2 Timoteu 1:4 - Sateré-Mawé

⁴ Timoteu yt atiwaure kuap i aikotã eꞌyatypiat areineꞌen turanuat aikotã erewak uikyꞌe epiat haype hap. Uipap kahato ewowiat uiꞌakasa hamo hawyi atikuap uimowepiit kahato en hap.

2 Timoteu 1:4 Referans Kwoze

2 Timoteu 4:9

Timoteu atikyꞌesat kahato eriot uhowowi. Miꞌi tupono yne esaika hap mywo eriot meikowo uhaꞌyru.

2 Timoteu 4:21

Atikyꞌesat eriot mesup uhowowi Timoteu iꞌaman mot ewakai te. Eꞌykeꞌetꞌin Iesui mohey haria Eupuru Putenti Irinu iꞌewyte mana Kautia iꞌewyte torannia meiũpiaria Iesui mohey haria kuekatu iꞌatuꞌe ewowi.

1 Tesaronika 2:17

Uiwyriaꞌin ehepiat hoꞌopot turan yt uwe hin i uruto eiwywo eipowyro hamo. Urupiit yt uwe i maꞌato uruwanetup hap toineꞌen ehewowi yn are. Taꞌi uruehatꞌat kahato ekyewi kat pote saꞌawyꞌi uruꞌaipok wo urutuwat ehewowi. Miꞌi hawyi poꞌog urupap ehewowi -Toꞌiro wataꞌaipok i ro ahekatuwyria Tesaronika piaria ewowi urutoꞌe urupap haype.

Wiripu 1:8

Worohoꞌokyꞌe kahato eipe. Tupana tikuap yt uheso i hap. Aikotã aikotã Aipotypot Iesui eikyꞌe hap ewy uito worohoꞌokyꞌe haty uipyꞌa piat wywo worohoꞌokyꞌe.

Iesui Aru E Hap 21:4

Miꞌi hawyi yt eweiwak poꞌog neiꞌo e. Koitywy ti aru yt karãpe i teꞌeruwak poꞌog e. Yt kat i iꞌatuꞌarot hap e. Yt kat i poꞌog haty hap itote e iꞌatuehãite sese itote katupono yt kat i saꞌawyꞌi wuat ewy e. Ipakup we tukupteꞌen mesup e.

Iesui Aru E Hap 7:17

-Koitywy Tupana Hũ Kuteiru topyhuꞌat iꞌatuꞌapykok hat sese. Toiꞌatuꞌapykok mekewat Morekuat eꞌamyap ikahu rakat rote pyi. Koitywy Tupana Saꞌyru topyhuꞌat iꞌatupoi hat e. Teꞌereꞌyꞌutui hawyi Tupana Hũ hit timoherep yꞌy wakuat rakat yt ipit pit hin i rakat aimoieineꞌen wuatꞌi eꞌat piat hat yꞌy e. Toiꞌatuꞌykesat yresa sese koꞌi kape iꞌatumoieineꞌen sese hamo e. Tupana sese topyhuꞌat iꞌatumowepiit hat -Uhaꞌyruꞌin uhakiꞌytꞌin waĩ ehekiri teiꞌo e. Koitywy ti aru yt karamuo i raꞌyn eheha hy hom homꞌe ehekiri hap upi e. Atihep yne ehepiat hatyꞌu hap e. Koitywy wuatꞌi eꞌat pe eweikupteꞌen waku pe eweikupteꞌen e Tupana Hũ Kuteiru Hit mekewat hoꞌopot haria kape e uhepe mekewat wẽtup ok 24 rakaria kaipywiat hat. Araꞌakasa yne mekewat kape uimuꞌetu Uito Iuwãu.

1 Iuwãu 1:4

Miꞌi hap kyewi ti mesuwat urumiwan atipoꞌoro ehewowi uruehay eimowepiit kahato hamuat.

Wiripu 2:26

Toto teran kahato ehewowi katupono ihay teran i raꞌyn eiwywo ihatꞌat kahato ekyewi. Gaꞌatpo iꞌahuu kahato mesuwe mehin Epawutitu. Miꞌi hap eweikuap hawyi haty kahato iwanetup hawe katupono eweikuap hawyi eiꞌarot hap yt toikyꞌesat i maꞌato.

Humanu 1:11

Atikyꞌesat kahato meremo uipoꞌoro Humanuꞌin kapiat uhewyry hamo. Tupana ewaku hap upi uipoꞌoro o iꞌatumuꞌe hamo.

Iesui Potmuꞌeria 20:31

Miꞌi tupono eiwatetup o. Yt waureꞌeweiꞌe teiꞌo uhepiat eimuꞌe hap ete. Katupono myẽꞌym anu wãtym muo ihatꞌok aat puo worohoꞌomuꞌe worohoꞌonapin uiwak popuo e Pauru tawa Ewesu kaipywiaria pe.

Iesui Potmuꞌeria 20:19

Eweikuap kahato ti miꞌi pote aikotã uipotpap kahato Aikaꞌiwat mikyꞌesat motpap wiat hap perupꞌi puo uiwak popuo worohoꞌomuꞌe hap e. Miꞌi turan tuut raꞌyn uhãꞌãg hap koꞌi katupono Iuteuria uiꞌauka teran itote e.

Iuwãu 16:24

Haꞌawyte pyi ti uhepe yn ewehẽtup eimikyꞌesat koꞌi maꞌato koitywy pyi aru waku ewehẽtup Uiꞌywot pe uhet wywo uimikyꞌesat ewy. Miꞌi hawyi Uiꞌywot tum aru eimowepiit sese hamuat e. Ewehẽtup miꞌi tã hap ewy pote eweipuẽti aru eimiẽtup eimowepiit kahato hamuat e.

Iuwãu 16:22

Miꞌi hap ewy ti mesup areto hamuat raꞌyn eiꞌyatypepyi miꞌi pote yt eiwepiit hin i maꞌato meiũran worohoꞌopuẽti i raꞌyn hawyi ti aru maꞌato meremo raꞌyn eiwepiit hap tuut aikotã aity iwepiit aiꞌywãꞌĩ hap eꞌat pe hap ewy e. Aremoherep i raꞌyn eipyꞌasetpe hawyi eimowepiit sese hap topyhuꞌat eiwepiit sakpo hap ewy aikotã imepyt pakup hap ewy are. Areineꞌen i eiwywo hawyi eiwepiit sese hap toineꞌen eipyꞌa pe iheg me toineꞌen yt uwe i raꞌyn eiwepiit hap porap kuap hat e.