2 Kuriniu 9:10 - Sateré-Mawé

¹⁰ Pywo ti rat aipoi kahato hat Tupana. Yne aimikoi nug hat saꞌawyꞌi kat koꞌi kat koꞌi watikoi Tupana inug hap kaipyi. Miꞌi pote yne miꞌi tuut Tupana po pyi. Tupana timowato yne aimikoi koꞌi aiko moehãite hat. Tupana tikuap kahato aikotã mowato hap aito hegyiꞌat rakaria watoineꞌen pote. Watimoꞌẽ hap oktan tutum ahepe.

2 Kuriniu 9:10 Referans Kwoze

2 Kuriniu 9:6

Pyno ahenoi ehepe hãꞌãkap wuat aikotã waku watum Tupana kape hap ete. Uwe uwe tikoi yt iwato i miꞌi hat aikotã toikoi hap oktan toipuẽti. Maꞌato uwe uwe tikoi iwato miꞌi hat ipuẽti tepiat ikoi hap oktan. Miꞌi hap ewy karãpe watum Tupana kape yt ahegyiꞌat wywo i pote meiũran aru yt kat i watipuẽti yt ahegyiꞌat i pote.

Wiripu 4:17

Yt ahẽtup hin i eimiium wuat iꞌewyte yt atikyꞌesat i ehekareꞌen uiwanetup hawiat hap pykai eweipoꞌoro. Yt eimiium kape hin i arahaꞌat. Yt ehekat hin i uheha pe. Eikyꞌe hap yn uheha pe uhepiat hap wen maꞌato eimiium uimowepiit kahato katupono miꞌi kaipyi atikuap uikyꞌe ehepiat hap. Miꞌi kaipyi atikuap eipe Tupana kyꞌe kahato haria hap. Miꞌi eimiium koꞌi yne topyhuꞌat atipy pe rakanuat ehegyiꞌat hap toimoherep hamuat itote emipoꞌoro koꞌi.

1 Tesaronika 3:12

Uruiꞌatukyꞌe kahato eipe. Miꞌi hap ewy atikyꞌesat eiwoꞌope eiwoꞌokyꞌe hap miꞌi pote ahẽtup Tupana pe -Etiꞌatumoesaika o poꞌog poꞌog Iesui mohey haria ekyꞌe poꞌog hamo iꞌewyte iraniaꞌin atukyꞌe hamo are. Miꞌi hap ti ahẽtup Tupana pe ehupi.

Mateu 6:1

Miꞌi hawyi poꞌog Iesui toꞌe miitꞌin sem me yityꞌok tote -Uiwyriaꞌin e pyno yt naku i kahato eiwemotypot Tupana potpap ewetunug turan e. Yt naku i kahato miitꞌin ehamo miitꞌin miat eimotypot hamo neꞌi ewetunug Tupana potpap e. Maꞌato eimotypot miitꞌin kaipywiat hap yn eweikat pote yt kat i eimotypot hap sese eweipuẽti Aiꞌywot atipy piat kaipywiat e.

Wiripu 1:11

Tupana etunug o miꞌiria waku nug hanuaria wo are. Etunug miꞌiria iꞌatuieineꞌen hap tote wakuat eiam mo kahato are. Atikyꞌesat miꞌiria aikotã Esaꞌyru Iesui ewaku hap ewy tukupteꞌen. Ewaku hap ewywuat wo etiꞌatunug miꞌiria. Tupana miꞌi etunug mote emotypot haria wo kahato tukupteꞌen miꞌiria are. Waku kahato En iꞌatuꞌe aru ewowi iraniaꞌin areꞌe Tupana pe. Pyno mio tã ahẽtup mesuwe ehetiatno Tupana pe.

Ewesu 5:9

Aat ipotpap kahato aimikoi ete miꞌi pote aimikoi ihãite kahato. Miꞌi hawyi hewo kahato kat kat ywa. Aheꞌuꞌi raꞌyn aimiꞌu raꞌyn aat motpap hap kaipyi. Miꞌi hap ewywuat kahato karãpe Tupana Paꞌãu putꞌok e ahete turan ahehãite hap toineꞌen aipaꞌãu me. Miꞌi hawyi pywo e haria wo wotopyhuꞌat waku nug haria wo watopyhuꞌat hãpyk nug haria wo watopyhuꞌat aimikoi ihãite kahato hap ewy are.

1 Tesaronika 4:10

Iesui mohey haria wuatꞌi tawa Masetunia piaria ikuap yne raꞌyn woꞌokyꞌe hap eikaipyi. Miꞌi tupono ti uruhẽtup poꞌog ehepe eiwoꞌokyꞌe hap miitꞌin kyꞌe hap.

2 Kuriniu 9:12

Pyno watipoꞌoro aimiium ihakyꞌeꞌi rakaria imohey haria tawa Ierusarẽi miaria kape hawyi -Waku kahato En Tupana iꞌatuꞌe aru. Yt wesok i te haria hin i tawa Kurintiu piaria iꞌatuꞌe aru ihakyꞌeꞌi rakaria powyro hamo. Koitywy uruikuap emohey haria tukupteꞌen iꞌatumiium kaipyi. Koitywy waku ahete kat pote tokosap taꞌyn ahehakyꞌeꞌi hap uruete Tupana iꞌatuꞌe haty wo torannia watimoꞌẽ ahekat koꞌi pote.

Karasia 3:5

Pywo tig Tupana tum Topaꞌãu hawyi Topaꞌãu wo aimoesaika wakuap nug hamuat sio sehay wakuat Iesui etiat watimohey hawyi. Imohey hawuo watunug niatpo kahato hap koꞌi yt miitꞌin minug kuap i koꞌi.