2 Kuriniu 7:15 - Sateré-Mawé

¹⁵ Koitywy mehin Titu eikyꞌe kahato hat poꞌog poꞌog saꞌawyꞌi wuat kai. Miꞌi pote ehewowi yn iwanetup hap. -Taꞌi miꞌiria Tupana mikyꞌesat nug haria e yn uruepe ehepiat pe. Yt toiwaure kuap i ehowawiat tuwanetup hap. -Uimotypot kahato miꞌiria e. Yt toimoto hin i tuwanetup hawe. Aikotã paa e haria ewy eweikupteꞌen itote -Ereke mehin ereke mimi eweiꞌe yn tope. -Hegyiꞌat kahato rakaria e yn uruepe ehepiat pe. Miꞌi hawyi ehewowi yn tuwanetup kahato.

2 Kuriniu 7:15 Referans Kwoze

Wiripu 2:12

Uhekatuwyriaꞌin uimikyꞌeria kahato eipe. Saꞌawyꞌi areineꞌen eipyꞌasetpe eimuꞌe hamo. Mekewat eꞌat pe worohoꞌonapin kahato kat som kat som Tupana tikyꞌesat ewetunug hap. Miꞌi hap eꞌat pe waku pe eweikupteꞌen. Einapin hap ewetunug yne maꞌato mesup yt areineꞌen i eipyꞌasetpe katupono morekuat woꞌopyhik hawe areineꞌen miꞌi pote yt uwe i uito eipyꞌasetpe. Miꞌi pykai ti atikyꞌesat kahato eweikupteꞌen uhehay upi. Yt uwe i uito itote pykai ewetunug o einapin hap koꞌi are maꞌato poꞌog poꞌog saꞌawyꞌi wuat kai uiꞌe hap ewy atikyꞌesat kahato ewetunug wakuat nug hap koꞌi. Waku eweikenꞌẽ yt naku i nug hap pupi Aikotã aityry hap ewy eikenꞌẽ hap. Waku watunug Tupana mikyꞌesat koꞌi yn Tupana mihakyeraꞌat aito pote. Waku watoineꞌen Tupana mihakyeraꞌat koꞌi wo watopyhuꞌat. Miꞌi hawyi karãpe miitꞌin teꞌeraꞌakasa aiminug wakuat kape hawyi -Pywo iꞌatuꞌe miꞌiria ti Tupana mihakyeraꞌat koꞌi wo iꞌatuꞌe.

2 Kuriniu 2:9

Saꞌawyꞌi wuat uimiwan me areꞌe -Eweiꞌapiheg no eipyꞌasetpiat mekewat toꞌywot eharyꞌi wywuat saꞌag nug hat. Miꞌi tã are ehepe saꞌawyꞌi ehãꞌãg hamo sio uhehay upi eweikupteꞌen sio yt hap kuap hamo.

1 Iuwãu 3:17

Hekat rakaria aito pote waku watimoꞌẽ ihakyꞌeꞌi rakat pe watipuẽti hawyi. Waku ahekat watum iꞌatuepe. Yt naku i watoꞌe aiwepe -Pyno yt naku i atimoꞌẽ uhekareꞌen ihakyꞌeꞌi rakaria pe. Mio tã watoꞌe pote yt kat i Tupana kyꞌe hap aikai. Yt ahegyiꞌat i pote yt naku i watoꞌe iraniaꞌin me -Tupana kyꞌe kahato hat uito yt naku i watoꞌe katupono yt pywo pe i watoꞌe.

2 Tesaronika 3:14

Iꞌewyte toineꞌen mote wẽtup ok eipyꞌasetpe -Yt atikyꞌesat i Pauruꞌin piat uinapin hap e hat waku yt eiwehik teiꞌo miꞌi tã hat ete. Miꞌi tã watunug hawyi mono teꞌeruwemoti raꞌyn hawyi tuwat urumienoi kape i raꞌyn toꞌe haype.

Korosi 3:12

Waku watuwepainug hap ewy waku ahesokpe pakup watopag maꞌato wẽtup ahesokpe pakup woꞌokyꞌe hap kawiat. Wẽtup aipainug hap woꞌowese hap. Wẽtup aipainug hap -En poꞌog waku uikai e hap aiwanetup hawe. Wẽtup aipainug hap paa e hap. Wẽtup hap aipainug hap aiperupꞌi hap. Wẽtup Iesui mohey motꞌi hap. Miꞌi koꞌi wo waku watuwepainug are.

Wiripu 1:8

Worohoꞌokyꞌe kahato eipe. Tupana tikuap yt uheso i hap. Aikotã aikotã Aipotypot Iesui eikyꞌe hap ewy uito worohoꞌokyꞌe haty uipyꞌa piat wywo worohoꞌokyꞌe.

2 Kuriniu 6:12

Eipe ti urumepytꞌin uruiꞌatukyꞌe kahato aikotã ywot tikyꞌe tomepytꞌin hap ewy.

Iesui Potmuꞌeria 16:29

Miꞌi hawyi -Eweterut ariãty uhowowi e woꞌopyhik hap yat apykok hat temiit pe. Miꞌi hawyi meremo teke hawyi toto Pauru Sira kape hawyi tuwepỹꞌãtutuk tyry toꞌe popuo.

Ewesu 6:5

Uiwyriaꞌin miit emiit eweiwat ro eikaꞌiwat mesuwarotiat ehay upi eiperupꞌi popuo imotypot popuo yt kat i eheso hap popuo. Waku watuwehum howawi aipyꞌa pyi. Waku wateropat kahato aikaꞌiwat mesuwarotiat aikotã Aikaꞌiwat Iesui eropat hap ewy.

Iuwãu 16:21

Pywo pe ti areꞌe ehepe aikotã haryporia imepyt haty turan yt iwepiit hin i raꞌyn topyꞌa pe maꞌato tuwemoherep taꞌyn imepyt hawyi meremo iwepiit kahato katupono imepyt tuwemoherep taꞌyn pote imepyt putꞌok e pote.

1 Kuriniu 2:3

Saꞌawyꞌi te areineꞌen eipyꞌasetpe turan uipiit yt hesaika hin i hawyi uityry popuo worohoꞌomuꞌe paa uiꞌe popuo worohoꞌomuꞌe turan.