1 Timoteu 5:5 - Sateré-Mawé

⁵ Maꞌato tukupteꞌen hiwu sese koꞌi yt uwe i mipowyro koꞌi Tupana mohey haria taꞌatuhẽtup kahato Tupana kape ihatꞌok puo wãtym mo -Uruieineꞌen hap miꞌu sokpe etum o uruepe iꞌatuꞌe.

1 Timoteu 5:5 Referans Kwoze

1 Timoteu 5:3

Waku hiwuria sese watipowyro heꞌaito kuꞌuro rakaria yt imepyt i te turanuat ikuꞌuro heꞌaito rakat yt hemiariru i te rakat.

Iruka 2:37

Miꞌi ti toineꞌen hiwu 84 anu rakat. Yt karãpe i tuwẽtem Tupana motypot yat pyi maꞌato toineꞌen wuatꞌi eꞌat pe Tupana motypot haype aat kaꞌap wãtym wo tuwemosyꞌat tuereto Tupana kapiat hẽtup hamo.

1 Peteru 3:5

Iꞌatu kahato saꞌawyꞌi wuaria haryporiaꞌin Tupana mohey haria wakuap nug kahato haria are. Miꞌiria inug kahato taꞌatueꞌaito mikyꞌesat ewywuat. Taꞌatueꞌaito eropat haria kahato miꞌiria tukupteꞌen. Miꞌiria teꞌeruwepainug kahato Tupana mohey hap wywo.

1 Timoteu 5:16

Ehenoi iraniaꞌin haryporiaꞌin me ihainiaꞌin me Iesui mohey haria pe -Toĩ wẽtup ok eꞌyat pe hiwu miꞌi pote waku eweipowyro eweipoi mekewat eꞌyat piat hiwu ereꞌe o. Yt eweweipoꞌoro teiꞌo eꞌyatypiat hiwu Iesui mohey haria miium wuat ipoi hamo katupono ti typyꞌi kahato hiwuria yt uwe i mipowyro koꞌi. Waku watiꞌatupowyro kahato hiwuria yt uwe i mipowyro koꞌi ereꞌe o Timoteu Iesui mohey haria pe.

1 Kuriniu 7:32

Iesui mohey haria yt heꞌaito rakaria i yt iwary rakaria i teꞌeruwanetup aat kaꞌap taꞌatukaꞌiwat Iesui potpap nug hap kape taꞌatukaꞌiwat mowepiit hap kape yn. Waku miꞌiria ewy watoineꞌen poꞌog poꞌog mesuwe.

Iruka 18:1

Miꞌi hawyi poꞌog Iesui henoi tehay iãꞌãkap wuo -Uiwyriaꞌin e waku ahehay kahato Tupana kape e. Waku yt aipohep hin i Tupana wywo eiwoꞌoehay hamo e. Pyno ahenoi teran uhehay hãꞌãkap wuo aikotã waku wahenoi Tupana kapiat koꞌi hap etiat e.

Ewesu 6:18

Karãpe watuꞌuka ahiag wywo waku watoꞌe meremo -Tupana uipowyro ahiag akit hamo yne eꞌat pe wakuat nug hamo waku watoꞌe. Aikope aikope areineꞌen waku uhewyry Tupana Paꞌãu upi waku watoꞌe Tupana pe. Etipowyro o emiitꞌin eweꞌeg wo o ahiag mupi waku watoꞌe. Yt urutuwat reran i ahiag ehay upi. Iꞌewyte iraniaꞌin Iesui mohey haria upi waku uruhẽtup wy. Yt uruikyꞌesat i ahiag ehay upi urutuwat hap. Yt karãpe i uruꞌatoiat emohey hap waku watoꞌe Tupana pe.

Iruka 18:7

Pywo ti rat Tupana yt mekewat miit saꞌag ewy hin i katupono Tupana tikyꞌe kahato temiitꞌin pote toiꞌatupowyro teran kahato yne niatpo hap mowaku hamo. Taꞌi Tupana niatpo hap toimohãpyk aru iraniaꞌin minug saꞌag ehetiat koꞌi wahẽtup hawyi e temiitꞌin me.

1 Kuriniu 7:34

Karãpe tuwanetup teran Tupana potpap kape turan toineꞌen typy iwanetup hap Tupana mowepiit hap iꞌewyte teharyꞌi mowepiit hap. Yt heꞌaito rakat i yt iwary rakat i Iesui mohey hat Tokaꞌiwat potpap hap kape yn tuwanetup. Toikyꞌesat topiit Tupana watnuat yn. Toikyꞌesat aiwanetup Tupana kapiat hap yn iꞌewyte Tupana Paꞌãu mikyꞌesat yn toikyꞌesat. Maꞌato heꞌaito kahato rakat iwary kahato rakat tuwanetup aikotã aikotã aru atimowepiit uheꞌaito uiwary toꞌe hap kape yn tuwanetup tomiꞌu kape toꞌyat kape tomepytꞌin kape aat kaꞌap hap ewy tuwanetup.

Humanu 1:12

Atikyꞌesat Iesui mohey hap etiat uruwoꞌomoesaika moesaika hap itote Tupana. Putꞌok urutoꞌe itotiat hawyi urutunug neran Humanu ywania ewatnuaria wẽtup miit ewy Esaꞌyru mohey hap upi.

