toꞌe

Epereu 3:1

Pyno Iesui poꞌog atipy piaria kai iꞌewyte mesuwiaria kai. Waku watuwanetup kahato aimimohey kape. Tupana mimowaku koꞌi aito uiwyriaꞌin. Aito wẽtup ok ywytꞌin koꞌi wo yn Tupana ainug Aheykeꞌet Iesui pote. Aito wẽtup sok yn wuatꞌi atipy kapiat wat hanuaria aito. Koitywy Tupana aikay kay atipy kape. Miꞌi pote waku watuwanetup kahato Ahepaꞌi Koro Iesui kape hawyi -Iesui Ahepaꞌi Koro watoꞌe iraniaꞌin me miꞌi pote wẽtup yn miit ewywuat watopyhuꞌat wẽtup ehay ewy yn watoꞌe.