1 Timoteu 5:1 - Sateré-Mawé

¹ Karãpe wẽtup ok eꞌyian tiꞌaparap Tupana pe pote yt ehoiroꞌi hoiroꞌi teiꞌo miꞌi miit ete. Yt naku i watimohit aseꞌiꞌin koꞌi hary koꞌi e. Maꞌato waku perupꞌi puo watinapin aimimotypot koꞌi waku -Papai Mamai yt naku i miꞌi tã watunug aito waku watoꞌe perupꞌi puo iꞌatukyꞌe hap wywo iporo pote.

1 Timoteu 5:1 Referans Kwoze

Titu 2:2

Pyno mio tã ereꞌe o iꞌatuepe. Etiꞌatunapin ihainiaꞌin nagnia pe -Waku etunug waku miitꞌin me hawyi miitꞌin mimotypot no eweikupteꞌen ereꞌe o. Ehehay hãpyk yn haria wo o eweikupteꞌen ereꞌe o. Eiwewaĩ o eiminug saꞌag ete hawyi Iesui mohey haria kahato wo o eweikupteꞌen ereꞌe o. Woꞌokyꞌe hap yn o ewetunug ereꞌe o. Imohey potꞌi haria wo o eweipyhuꞌat ereꞌe o nagnia pe Titu.

1 Peteru 5:1

Pyno uito Peteru iporo rakat areineꞌen. Eiꞌapykok hat areineꞌen. Pyno uhehay teran Iesui mohey haria apykok haria pe. Worohoꞌonapin neran eipe. Uito ti Iesui potmuꞌe sese uito. Araꞌakasa yne Aikaꞌiwat ikuꞌuro hap kape. Araꞌakasa aikotã hoꞌopot hap kape. Iꞌewyte araꞌakasa Iesui wẽtem guꞌuro pywiat hap kape. Araꞌakasa Iesui Tupana motypot hawe hẽtyhot hap pyꞌasetpe araꞌakasa. Miꞌi hap ewy tuut irane. Miꞌi hap kape iꞌewyte araꞌakasa uimuꞌetu wuat ewy are.

Karasia 6:1

Uiwyriaꞌin Karãpe wẽtup ok yt naku i iꞌaparap hap inug miꞌi pote waku wẽtup ok toto Tupana Paꞌãu sehay wywo iꞌaparap hat napin perupꞌi wuat hamo. Miꞌi hat wyti waku kahato inug maꞌato waku miꞌi rakirẽ tuweꞌeg wo raꞌyn toineꞌen tepiat iꞌaparap hap pupi iraniaꞌin napin rakirẽ.

Titu 2:6

Miꞌi hawyi ti kurum iwasu koꞌi pe ereꞌe o -Pyno iweꞌeg haria ewywuaria wo o eweipyhuꞌat ereꞌe o. Wakuat yn nug haria wo eweikupteꞌen Tupana mikyꞌesat nug haria ereꞌe o kurum iwasuria pe.

Mateu 23:8

Miꞌi pote yt ewetunug neiꞌo miꞌi tã hap iꞌatuꞌewy e Iesui temiitꞌin me. Katupono -Meiẽ aimuꞌe hat sese yt eweiꞌe teiꞌo eiwoꞌope neꞌi e. Katupono wẽtup ok yn ni toineꞌen eimuꞌe hat sese. Waku eweipyhuꞌat eipe eiwoꞌowyriaꞌin wo yn naꞌyn.

1 Timoteu 5:17

Timoteu waku watiꞌatupowyro kahato Iesui mohey haria akag koꞌi saꞌup mo. Miꞌiria ti iꞌatupotpap kahato poꞌog iraniaꞌin kai aimuꞌe kahato Tupana ehay mohey hap ete pote waku watum poꞌog saꞌup miꞌiria pe. Typy ok miit potpap hap saꞌup ewy waku watum.

Humanu 13:7

-Eweiꞌatumotypot ro pyno miꞌiria tuꞌisaria e Tupana ahepe. Morekuaria torannia pe ehegyiꞌat ro ehekat wo e mesup ahepe Tupana. Ewehaꞌupnug o eiweteweru hap iꞌatuepiat e. Taꞌatukyꞌesat taꞌatupowyro hap taꞌatukonug hamuat ete pote waku watuwepotpap iꞌatuko nug hamuat e Tupana ahepe. Waku miꞌi tã watunug miꞌiria motypot hamo are. Waku morekuaria pe tuꞌisaria pe watum saꞌup katupono miꞌiria iꞌatupotpap kahato Tupana mikyꞌesat ewy nug hamuat aipowyro hap ete. Waku ipotpap takaria wo watukupteꞌen yne aito Iesui mohey haria aito pote.

