Epereu 13:10 - Sateré-Mawé

¹⁰ Saꞌawyꞌi paꞌiria teꞌerenuk kahato aihũria aimiium Tupana piat ete. Taꞌatuwuk Tupana kape turan taꞌatuhep ipuꞌi kãꞌã taꞌatumiꞌu wo. Maꞌato aito Iesui mohey haria wẽtup auka hap kaipyi watenuk. Yt mesuwarotiat aiꞌywania Tupana yat sokpe kawiat piat ewy hin i aimiꞌu maꞌato poꞌog poꞌog wakuat Aihũ Aimiium saꞌawyꞌi wuaria kai katupono Aihũ Pakup Aimiium ti Iesui piit.

Epereu 13:10 Referans Kwoze

1 Kuriniu 10:20

Taꞌatuwuk taꞌatuhũria iꞌatuiãꞌãkap pyꞌasetpe maꞌato iãꞌãkap koꞌi iꞌatuetupanaria yt taꞌakasa hin i. Pywo ti yt Tupana sese kape hin i iꞌatumiium koꞌi maꞌato ahiagnia kape iꞌatumiwuk koꞌi. Miꞌi hawyi ahiag wyriaꞌin kahato tukupteꞌen miꞌiria. Yt naku i miꞌi tã ewetunug eipe miꞌiria eko ewy neꞌi Iesui ekuiꞌa sapo hy wo.

1 Kuriniu 9:13

Saꞌawyꞌi wuaria Tupana motypot yat piaria paꞌi koꞌi teꞌerenuk miitꞌin miium kaipyi iꞌatuhũ Tupana kapiat iꞌatumiwuk kapiat ete. Teꞌerenuk taꞌatuhep ipuꞌi kãꞌã mekewat nu kawiat aihũ wuk hap eiam kaipyi teꞌerenuk hamo. Paꞌi koꞌi miꞌi tã saꞌawyꞌi taꞌatupuẽti taꞌatumiꞌu.

Epereu 8:5

Pyno mesuwarotiat Tupana eiam Muisei minug yahig notiat aikotã Tupana eiam sese atipy piat iãꞌãkap ewy kahato. Ahepaꞌiria mekewat sokpe kawiat piat motpap nug haria tukupteꞌen atipy pe Tupana eiam notiat motpap ewywuat Ahepaꞌi Wato Iesui iãꞌãkap ewywuat. Aikotã Tupana toꞌe Muisei pe haꞌawyte mio tã e -Eweꞌeg o Muisei e. Waku etunug o uimotypot yat uiꞌe hap ewy e. Atikyꞌesat hãpyk kahato uiꞌe hap ewywuat hap e. Aikotã atomoherep epe saꞌawyꞌi yityꞌok tote hap ewy etunug o atipy pe e. Kat kupitu kat kupitu areꞌe yityꞌok tote hap ewy etunug o e Tupana Muisei pe tutunug inug hap eꞌyian mete.