2 Kuriniu 10:7 - Sateré-Mawé

⁷ Tukupteꞌen aipyꞌasetpe -Uruto Aikaꞌiwat Iesui emiit sese e haria. Miꞌiria pe urutoꞌe -Eipe Iesui emiit sese pote miꞌi pote eweikuap meremo uruto eiꞌewywuaria te hap. Eiwehaꞌat ro urueko kape miꞌi hawyi eweikuap uruto Aikaꞌiwat eropat haria sio sese hap.

2 Kuriniu 10:7 Referans Kwoze

2 Kuriniu 5:12

Yt karãpe i uruiꞌatumaꞌat eipe. -Uruto poꞌog yt urutoꞌe hin i. Taꞌi yt urutuwemowato teran i aikotã iraniaꞌin eimuꞌe haria ewy. Miꞌiria ti teꞌeruwepainug teꞌeruwemotypot hamo -Uimotypot mono taꞌatuꞌe hawe neꞌi. Maꞌato iꞌatuwanetup hawe yt hãpyk hin i -Uruto poꞌog iꞌatuꞌe hap. Miꞌiria eweikuap teran pote waku apo eweiꞌe sio waku apo eweiꞌe sio yt hap kuap hamo. -Urumuꞌe haria Pauru ewywuaria sio yt apo eweiꞌe. Miꞌi hawyi eweikuap sio waku sio eimaꞌat haria neꞌi hap koꞌi etiat.

1 Kuriniu 14:37

-Pyno uito ti Tupana ehay moherep haria koro koꞌi eweiꞌe saꞌag. Taꞌi Tupana tum naꞌyn uruepe tesaika hap tomisepap nug hamuat eweiꞌe. Poꞌog waku eweiꞌe eiwoꞌope -Aimuꞌe hat sese Pauru mimuꞌeria aito waku eweiꞌe.

2 Kuriniu 11:23

-Uruto Aikaꞌiwat Iesui eropat haria sese iꞌatuꞌe. Maꞌato uito poꞌog iꞌatukai are. Mio tã pote yt iweꞌeg i rakat miꞌiria wemowato haria ewywuat areineꞌen. Yt uiweꞌeg hin i maꞌato pywo pe areꞌe poꞌog Aikaꞌiwat emiit areineꞌen iꞌatukai. Uito poꞌog iꞌatukai uipotpap. Yt uwe i uhete putꞌok e Aikaꞌiwat potpap nug hap ete. Yt uiweꞌeg hin i mio tã are maꞌato pywo pe areꞌe. Morekuaria uipyhyp poꞌog miꞌiria kai uhehay Iesui etiat pyhyp teran haype. Yt atikuap karania wo uiꞌahyk ahyk itote yt taꞌatukyꞌesat uhehay Iesui etiat pote. Uiꞌatoiat uikuꞌuro turan karania wo.

Iuwãu 7:24

Eweiꞌywyk kahato eiwanetup hap uhetiat e. Yt iũteꞌen neiꞌo uiwesat eipe e. Waku eiwanetup ti ete miꞌi rakirẽ eweiꞌe hãpyk uhepe uwe Uito hap ete e. En yt naku i yt eweiꞌe teiꞌo uhepe iũteꞌen neꞌi e tewanikaptia pe.

1 Iuwãu 4:6

Maꞌato aito Tupana watnuaria watoineꞌen. Miꞌi hawyi yne Tupana watnuaria teꞌeruwewaure kaꞌa kahato aimienoi kape. Maꞌato iraniaꞌin yt teꞌeruwewaure kaꞌa i aimienoi pywuat kape. Miꞌi hap kaipyi meremo watikuap uwe Tupana Paꞌãu pywuat ehay upi toineꞌen sio uwe ahiag paꞌãu saꞌag ehay upi neꞌi toineꞌen hap.

1 Kuriniu 9:1

Taꞌi uito Pauru Tupana emiit sese imipoꞌoro tehay moherep hamuat. Yt kat i uiweteweru hap miitꞌin po pe pote areineꞌen Iesui emiit no yn. Yt uwe i uipyhyp kuap kat pote yt uwe po pe i areineꞌen. Yt uwe i toꞌe kuap uhepe -Etum uhepe mekewat eweterut hap hawyi waku ereto Tupana ehay moherep hamo yt taꞌatuꞌe kuap i katupono yt kat i atipuru miitꞌin kaipyi pote. Aikaꞌiwat Iesui uinug tomipoꞌoro tehay moherep hamuat. Mekewat eꞌat pe araꞌakasa Iesui uheha wo hawyi Aikaꞌiwat uipoꞌoro ehewowi tehay moherep hamo. Miꞌi hawyi Aikaꞌiwat mohey haria eweikupteꞌen uhehay upi.

1 Kuriniu 3:23

Katupono Aikaꞌiwat Iesui watnuat watoineꞌen. Aikaꞌiwat Iesui toineꞌen Tupana watnuat. Miꞌi pote yne aito Tupana wuatnuat watukupteꞌen.

Karasia 3:29

-Atipoityro aru Wẽtup Takat Emiariru e Tupana saꞌawyꞌi yian mete Aparãu me. Koitywy Iesui topyhuꞌat Aiporekuat no raꞌyn. Miꞌi hap kaipyi koitywy Tupana wanetup turan Aparãu Emiariruꞌin wo raꞌyn watopyhuꞌat katupono Iesui toineꞌen aiwywo pote Tupana miꞌatupoityro koꞌi sok aito Tupana e Aparãu miat hap ewy topyhuꞌat ahepe koitywy.

