2 Timoteu 1:1 - Sateré-Mawé

¹ Timoteu mesup uimiwan atipoꞌoro kuekatu uiꞌe hap. Uito eꞌywot Pauru mekewat Aipotypot miꞌairo tehay moherep wuatꞌi miitꞌin miatnuat hat. Karãpe etomohey Iesui hawyi pywo Aiporekuat sese ere o wuatꞌi pe. Miꞌi pote ti aru ereineꞌen wuatꞌi eꞌat pe Tupana wywo ere o katupono mio tã e hap ti saꞌawyꞌi te Tupana tomoherep uhepe.

2 Timoteu 1:1 Referans Kwoze

Epereu 9:15

Koran Tupana Wywuat Woꞌowese Nug Hat raꞌyn toineꞌen Iesui. Koitywy Muap toineꞌen Tupana kapiat. Katupono mesup ahepe Tosaꞌyru mohey haria pe -Eweĩꞌẽ ro uhowowi e. Koitywy wuatꞌi eꞌat piat ieineꞌen hap atum neran ehepe yt ikahuro rakat i e Tupana. Katupono Uhaꞌyru suu topyhuꞌat ehaꞌup mo e. Uhaꞌyru ikuꞌuro eiꞌapiheg hap saꞌup mo e. Miꞌi pote mesup waku pe raꞌyn eweikupteꞌen e. Waku ahehay aiwoꞌope aiwoꞌope aiwoꞌowese hap e Tupana ahepe watimohey Haꞌyru hawyi. Ipakup we raꞌyn watukupteꞌen mesup Tupana wywo -Koitywy Uhaꞌyru mikyiꞌat koꞌi eipe pote eweĩꞌẽ ro uhowowi uhaꞌyruꞌin uhakiꞌytꞌin e Tupana ahepe.

Iuwãu 17:3

Miꞌi hawyi miitꞌin teꞌeropyhuꞌat En Tupana pywuat rakat kuap haria wo hawyi iꞌewyte Uito emipoꞌoro kuap haria wo hawyi wuatꞌi eꞌat piat gupteꞌen haria wo teꞌeropyhuꞌat e.

2 Kuriniu 1:1

Uito ti Pauru are. Uiwyriaꞌin Iesui mohey haria tawa Kurintiu piaria yi Akaia piaria. Eiperia ti Tupana mimowaku koꞌi raꞌyn tewaku hap wuat koꞌi. Uito ti Iesui potpoꞌoro Pauru e hap het rakat are. Saꞌawyꞌi Tupana toꞌe uhepe -Woroꞌairo en Uhaꞌyru moherep miitꞌin muat hamuat e. Koitywy atipoꞌoro ehewowi uimiwan aikope aikope eiwaꞌatunug Tupana motypot hamo are. Iꞌewyte toineꞌen meiũpe aheywyt aikywyt sese Timoteu are. Miꞌi ti uipowyro mesuwat uhehay wan hap ete.

Iuwãu 10:28

Atiꞌatumoieineꞌen aru uimohey haria e. Yt karamuo i raꞌyn ti aru iꞌatukahuro sese e uiwywo yn naꞌyn teꞌeropyhuꞌat wuatꞌi eꞌat pe e. Miꞌi hawyi ti aru yt uwe i raꞌyn heꞌeroꞌok kuap uipo pyi uimohey haria katupono atiꞌatuꞌapykok kahato uihũria e.

Titu 1:2

Katupono saꞌawyꞌi te aat yt kat i te turan toꞌe Tupana ahepe -Atum aru ehepe eheineꞌen wuatꞌi eꞌat piat hamuat e ti Tupana. Yt heso i ahete Tosaꞌyru mohey haria pe. Miꞌi hap yn wahekatup aito mesup.

Ewesu 3:6

Koran Tupana Paꞌãu toꞌe ahepe -Saꞌawyꞌi iraniaꞌin ywania yt uikuap hin i maꞌato mesup atipoꞌoro uhehay wakuat wuatꞌi ywania ewowi aikotã areꞌe saꞌawyꞌi miwan me. Atunug aru e hap ewy mesup atunug naꞌyn e. Koran atunug naꞌyn Iraniaꞌin ywania Porekuat no raꞌyn Uhaꞌyru e. Miꞌi imohey haria sok wẽtup piit ewywuat yn naꞌyn teꞌeropyhuꞌat aru e. Aikotã saꞌawyꞌi atipoityro Iuteu ywania atiꞌatupoityro mesup yne yne ywania aikotã areꞌe saꞌawyꞌi uiꞌe hap ewy atunug mesup e Tupana uhepe. Saꞌawyꞌi migꞌi wo sese yt uwe mikuap mo i mesuwat uiꞌe hap are maꞌato koitywy atimoherep miꞌi uiꞌe hap yne miitꞌin me uimiwan kaipyi uhehay kaipyi e Tupana ahepe.

