2 Peteru 1:20 - Sateré-Mawé

²⁰ Pyno ahenoi hamuat Tupana ehay aikope pyi tuut saꞌawyꞌi hap mekewat miwan miat. Pyno ti yt miitꞌin wanetup hap kaipyi i tuut are. Yt yne miitꞌin mikuap kaipyi i tuut miꞌi wuat are. Yt miitꞌin muꞌetu wuat kaipyi hin i ti.

2 Peteru 1:20 Referans Kwoze

2 Peteru 3:3

Tuut wyti aru eimuꞌe hanuaria. Miꞌiria ti aru taꞌatumikyꞌesat ete yn eimuꞌe. Taꞌatupiit piat mikyꞌesat saꞌag koꞌi hap taꞌatunug kahato ekyewi iꞌewyte ehekareꞌen kyewi. Miꞌi hawyi eimimohey Iesui tuut aru e hap ete taꞌatukyryꞌi kahato.

Humanu 12:6

Pyno wẽtup ok imohey hat pe Tupana tum tesaika hap topotpap nug hamuat maꞌato wẽtup ok pe wẽtup sepap hap tutum. Yt toꞌoꞌewy hin i tutum ahepe aimikuap koꞌi aimisepap nug hap koꞌi. Maꞌato Tupana tum yne miꞌi koꞌi ahepe tegyiꞌat pote haype. Tutum neꞌen neꞌi yt kat saꞌup i. Wẽtup ok pe tutum tesaika hap tehay moherep hamuat. Tutum ahepe pote pyno waku watimoherep ihay imohey hap mywo imohey hap oktan.

Tiaku 1:3

Miꞌi hap watunug mote poꞌog ihãite ahepiat imohey hap. Miꞌi hawyi wahaty sepap neꞌi raꞌyn karãpe wẽtup ok kaipyi raꞌyn ahãꞌãg hap putꞌok e turan.

1 Timoteu 1:9

Wakuap nug haria tikyꞌesat kahato Tupana piat tonapin hap. Maꞌato iraniaꞌin saꞌag kyꞌesat hap nug haria yt ikyꞌesat hin i Tupana ehay wuat kat pote yt nakuaria i pote he kahato iꞌatuepe iꞌatuminug saꞌag koꞌi. Maꞌato ti miꞌiria pe Tupana tum iꞌatuewaĩ e hamuat. Maꞌato waku hap nug haria yt kat i raꞌyn Tupana miium waĩꞌe hap kat pote toikyꞌesat wakuap nug hap yn pote. Yt woꞌoꞌewaĩ kuap i haria napin hamo Tupana tum waĩ toꞌe hap. Morekuaria woꞌonapin hap pun haria napin hamo tutum waĩ toꞌe hap. Mekewat yt kat i Tupana e haria napin hamo tutum waĩ toꞌe hap. Yt naku i nug haria piatnuat tutum waĩ toꞌe hap iꞌewyte yt karãpe i Tupana kapiat wanetup teran haria tutum waĩ toꞌe hap. Toꞌywot toty auka haria woꞌopotꞌauka hat napin hamuat tutum waĩ toꞌe hap.

Humanu 13:11

Uimimuꞌeria tawa wato Huma piaria toꞌiro watiꞌatukyꞌe miitꞌin. Yt naku i woꞌomaꞌat haria wo watopyhuꞌat. Ahehakyeraꞌat hat Iesui tuut hamuat. Yt watikuap i kat eꞌat putꞌok e maꞌato miꞌi hap watikuap poꞌog yt pya i gaꞌatpo hap kai. Poꞌog poꞌog yt pya i Aikaꞌiwat uut hap saꞌawyꞌi wuat ahepiat yt imohey i te hap kai. Yt naku i get haria ewywuaria wo watukupteꞌen huut turan. Pyno koran waku wahekatup kahato huut hap.

Humanu 6:6

Yt naku i kyꞌesat hap iwato kahato ahete. Miꞌi hap ete yn ahehapap saꞌawyꞌi te. Maꞌato miꞌi hap upi Aikaꞌiwat Iesui ikuꞌuro ariaꞌyp posak ete hawyi aiwepywiat yt naku i nug kyꞌesat hap topyhuꞌat Iesui piit kuꞌuro hap wywo. Miꞌi hawyi Iesui ikuꞌuro hawyi aimikyꞌesat saꞌag ikuꞌuro iwywo. Koitywy watikuap aiwetiat yt naku i nug hap kyꞌesat hap tuweityk taꞌyn.

2 Timoteu 3:16

Wuatꞌi yianmiat Tupana ehay miwan miat tuwẽtem hemiitꞌin wẽ pyi Tupana Paꞌãu ihay. Waku kahato aimuꞌe pywuat sehay wo. Ainapin kahato kat som waku watunug iꞌewyte aimuꞌe kahato saꞌag kaipyi aiporerokosap hamo wakuap yn nug hamo aimuꞌe.