Humanu 1:5

Tosaꞌyru mohey hawyi Tupana iwese kahato uhete. Mio tã e uhepe -Woronug en mehin uhemiit sese wo e. Atikyꞌesat miitꞌin tukupteꞌen torannia Uhaꞌyru mohey haria wo e. Atikyꞌesat kahato Uhaꞌyru taꞌatunug Taꞌatuporekuat no hap. Miꞌi haype woropoꞌoro en iꞌatumuꞌe hamuat e Tupana uhepe.

Iesui Potmuꞌeria 26:7

Taꞌi uruꞌywania Iuteuria 12 ywania urutukupteꞌen are miꞌiria timohey kahato Tupana e hap -Worohoꞌomoieineꞌen aru e hap iꞌewyte uito atimohey kahato Tupana piat -Atimopakup i aru eipiit e hap uruꞌywania ewy e. Miꞌi pote ti rat iraniaꞌin -Urutoria yt imohey i haria -Waĩꞌiꞌatuꞌe uhepe aat kaꞌap e. Maꞌato atiꞌatumuꞌe te pote iraniaꞌin Iuteuria uipun neran uiꞌauka teran ehay pyi e. Morekuat Akipa e mesup taꞌyn koitywy ti putꞌok e raꞌyn Tupana piat -Atunug aru e hap. Gaꞌatpo toihep taꞌyn guꞌuro pyi Tosaꞌyru sese ipiit wywo e. Miꞌi uiꞌe hap monik hamo uiꞌauka teran mesup eipo wo uiwyriaꞌin e Pauru.

Iesui Potmuꞌeria 6:1

Miꞌi hawyi ipotmuꞌeria timoherep kahato miitꞌin me yne Iesui etiat. Mekewat eꞌat pe imohey pakup i haria teꞌeruwemotypyi kahato itote. Imohey pakup i haria typy pusu kuap haria tukupteꞌen. Miꞌiria yne Iuteuria maꞌato typy pusu kuap haria miꞌiria tukupteꞌen. Wẽtup ywania Kereku pusu kuap haria maꞌato wẽtup ywania Epereu pusu kuap haria. Miꞌi hawyi wẽtup eꞌat pe Kereku pusu kuap haria teꞌeroꞌe toꞌope -Kat pote Epereu pusu kuap haria poꞌog imoꞌẽ taꞌatuehiwuria pe aito wuaria kai iꞌatuꞌe.

Iesui Potmuꞌeria 9:39

Miꞌi hawyi putꞌok e raꞌyn itote hawyi Peteru taꞌatueraꞌam akipy ywaitiat kape. Itote hiwu koꞌi teꞌeruwak kahato taꞌatupowyro hat mana Tapita ikuꞌuro hap haty kahato iꞌatuete pote. Miꞌi hawyi hiwu koꞌi timoherep Peteru pe ikuꞌuro rakat minug sokpe koꞌi mana Tapita miium iꞌatuepiat saꞌawyꞌi wuat koꞌi -Mimi iꞌatuꞌe miꞌi tã mana Tapita tum tominug sokpe uruepe saꞌawyꞌi uruehakyꞌeꞌi pote iꞌatuꞌe taꞌatuwak popuo.

Iesui Potmuꞌeria 9:41

Miꞌi hawyi Peteru tat mana Tapita ipo ete hawyi toimopoĩꞌam naꞌyn heꞌyni pyi. Miꞌi hawyi taꞌam naꞌyn. Miꞌi hawyi Peteru tiꞌatukay kay imohey haria itotiaria iꞌewyte hiwu koꞌi. Putꞌok iꞌatuꞌe hawyi toimoherep mana Tapita iꞌatuepe.

Wiripu 4:6

Pyno yt eiwanetup koꞌi koꞌi i ran o. Poꞌog waku wahẽtup Tupana kape aipowyro hamuat hap. Waku watoꞌe Tupana pe -Etum o uruepe uruwat yt kat i rakat. Uruikuap kahato raꞌyn egyiꞌat hap Tupana waku uruhẽtup. Miꞌi pote urutuwehum kahato ewowi urupyꞌa pyi Tupana waku watoꞌe Tupana pe.

1 Timoteu 2:1

Timoteu enapin sese hap ahenoi teran kahato epe. Pyno waku wahẽtup kahato Tupana pe wuatꞌi miitꞌin powyro hamuat hap -Tupana etum o ihakyꞌeꞌi rakaria pe iꞌatumiꞌu iꞌatuesokpe iꞌatuꞌyat waku watoꞌe motꞌi haty wo hum hap kape. Tutum hawyi -Waku kahato En Papai etum naꞌyn uimiẽtup ewy waku watoꞌe Tupana pe Timoteu.

2 Timoteu 1:3

Iꞌewyte -Waku kahato En uruꞌywot are. Taꞌi Tupana eheropat kahato hat uito Pauru. Emikyꞌesat ewy yn atunug neran. Aikotã saꞌawyꞌi aiꞌywania tunug emikyꞌesat ewy iꞌewyte uito atunug mesup are Tupana pe. Karãpe uiwatetup ewowi turan Timoteu -Waku kahato En Tupana are yn wãtym muo ihatꞌok ewy ewy are Tupana pe.