Iesui Potmuꞌeria 15:4

Miꞌi hawyi putꞌok iꞌatuꞌe raꞌyn Ierusarẽi me. Miꞌi tote yiannote wuaria 12 ok takaria tukupteꞌen. Iꞌewyte Iesui mohey haria akagnia tukupteꞌen. Miꞌiria teꞌeroꞌe -Pyno eiwehytꞌok to uhytꞌiꞌin iꞌatuꞌe Pauruꞌin me. Miꞌi hawyi Pauruꞌin tomoherep iꞌatuepe aikotã Tupana tunug wuatꞌi tawa puaria piat hap koꞌi.

Iesui Potmuꞌeria 14:23

Miꞌi hawyi itote Pauruꞌin tiꞌairo Iesui mohey haria napin hamuaria. Miꞌi hawyi Panape Pauru yt kat i iꞌu aat katupono hẽtup kahato Tupana kape -Tupana iꞌatuꞌe epo pe raꞌyn ti meiũpiaria uruikyꞌesat emohey haria ipakup takaria katupono urutuwat irane meiũpepyi iꞌatuꞌe taꞌatuhẽtup Tupana pe.

Iesui Aru E Hap 4:4

Iꞌewyte itote araꞌakasa 24 miit apyk pe Morekuat eꞌamyap apypueri wo saꞌawyꞌi wuaria poꞌog Tupana mohey haria. Iꞌatuesokpe ikytsig kahato rakat. Iꞌatuꞌakag note iꞌatuꞌamãtap hekat rakat nu uru kawiat morekuat painug hap koꞌi.

3 Iuwãu 1:1

Pyno uito ti Iuwãu Iesui potmuꞌe sese Uito. Iꞌewyte imikyꞌe kahato uito. Waku kahato ti en mehin Kaiu. Miꞌi pote atipoꞌoro mesup uimiwan ewowi worokyꞌe kahato haype.

2 Iuwãu 1:1

Koitywy aseꞌi pot areineꞌen uiporo kahato raꞌyn mote. Mesuwat uimiwan atipoꞌoro ewowi mana. Waku sese kahato en katupono saꞌawyꞌi Tupana eꞌairo temiit sese wo. Kuekatu atipoꞌoro uimikyꞌe koꞌi kape emepytꞌin kape. Pywo ti rat worohoꞌokyꞌe kahato eiperia. Yt uito yn i eikyꞌe maꞌato yne yne Iesui kuap haria eikyꞌe kahato wy Iesui pywo e hap ewy eikyꞌe urutoria.

Tiaku 5:14

Wẽtup ok iꞌahuu aipyꞌasetpiat pote waku mekewat iꞌahuu rakat tiꞌatukay kay tuwewawi Iesui mohey haria apykok haria koꞌi taꞌatuhẽtup Tupana kapiat hamo iꞌahuu kosap hamuat hap. Miꞌi hawyi ikap takat mohag wo waku taꞌatupag iꞌahuu rakat ete. Miꞌi hawyi waku taꞌatuhẽtup -Tupana etimoehãite kahato mesuwat iꞌahuu rakat esaika hap mywo Esaꞌyru Iesui motypot hamo waku iꞌatuꞌe itote iꞌahuu rakat moehãite hamuat.

Tiaku 3:17

Maꞌato Aiꞌywot atipy piat iweꞌeg sakpo toineꞌen. Miꞌi ti aimuꞌe kahato aipyꞌa pe toweꞌeg hap yt ahiag wat ewywuat hin i. Mio tã e ahepe -Pywuat kahato eweikupteꞌen no Uiꞌewy e ahepe. Woꞌowese haria wo ro eweikupteꞌen e. Woꞌokyꞌe haria wo woꞌopowyro haria wo woꞌowesat kahu hanuaria uiꞌewy o eweikupteꞌen o e ahepe. Waku woꞌokyꞌe hap moherep hanuaria wo eweikupteꞌen e ahepe. Waku wakuat nug haria wo eipe e. Waku yt wẽtup ok i miit mohit hanuaria wo eweikupteꞌen no e ahepe. Waku yt typy ehay rakaria wo eweikupteꞌen e. Waku toꞌoꞌewyꞌewy wuatꞌi miitꞌin kyꞌe haria wo eweikupteꞌen e ahepe aimuꞌe kahato hat atipy piat Aiꞌywot.

Iesui Potmuꞌeria 20:17

Miꞌi hawyi tawa Miretu pyi toiꞌatukay kay tuwewawi Iesui mohey haria akag koꞌi. Tawa Ewesu piaria toiꞌatukay kay.

Iesui Potmuꞌeria 15:6

Miꞌi hawyi yne taꞌatuꞌatunug 12 ok takaria Iesui mohey haria akagnia wywo teꞌeruwaꞌatunug aikotã mekewat yt Iuteuria i napin hap kuap hamo.

1 Timoteu 5:2

Miꞌi hawyi karãpe eꞌyian haryporia kawiat tiꞌaparap Tupana pe pote waku etiꞌatunapin perupꞌi puo. -Mamai ereꞌe popuo imotypot haype. Maꞌato iraniaꞌin makuptiaria tiꞌaparap Tupana pe pote waku etiꞌatunapin perupꞌi puo Uheinyt ereꞌe popuo yt iꞌatukyꞌesat popuo i.