2 Kuriniu 1:13 - Sateré-Mawé

¹³ Iꞌewyte yt eimaꞌat hap i uruipoꞌoro miwan ehewowi are. Urumiwan uruehay ewy ti raꞌyn waku pe yn toineꞌen. Yt uruiwan i typy sehay ehewowi. Yt kat i ehekat kyewi uruipoꞌoro urumiwan ehewowi hap. Taꞌi heremo kahato urumiwan wuatꞌi mikuap kahato hap ewy. Yt kat i wẽtup sehay ipuo toineꞌen urumiwan me. Yt kat i eimaꞌat hap urumiwan me toineꞌen. Miꞌi pote heremo yne uimiwan are.

2 Kuriniu 1:13 Referans Kwoze

2 Kuriniu 4:2

Iraniaꞌin taꞌatuhenoi saꞌag Tupana ehay miitꞌin maꞌat hamo maꞌato aito watimoherep Tupana ehay aikotã toꞌe hap ewy. Yt wahenoi i aikotã iraniaꞌin miitꞌin maꞌat haria ewywuaria henoi hap ewy. Tupana toꞌe hap ewy watoꞌe. Miꞌi hawyi miitꞌin tikuap Tupana ehay pywo piat moherep haria aito hap iꞌewyte Tupana aikuap. Miꞌi hawyi yt aiwemaꞌat hap wywo i wahenoi pywo piat yn wahenoi pote.

Wiremu 1:6

-Tupana atikyꞌesat kahato Wiremuꞌin wẽtup ehay yn Iesui mohey haria teꞌeropyhuꞌat are Tupana kape. Atikyꞌesat kahato Wiremuꞌin wẽtup piit ewy yn tukupteꞌen hamuat. Tupana urupowyro kahato En poꞌog poꞌog eminug ikahu kahato rakat kuap hamo Esaꞌyru urupotypot Iesui emiwan neꞌen neꞌi iꞌewywuat haria pe urunug Tupana are.

2 Kuriniu 13:6

Atikyꞌesat kahato eweikuap uruto Tupana Saꞌyru mipoꞌoro koꞌi sese hap. -Yt heso rakaria i waku eweiꞌe kuap uruetiat.

2 Kuriniu 5:11

Miꞌi hap eꞌat pe Aipotypot tiꞌatumoherep yne aiminug koꞌi sio waku sio yt hap koꞌi. Miꞌi pote waku watokenꞌẽ kahato yt naku i nug hap pupi. Waku watoꞌe -Atimotypot reran Uikaꞌiwat uiminug wakuat wywo waku watoꞌe yn. Waku watiꞌatuekyi kahato miitꞌin Aikaꞌiwat kape waku watoꞌe. Yt naku i iꞌatuekat kyewi neꞌi watiꞌatuekyi miitꞌin Iesui kape. Iꞌewyte yt naku i iꞌatumaꞌat reran haype neꞌi watiꞌatuekyi miitꞌin. Uruto miꞌi hap koꞌi eipiit kyewi hawyi ehekat kyewi neꞌi hap yt karãpe i uruiꞌatuekyi eipe. Miꞌi hap Tupana tikuap pywo piat urutoꞌe hap iꞌewyte eipe.

Iesui Potmuꞌeria 27:39

Ihatꞌok hawyi teꞌeraꞌakasa yi kape yara wato pyi maꞌato yt taꞌatukuap i uwe etama toineꞌen itote hap. Miꞌi hawyi teꞌeraꞌakasa wẽtup ihy ypy hit. Miꞌi tote toineꞌen yi kyt. Miꞌi hawyi teꞌeroꞌe toꞌope -Toꞌiro yi kyt kape aheꞌyara koro ehakyeraꞌat hamo iꞌatuꞌe. Waku apo itote watiherep aheꞌyara iꞌatuꞌe toꞌope.

1 Kuriniu 1:8

Koitywy Aikaꞌiwat aimoheg kahato tehay wo. Yt watoiat kuap i ahepiat imohey hap wuatꞌi eꞌat pe pote. Miꞌi tã ti tutunug mesuwat yi kahuro hap kape. Miꞌi hawyi meremo taꞌaipok i Aipotypot Wuatꞌi Mimotypot no. Aikaꞌiwat Iesui putꞌok e hap eꞌat pe turan -Yt kat i saꞌag atipuẽti miꞌiria ete e Iesui ahetiat.