2 Kuriniu 13:12 - Sateré-Mawé

¹² -Pyno eiwehytꞌok to mehinꞌin manaꞌin eweiꞌe o imohey haria pe ewepiit hap wywo. Aikotã Aikaꞌiwat ewy yne mesuwarotiaria Aikaꞌiwat mohey haria ipoꞌoro kuekatu ehewowi.

2 Kuriniu 13:12 Referans Kwoze

Humanu 16:16

Karãpe putꞌok e wẽtup ok Iesui mohey hat sese ahowawi pote waku iwese kahato rakat howawiat hatno watopyhuꞌat. Waku ahehay wese kahato iwywo waku. Waku watiwesat -Waku aiwyriaꞌin Iesui mohey haria sese. Taꞌi waku watiꞌahiꞌypysat aimepuo aimepuo Iesui mohey haria teꞌeruwaꞌatunug hap kaipyi taꞌatupoꞌoro ehewowi taꞌatuekuekatu eipe Humanu ywania kape mesuwepyi.

1 Peteru 5:14

Uiwyriaꞌin eiwoꞌokyꞌe ro eiwoꞌope. Waku eiwoꞌokyꞌe eiwoꞌope aikotã wẽtup mepytꞌin koꞌi ewy. Pyno ahẽtup Tupana pe -Tupana etunug no miꞌiria Esaꞌyru mohey haria wẽtup miit ewy are. Etunug miꞌiria woꞌokyꞌe kahato haria wo Tupana are kat pote taꞌatumohey Esaꞌyru Iesui pote are. Taꞌatumohey Emipoꞌoro uruporekuat nuat pote are. Pyno toran naꞌyn uiꞌe hap are.

1 Tesaronika 5:26

Mesuwat uhekuekatu atipoꞌoro torannia Iesui mohey haria itotiaria kape. Waku watoꞌahiꞌypysat tuereto aiwoꞌokyꞌe hap moherep hamo.

1 Kuriniu 16:20

Taꞌi aipoitynug ni Aikaꞌiwat Iesui iꞌatuꞌe katupono koitywy Tupana motypot hap toineꞌen naꞌyn iꞌatuꞌyat pe. Pyno ti uruweꞌatunug hap toineꞌen naꞌyn iꞌatuꞌyat pe. Pyno ti ehekatuwyria meiũpiaria ehewowi teꞌeruwehay poꞌoro torannia Iesui mohey haria.

Mateu 5:47

Iꞌewyte ti waku watuwẽpowat wuatꞌi miitꞌin kape yt naku i watuwẽpowat aiwyriaꞌin sese kape yn katupono mesuwarotiaria yt kat kuap i haria tiꞌatukyꞌe ti taꞌatupyꞌasetpe haria yn. Maꞌato miꞌi haria ewywuaria neꞌi watunug pote yt watuwẽpowat i iraniaꞌin kape.