2 Kuriniu 10:1

Uito ti eimuꞌe hat sese saꞌawyꞌi wuat. Haꞌawyte Tupana uipoꞌoro ehewowi. Miꞌi turan worohoꞌonapin perupꞌi puo aikotã Aikaꞌiwat Iesui ainapin hap ewy aikyꞌe hap wywo. Saꞌawyꞌi ihakyꞌeꞌi hakyꞌeꞌi rakatno uito areineꞌen eipyꞌasetpe turan poꞌog yi kape. Maꞌato koitywy areineꞌen pya eikai. Miꞌi pote worohoꞌonapin uimiwan me haty wo uiwemotypot wywo.

1 Kuriniu 1:12

-Pyno itotiaria wẽtup wẽtup wanetup hap wywuaria iꞌatuꞌe. Yt toꞌoꞌewy hin i iꞌatuwanetup hap koꞌi. Miꞌi pote wuꞌuka hap yn itote iꞌatuꞌe uhepe ehetiat. Pyno atikuap taꞌyn eipyꞌasetpe tukupteꞌen -Uito ti aimuꞌe hat Pauru upi e haria maꞌato iraniaꞌin -Uito aimuꞌe hat Apauru upiaria e haria. Miꞌi hawyi iraniaꞌin -Uito aimuꞌe hat Peteru upi e haria tukupteꞌen. Maꞌato iraniaꞌin -Uito aimuꞌe hat Iesui upiaria e haria iꞌatuꞌe taꞌatuhenoi uhepe õꞌẽ haria. Miꞌi tã hap kaipyi ti eiwuꞌuka hap topyhuꞌat.

2 Kuriniu 13:3

Toineꞌen eipyꞌasetpe -Yt uruikuap i Pauru sio Aipotypot mipoꞌoro sio yt watikuap i sio Iesui wẽ pyi sio yt. Eiweꞌeg wo o katupono Aipotypot wẽ wo kahato areineꞌen hesaika kahato. Aikaꞌiwat eiꞌapiheg kuap. Taꞌi eiꞌapiheg haty wo uhehay kaipyi areꞌe hawyi.

2 Kuriniu 12:11

Uiwyriaꞌin tawa Kurintiu piaria yt uimotypot hin i Tupana mikyꞌesat ewy kat pote saꞌawyꞌi Tupana uiꞌairo tehay wakuat moherep ehepiat hamo. Iesui potpoꞌororia 12 ok takaria ewywuat sese areineꞌen. Miꞌiria wakuat sese ewywuat areineꞌen Iesui potpoꞌoro wo. Uito wakuat miꞌiria ewywuat are. Yt uiweꞌeg hin i areꞌe mio tã are maꞌato uimohit pote mio tã are.

2 Kuriniu 11:18

Maꞌato eipyꞌasetpiaria eimuꞌe haria teꞌeruwemotypot yn taꞌatuehay wywo -Uruto poꞌog torannia kawiat Tupana mipoꞌoro koꞌi iꞌatuꞌe. Yt pywo hin i are -Uito poꞌog eikai. Yt uiweꞌeg hin i mio tã are. Maꞌato iꞌatuꞌe hap ewy areꞌe yt iweꞌeg i rakat ewy.

2 Kuriniu 11:4

Uimogyt kahato eipe katupono eweimohey yne miitꞌin mienoi koꞌi. Putꞌok e wẽtup ok itote hawyi wẽtup Iesui etiat eimuꞌe yt uruepiat eimuꞌe hap ewy hin i. Miꞌi hawyi -Pywo eweiꞌe kahato. Eꞌe hap ewy eweiꞌe tope. Miꞌi hawyi putꞌok e wẽtup i raꞌyn hawyi toꞌe ehepe -Atum neran wẽtup paꞌãu ehepe. Miꞌi hawyi -Waku mehin waku mimi eweiꞌe tope yt eiweꞌeg hin i. Miꞌi hawyi putꞌok e wẽtup ok wẽtup ehay enoi hat yt Aikaꞌiwat Iesui wakuat ewy hin i. Miꞌi hawyi -Pywo eweiꞌe miꞌi pote uimogyt sese eipe katupono -Pywo eweiꞌe yne eimuꞌe haria pe. Miꞌi pote eiweꞌeg wo o are ehepe.

1 Kuriniu 15:23

Nimo te ti Aikaꞌiwat Iesui tuwẽtem guꞌuro pyi wuatꞌi miitꞌin eꞌyian mete. Meiũran aito imohey haria hewatꞌypmo watuwẽtem iwywo e. Karãpe Iesui tuut turan watoineꞌen hewatꞌypmo.

Iruka 16:15

Miꞌi pote Iesui tiꞌatuwesat -Eiperia miitꞌin mimotypot haria wo eweikupteꞌen neran pykai Tupana tikuap kahato raꞌyn aikotã eipyꞌa piat hap koꞌi e. Taꞌi eweikupteꞌen miitꞌin mimotypotno maꞌato yt nakuaria i wo eweikupteꞌen Tupana wywo e.

Mateu 23:5

Taꞌi miꞌiria ti ikat miitꞌin upi wuatꞌi piat -En wyti waku kahato uhyt e hap taꞌatukyꞌesat. Miitꞌin ehamo yn wakuap nug hap taꞌatumoherep taꞌatumotypot hamuat e. Taꞌatuesokpe iꞌywop takat ete taꞌatupag ikahu rakat koꞌi tuwemotypot hamo. Miꞌiria ti ikytyt Tupana ehay taꞌatuewatuꞌa ete iꞌewyte taꞌatupo ete. Yne miꞌi taꞌatunug miitꞌin mimotypot haria wo taꞌatukyꞌesat.