2 Kuriniu 3:5 - Sateré-Mawé

⁵ Tupana miꞌairo uruto tehay moherep hamuat. Miꞌi pykai yt karãpe i urutoꞌe -Uruto poꞌog Tupana uruꞌairo yt urutoꞌe i. Iꞌewyte -Uruto poꞌog imohey haria iraniaꞌin kai pote Tupana uruꞌairo hap yt urutoꞌe hin i. Yt miꞌi tã ahehay hin i katupono uruesaika hap Tupana ehay moherep hamuat yt tuut i uruesaika hap kaipyi. Maꞌato Tupana urumoesaika tesaika hap kaipyi tomikyꞌesat nug hamuat. Tupana Paꞌãu tum tesaika hap uruepe. Yt uruwekaipyi hin i tuut uruesaika hap.

2 Kuriniu 3:5 Referans Kwoze

2 Kuriniu 12:9

Miꞌi hawyi toꞌe Tupana uhepe -Yt karãpe i atihep epiit piat eꞌahuu hap e. Yt karãpe i epiit hesaika i raꞌyn maꞌato miꞌi pykai waku ereineꞌen. Maꞌato miꞌi pykai yt karãpe i woroꞌatoiat en. Yt karãpe i yt worokyꞌe i raꞌyn e. Karãpe iraniaꞌin teꞌeraꞌakasa esaika hap kapiat hawyi teꞌeroꞌe -Yt topiit kaipyi i Pauru hesaika hap iꞌatuꞌe maꞌato Tupana imoesaika. Miꞌi pote epiit yt hesaika i hap kaipyi uimotypot sese hap topyhuꞌat e Tupana uhepe.

Wiripu 4:13

Maꞌato yt uiwekaipyi i tuut uhesaika hap maꞌato Aipotypot Iesui kaipyi atipuẽti. Miꞌi ti kat e hap kat e hap etiat -Uimoesaika hap wuatꞌi etiat kuap hap ete uimowatetup are Tupana pe. Iꞌewyte waku kahato eipe miꞌi e hap ti ereꞌe Tupana pe.

1 Kuriniu 15:10

Hegyiꞌat kahato Tupana uhepe atikuap koitywy. Atikuap iwese hap hawyi yt atipun hin i uikyꞌe hap. Arepotpap poꞌog ipotpoꞌororia iraniaꞌin kai aikotã uikyꞌe hap oktan arepotpap uikyꞌe hap moherep hamo.

Wiripu 2:13

Are paĩ Tupana tikyꞌesat kahato watunug tomikyꞌesat ewywuat hap. Miꞌi pote ainapin aat kaꞌap aiwanetup hawe kat som kat som waku watunug hap. Karãpe aiwẽ pyi yt watunug neran i imikyꞌesat koꞌi miꞌi hawyi perupꞌi popuo aimuꞌe aiwanetup hawe -Etunug o etunug o e. Miꞌi hawyi meiũran -Waku Uhyt waku Mimi watoꞌe Tupana pe katupono toikyꞌesat kahato tehay upiat watuwat hap.

Iuwãu 15:5

Uito iꞌyp ewy eipe haga koꞌi ewy. Miꞌi hawyi uhetiat satꞌe rakaria wo eweikupteꞌen pote Uito iꞌewyte ehetiat satꞌe rakatno areineꞌen. Uhetiat satꞌe haria eweikupteꞌen pote pywo haat rakaria wo eweipyhuꞌat. Maꞌato yt satꞌe uhetiat rakaria wo i pote yt kat i ewetunug yt iꞌyp esaika hap kaipyi i pote.

Tiaku 1:17

Tupana ti hẽtyhot kahato rakat ewy toineꞌen. Tupana ti aat nug hat waty nug hat iꞌewyte wuatꞌi waikiru nug hat wyti Miꞌi. Tupana yne wakuap nug hat. Yt kat hin i saꞌag Tupana tunug. Yne imienoi koꞌi hãpyk yn naꞌyn. Ewaty aat yt hẽtyhot motꞌi i ahowawi. Hẽtyhot rakirẽ yt raꞌyn tuereto aat waty waikiru koꞌi wen maꞌato Tupana sese yt miꞌiria tominug koꞌi yt ewywuat hin i toineꞌen. Tupana ti poꞌog poꞌog aipowyro hat tominug aat waty waikiru koꞌi kai. Miꞌi ti poꞌog poꞌog ipotpap aat kaꞌap wyti aipoityro hamuat. Yt kat saꞌup i watum pykai tutum yne yne ahepe tekat koꞌi aimowepiit hamuat koꞌi. Hẽtyhot aat kaꞌap Tupana.