Iuwãu 6:40

Miꞌi hap Uiꞌywot tikyꞌesat -Uwe uwe taꞌakasa Haꞌyru kape hawyi imohey miꞌi hat ti wuatꞌi eꞌat piat ieineꞌen hat topyhuꞌat e. Uwe uwe Haꞌyru mohey miꞌi haria ti aru Haꞌyru tiꞌatuenoꞌẽ iꞌatuꞌasyp hap kaipyi iꞌatuieineꞌen pakup i hamo e.

1 Iuwãu 2:25

Miꞌi tã eweikupteꞌen pote -Atum potꞌi eheineꞌen wuatꞌi eꞌat piat hamuat hap e Aipotypot ahepe.

1 Timoteu 6:19

Taꞌatunug taꞌatunapin epiat hap pote ti aru hekat rakaria wo sese tukupteꞌen atipy pe.

2 Kuriniu 1:20

Saꞌawyꞌi sese Tupana henoi yian mete miwan me yne Tosaꞌyru etiat aikotã aru tutunug hap etiat tohenoi miwan me. Miꞌi hawyi toipoꞌoro raꞌyn Tosaꞌyru Aiporekuat nuat. Putꞌok e hawyi -Papai e atunug neran yne eꞌe hap ewywuat e. Eꞌe hap koꞌi yne atunug aru e. Eꞌe hap ewywuat hap atunug neran e. Miꞌi hawyi Iesui tunug yne Toꞌywot e hap -Atunug aru toꞌe hawyi tutunug yne. Miꞌi pote karãpe urutoꞌe -Urutunug aru urutoꞌe hawyi urutunug uruꞌe hap ewy. Aikotã Aikaꞌiwat ewy Tupana mikyꞌesat ewy urutunug neran uruꞌe hap ewy. -Taꞌi yt urutunug i aru miꞌi tã urutoꞌe miꞌi pote yt urutunug i uruꞌe hap ewy Tupana Saꞌyru e hap ewy. Miꞌi tã urutunug neran Tupana motypot hamo.

1 Kuriniu 1:1

Uito ti Pauru are. Mesuwat uimiwan atipoꞌoro ehewowi tawa Kurintiu piaria einapin hamuat torannia Iesui mohey haria napin hamuat. Uito ti Tupana miꞌairo Tomipoꞌoro Wuatꞌi Porekuat Nuat Iesui moherep miitꞌin miat hanuat are. Iꞌewyte aiwy kahato Sotene po kaipyi tuut mesuwat miwan.

Humanu 6:23

Aiminug saꞌag kaipyi tuut haꞌup aikuꞌuro hap aiꞌapiheg hap wuatꞌi eꞌat piat. Tupana wat yt haꞌup takat i tutum teꞌen neꞌi wuatꞌi eꞌat piat aheineꞌen hamuat ahepe Aipotypot Iesui mohey haria aito pote.

Humanu 5:21

Miꞌi hawyi yt naku i nug hap upi yn watopyhuꞌat. Yt watoiat kuap i aiminug saꞌag iꞌewyte yt watoiat teran i. -Miꞌi tã etunug mote ekuꞌuro hap topyhuꞌat e Tupana pykai watunug teꞌen teꞌen neꞌi pote. Miꞌi hawyi aiminug saꞌag kaipyi aiꞌauka hap topyhuꞌat. Maꞌato aiꞌapiheg hap eꞌyian mete putꞌok e Aipotypot Iesui mesuwe aiꞌapiheg hap tutuꞌu yne tokuꞌuro hamo. Miꞌi pote aimoieineꞌen wuatꞌi eꞌat pe. Yt nakuaria i kahato aito pykai Tupana aikyꞌe. Koitywy aikyꞌe pote watopyhuꞌat hemiitꞌin no imikyꞌesat ewy watunug neran mesuwe. Imipoꞌoro Iesui aimohãpyk hawyi yt Atãu wat i aito maꞌato Iesui wat watoineꞌen wuatꞌi eꞌat pe. Pywo ti rat atiwan ewowi.

Humanu 1:1

Humanu ywania kuekatu sese atipoꞌoro ehewowi uimiwan me. Uito Pauru are. Uimiwan ni mesup sehay wakuat atipoꞌoro ehewowi. Uito ti Tupana mipoꞌoro sehay wakuat moherep wuatꞌi ywania puat hanuat. Iesui potmuꞌe sese ti uito. Uito ti Tupana mipoꞌoro Iesui Aiporekuat moherep hanuat. Saꞌawyꞌi te Tupana uiꞌairo hawyi mio tã e uhepe -Mehin Pauru e woropoꞌoro Uhaꞌyru Iesui etiat sehay wakuat moherep wuatꞌi puat miitꞌin miat hamo e. Atikyꞌesat sehay ewẽ pywiat Uhaꞌyru etiat yn e uhepe.

Iuwãu 6:54

Uwe uwe uipuꞌi iꞌu uwe uwe uhuu wo teꞌyꞌu miꞌi haria yn ni aru wuatꞌi eꞌat piat ieineꞌen hap puẽti hanuaria wo teꞌeropyhuꞌat e.

