2 Kuriniu 9:11 - Sateré-Mawé

¹¹ Tupana timowato kuap ahekat koꞌi. Yne aiminug koꞌi toipoityro kuap watoineꞌen hegyiꞌat ahekat koꞌi wo pote. Watimoꞌẽ ihakyꞌeꞌi rakaria pe pote Tupana kape teꞌeruwehum ahegyiꞌat hap upi.

2 Kuriniu 9:11 Referans Kwoze

2 Kuriniu 4:15

Saꞌawyꞌi eipyꞌasetpe urutukupteꞌen turan miitꞌin mimosoꞌopot koꞌi wo uruto uruiꞌatumuꞌe eipe Iesui etiat pote. Miꞌi hawyi uruepiat hoꞌopot hap kaipyi eweikupteꞌen pywo e haria wo typyꞌi raꞌyn. Miꞌi hap kaipyi koitywy miitꞌin poꞌog poꞌog Tupana kapiat wehum haria wo tukupteꞌen. -Egyiꞌat kahato Tupana eweiꞌe. Yt uwe i eꞌewy hegyiꞌat hap eweiꞌe. Uruimotypot wuat waku rakat. Uruhewaku En eweiꞌe itote poꞌog poꞌog saꞌawyꞌi kai. Koitywy Tupana topyhuꞌat eimimotypot no raꞌyn uruepiat hoꞌopot kahato eimuꞌe hamuat rakirẽ.

2 Kuriniu 9:12

Pyno watipoꞌoro aimiium ihakyꞌeꞌi rakaria imohey haria tawa Ierusarẽi miaria kape hawyi -Waku kahato En Tupana iꞌatuꞌe aru. Yt wesok i te haria hin i tawa Kurintiu piaria iꞌatuꞌe aru ihakyꞌeꞌi rakaria powyro hamo. Koitywy uruikuap emohey haria tukupteꞌen iꞌatumiium kaipyi. Koitywy waku ahete kat pote tokosap taꞌyn ahehakyꞌeꞌi hap uruete Tupana iꞌatuꞌe haty wo torannia watimoꞌẽ ahekat koꞌi pote.

2 Kuriniu 1:11

Uiwyriaꞌin tawa Kurintiu piaria ewehẽtup o Tupana kape urupowyro Iesui ehay moherep hamo. Miꞌi tã ewetunug mote Tupana urupowyro emiẽtup oktan. Miꞌi hawyi waku pe urutukupteꞌen urupoityro emiẽtup oktan hawyi aru eweikuap taꞌyn Tupana piat urupoityro hap. Miꞌi hawyi eiwepiit kahato hap topyhuꞌat katupono Tupana tum naꞌyn eimiẽtup hap oktan. -Etipoityro Pauruꞌin eweiꞌe ro Tupana pe urukawiatno.

2 Kuriniu 8:19

Taꞌi torannia Tupana motypot yat piaria miꞌairo ti meiũwat miit mekewat aimiium ereto tawa Ierusarẽi kapiat hamuat. Miꞌi hamuat iꞌatumiꞌairo iꞌatumiium iꞌatuegyiꞌat hap moherep hamuat ium hamuat. Miꞌi urutum ihakyꞌeꞌi rakaria imohey haria tawa Ierusarẽi miaria pe. Miꞌi hawyi teꞌeruwehum kahato Aikaꞌiwat Iesui kape. Miꞌi hawyi iꞌatuwepiit kahato taꞌatukuap taꞌatukyꞌe kahato ehepiat hap hawyi.

2 Kuriniu 8:16

Uruwyriaꞌin tawa Kurintiu piaria uruiꞌatukyꞌe kahato eipe. Koitywy aiwy Titu eikyꞌe aikotã urukyꞌe hap ewy. Eipowyro hap yn iwanetup hawe. Tupana tunug naꞌyn Titu eikyꞌe kahato hatno. Miꞌi pote waku wahewaku Tupana kape.

1 Kuriniu 1:5

Taꞌi Tupana aipoitynug kahato Iesui minug hap upi. Miꞌi hawyi ti torannia watikuap kahato kat koꞌi kat koꞌi Aipotypot oktan. Uhehay Tupana wat ewy topyhuꞌat. Wẽtup piit ewy watoineꞌen.

Humanu 12:8

Maꞌato tutum ahepe tesaika hap miitꞌin mowepiit hamuat miitꞌin arotꞌi potiat iꞌatuhep hamuat miꞌi pote etiꞌatumowepiit ro hatek takaria hoꞌopot haria. Maꞌato tutum ahepe tegyiꞌat hap miitꞌin powyro hamuat aimiium kaipyi pote waku watopyhuꞌat hegyiꞌat kahato miꞌi hap wywo. Tupana ainug miitꞌin akag wo pote waku ahemiitꞌin kyꞌe hap wywo watipowyro hãpyk takat ewy. Tupana ainug miitꞌin powyro hatno pote waku watum kat koꞌi kat koꞌi satek takaria pe iꞌatukyꞌe hap wywo.

Mateu 20:15

Waku uhekat wywo atunug uimikyꞌesat ewy uhegyiꞌat hap oktan e. Ehaꞌywyi uhegyiꞌat uhekat wywo pote e ipotpap aat rakaria pe e.

Mateu 25:17

Miꞌi hawyi iꞌewyte wẽtup ok 200 iꞌa rakaria ipo pe 400 iꞌa rakaria teꞌeropyhuꞌat tuwemowato.