1 Kuriniu 3:6

Uito areineꞌen hãꞌỹi koi hat Tupana ehay wo ewy worohoꞌomuꞌe mekewat eꞌat pe. Miꞌi turan aimuꞌe hat Apauru putꞌok e itote eimuꞌe hamo hap ewy hawyi toihuꞌi huꞌi uimikoi iãꞌỹi hap ewy hawyi iꞌatutag naꞌyn Tupana esaika hap wywo.

Iruka 21:15

Katupono mekewat eꞌat pe aru uito ti aru areineꞌen eiwywo kahato hawyi atopag eiwẽ pe uhehay iꞌatuwesat hamuat are e. Miꞌi hawyi ehewanikaptia paa iꞌatuꞌe uhehay wakuat eiwẽ pywiat pupi are e.

2 Kuriniu 4:7

Tupana Paꞌãu eiam kahato aito. Miꞌi pote ahesaika kahato Tupana ehay moherep hamo. Pyno yt ahesaika hin i pykai ahehay Iesui etiat hesaika kahato katupono aito heiam yi kawiat ewywuat watopyhuꞌat pykai Tupana Paꞌãu aipytꞌat nug kahato. Miꞌi hawyi woity rakat mehit rakat koꞌi kawiat ewywuat watopyhuꞌat. Miꞌi hawyi meremo miitꞌin tikuap ahesaika hap toineꞌen Tupana Paꞌãu kaipyi hap yt aipiit yi kawiat kaipyi i.

1 Kuriniu 3:10

Eipe Tupana motypot yat ewy eweikupteꞌen. Uito Tupana motypot yat ãkukag moꞌam hat ewy Uipoꞌoro hat mikyꞌesat ewy are. Hãpyk kahato atunug wuatꞌi nug kuap hat ewy. Waku yne hawyi iraniaꞌin inug ipiit. Iꞌewyte iraniaꞌin iꞌahik yi wo hap ewy. Miꞌi hap ewy atunug ehepe are. Katupono Tupana toꞌe -Eiweꞌeg wo o ewetunug uiꞌyat nug hap ete waku uiꞌe hap ewy ewetunug o e ahepe. Miꞌi pote waku watiꞌatumuꞌe miitꞌin hãpyk kahato ihay pywuat nuat yn.

2 Kuriniu 2:16

Iraniaꞌin ahehay Iesui etiat taꞌatukuap hawyi maꞌato yt taꞌatumohey i miꞌi pote -Yt naku i iꞌatuꞌe katupono ahehay taꞌatukuap hawyi -Pywo iꞌatuꞌe teꞌeruwepe -Urukuꞌuro hawyi Tupana uruꞌapiheg urukuꞌuro hap kape iꞌatuꞌe teꞌeruwepe. Miꞌi pote uruehay yt ikamhig se i rakat ewy paĩ. Yt taꞌatumohey i pote ikuꞌuro rakat nem hap ewy topyhuꞌat uruehay upi are. Maꞌato iraniaꞌin imohey haria pe ahehay Iesui etiat hawyi -Waku kahato aikotã ikamhig se hap ewy topyhuꞌat. Urutukupteꞌen wuatꞌi eꞌat pe iꞌatuꞌe uruehay taꞌatukuap hawyi are. Miꞌi pote aiwat aiweꞌeg hap yt putꞌok e i iraniaꞌin muꞌe Aikaꞌiwat etiat hamo yt taꞌatukyꞌesat i pote. Waku Tupana piat aimoweꞌeg hap kaipyi yn watiꞌatumuꞌe iraniaꞌin tawa koꞌi.

Iruka 24:49

Pyno Tupana mikyꞌesat ewy atum ehepe Tupana Paꞌãu eimoesaika hamuat e. Maꞌato waku meiũpe tawa Ierusarẽi me eweikupteꞌen hawyi meiũran areto hawyi atum aru ehepe Tupana Paꞌãu eimoesaika kahato uipotpap nug hamuat hap e topotmuꞌeria pe Iesui.

Humanu 15:18

Uipotypot no hap upi Iesui toineꞌen kahato uikai. Ipaꞌãu ipotpap kahato uipo pyi iraniaꞌin ywania ekyi hamo Tupana kapiat hamo. Iesui Paꞌãu ihay kahato uiwẽ pyi tomikuap koꞌi wo. Iꞌewyte Iesui misepap nug hap toimoherep kahato uipiit pyi iraniaꞌin ywania porerokosap Tupana mikyꞌesat nug hamuat hamo.

2 Timoteu 2:2

Uimienoi kuap kahato hat en uhaꞌyru katupono uiwywo yn ereineꞌen uipotmuꞌe turan. Yt etiwaure teiꞌo uiꞌe hap maꞌato etomoherep yne o Iesui mohey kahato haria pe -Imohey hap yt atoiat hin i haria pe. Ahaipepiaria piat uimienoi moherep hanuat ereineꞌen.