Iuwãu 5:24

Pywo pe ti areꞌe ehepe uwe uwe uhehay mohey hat ti aru uipoꞌoro hat mohey hat toineꞌen. Miꞌi hat ti aru topyhuꞌat wuatꞌi eꞌat pe yt karãpe i imiꞌapiheg wo. Ikuꞌuro hap tokosap taꞌyn hawyi heineꞌen hap yn topyhuꞌat wuatꞌi eꞌat piat ikai e.

Karasia 3:26

Tupana mepytꞌin no watukupteꞌen wẽtup miit pakup ewy Aikaꞌiwat Iesui mohey hap kaipyi watoꞌe.

Karasia 3:28

Aito miitꞌin yt aiwoꞌoꞌewy hin i watukupteꞌen iraniaꞌin Iuteu ywania e hap koꞌi iraniaꞌin yt Iuteu ywania i iraniaꞌin ihainiaꞌin haryporiaꞌin iraniaꞌin gaꞌiwaria iraniaꞌin miit emiitꞌin. Maꞌato miꞌi pykai watoineꞌen Iesui mohey hap kaipyi wẽtup piit ewywuaria yn imohey haria sok aito pote are.

2 Timoteu 1:9

Tupana ahehakyeraꞌat hawyi ainug temiitꞌin wo. Yt aiwanetup kahu hap upi i yt ahewaku hap upi i maꞌato tomikyꞌesat no tegyiꞌat hap oktan ahehakyeraꞌat wuatꞌi eꞌat piat aikotã Tupana toꞌe nimo saꞌawyꞌi tutunug yne wuatꞌi hap yian mete -Atiꞌatuehakyeraꞌat ti aru Uhaꞌyru mohey haria e Iesui etiat hap ewy.

2 Timoteu 1:10

Pyno koitywy watikuap kahato hegyiꞌat ahepiat hap katupono Aikaꞌiwat Iesui uut hawyi tuwemoherep taꞌyn ahepe aikotã aikuꞌuro hap kaipywiat aimoherep hamo. Tehay wakuat toimoherep taꞌyn ahepe aheineꞌen wuatꞌi eꞌat piat hamuat hap.

2 Timoteu 1:13

Timoteu epap kahato o uimienoi epiat pywuat sese sehay upi. Ewatetup miꞌi e hap koꞌi upi katupono aikotã aikotã ereineꞌen hamuat ahenoi epe. Miꞌi hap tote ereineꞌen wuatꞌi eꞌat pe. Etomohey Aikaꞌiwat Iesui. Etikyꞌe kahato Miꞌi. Miꞌi hawyi wẽtup piit ewy yn watoineꞌen Iesui wywo.

2 Timoteu 2:1

Timoteu Aipotypot Iesui hegyiꞌat kahato tesaika hap ium ahepiat hamo. Miꞌi hap kaipyi ereineꞌen hemiit hesaika kahato rakatno hap wẽtup piit ieineꞌen hap ewy raꞌyn ereineꞌen iwywo.

2 Timoteu 2:3

Aikotã surara tuwemosoꞌopotꞌi hap ewy eremosoꞌopot uhaꞌyru. Surara sese ewy o ereineꞌen Iesui emiit wakuatno.

2 Timoteu 2:10

Maꞌato yt uiwẽpohep hin i Iesui mohey hap ete waĩꞌiꞌatuꞌe pykai. Uiꞌauka pote uiꞌauka maꞌato yt uipohep hin i te. Katupono Tupana tiꞌatuehakyeraꞌat teran kahato tomiꞌairoria ahoꞌopot kahato Iesui mohey iꞌatuepiat hamuat pykai. Miꞌi hap kaipyi Tupana tiꞌatuehakyeraꞌat miꞌiria. Miꞌi hawyi Iesui kahu hap ewywuaria raꞌyn tukupteꞌen iwywo wuatꞌi eꞌat pe raꞌyn.

2 Timoteu 3:15

Katupono ehire pyi te etikuap Tupana ehay miwan miat hap ete pywuat sese hap kaipyi etipuẽti Ekaꞌiwat Iesui etiat kuap hamuat. Katupono yian mete taꞌatuhenoi Aikaꞌiwat Iesui etiat. Miꞌi hap kaipyi ti watipuẽti aiweꞌeg hap Iesui mohey hamuat. Miꞌi hawyi watomohey hawyi ahehakyeraꞌat hap topyhuꞌat.

Titu 1:4

En ni Titu uhaꞌyru sese Iesui mohey hap kaipywiat katupono aimimohey ti wẽtup ok yn toineꞌen mote i pote wẽtup ok yn aito. -Etum no egyiꞌat hap uhaꞌyru Titu pe areꞌe mesup mesuwe Aiꞌywot Tupana pe. Iꞌewyte imowepiit kahato hap etum o uhaꞌyru Titu pe areꞌe mesup mesuwe Tupana pe Iesui Uhehakyeraꞌat hat pe wuatꞌi Porekuat pe.