1 Timoteu 3:7 - Sateré-Mawé

⁷ Yt Iesui mohey haria yn i mimotypot maꞌato yne miitꞌin mimotypot etiꞌairo. Yne miitꞌin mimotypot etiꞌairo pote yt wẽtup ok pupi i tuwemoti. Miꞌi pote ahiag yt timaꞌat kuap i wy.

1 Timoteu 3:7 Referans Kwoze

2 Kuriniu 8:21

Hãpyk kahato yn areineꞌen neran wuatꞌi miitꞌin wanetup hawe iꞌewyte Tupana wanetup hawe. Miꞌi pote yt atioto teran i mesuwat wuatꞌi miium wato koꞌi kat pote yt atikyꞌesat i miitꞌin teꞌeruwanetup saꞌag uhowowi sio tohoꞌosat sio yt iꞌatuꞌe hap ete.

2 Timoteu 2:26

Miꞌi hap kaipyi ti aru teꞌeraꞌaipok taꞌyn taꞌatumoweꞌeg hap kape. Miꞌi hawyi ti aru toiꞌatuehakyeraꞌat raꞌyn ahiag ewamiri pyi aikope ahiag mikyꞌesat yn taꞌatunug. Miꞌi hap kaipyi watiꞌatumuꞌe wanikaptia aiwese kahato hap wywo watiꞌatumuꞌe. Miꞌi hap ewy waku watunug Timoteu are uito eꞌywot Pauru.

Korosi 4:5

Waku weꞌeg kahato haria wo watopyhuꞌat karãpe yt Iesui mohey i raꞌyn haria pyꞌasetpiat ahehay turan. Waku wahenoi iꞌatuepe Aipotypot Iesui etiat. Waku watikat miitꞌin iꞌatumuꞌe hamuat ihay se rakat yne eꞌat turan.

1 Timoteu 6:9

Maꞌato hekat kahato teran rakaria ti aru hewo hamuat ahiag ewamiri pe tominug saꞌag wywo ahiag esuki pe. Tominug saꞌag kaipyi iꞌatuewo kahato aria kape yt iweꞌeg i hap kaipyi taꞌatumikyꞌesat saꞌag upi. Miꞌi kape miitꞌin iꞌatuewo kahato aria kape hekat kahato teran rakaria.

1 Tesaronika 4:12

Miꞌi hawyi ipotpap kahato rakaria wo eweikupteꞌen are. Miꞌi pote ti aru meiũran -Taꞌi waku kahato miꞌiria iꞌatuꞌe Iesui mohey haria. Waku kahato miꞌiria iꞌatuꞌe iraniaꞌin. Eipo minug kaipyi mio tã iꞌatuꞌe. Yt eweikupteꞌen neiꞌo iraniaꞌin okpe tote neꞌi iꞌatuekareꞌen iꞌatumiꞌu etiatno neꞌi maꞌato motpap haria wo eweikupteꞌen. Yt sẽtup i sẽtup i e haria wo teiꞌo eweikupteꞌen are.

2 Kuriniu 6:3

Koitywy Aikaꞌiwat ehay moherep haria raꞌyn aito. Miꞌi pote waku aiweꞌeg wo kahato watoineꞌen. Kat pote karãpe watiꞌaparap pote miitꞌin teꞌeruwekyryꞌi kahato Aikaꞌiwat Iesui ete iꞌewyte ahete. Miꞌi hawyi yt uwe i tuwanetup teran ahehay kape.

1 Kuriniu 10:32

Waku aheineꞌen yt uwe maꞌat hatno i. Waku watopyhuꞌat yt Iuteu ywania aparap hatno i. Yt naku i Iesui mohey hap auka hat watopyhuꞌat aiminug koꞌi kaipyi. Iꞌewyte iraniaꞌin ywania aparap hatno yt naku i watopyhuꞌat. Yt naku i watoineꞌen Iesui mohey haria Tupana yat piaria maꞌat hat neꞌi.

Iesui Potmuꞌeria 6:3

Miꞌi tupono waku eweiꞌairo 7 ihainia wakuat rakat hiwu sese koꞌi piat miꞌu moꞌẽ hamo iꞌatuꞌe. Waku eweiꞌairo iweꞌeg kahato rakaria iꞌatuꞌe. Waku eweikat Iesui mohey sese haria inug hamo iꞌatuꞌe. Waku Tupana Paꞌãu Wakuat mikyꞌesat ewywuat nug kuap haria eweiꞌairo iꞌatuꞌe. Eweiꞌairo ro wakuaria miitꞌin mimotypot koꞌi iꞌatuꞌe. Miꞌiria ewywuat yn ni waku watipoꞌoro urupotpap nug hamo miꞌu moꞌẽ hiwu koꞌi piat hamo iꞌatuꞌe 12 ok takaria Iesui mohey haria pe.

Titu 2:8

Iꞌewyte ahewanikaptia etiꞌatuwesat ehay hãpyk kahato eweꞌeg hap kaipyi etiꞌatuwesat perupꞌi puo. Miꞌi tã etiꞌatuwesat pote ti aru yt kat i iꞌatuꞌe kuap i raꞌyn Tupana ehay mohit hamuat ete. Teꞌeruwemoti raꞌyn katupono yt kat i taꞌatupuẽti ehay kaipyi saꞌag hap neꞌi. Yi kape yn naꞌyn iꞌatueha paĩ.

Titu 2:5

-Iꞌewyte waĩꞌeweiꞌe o eiminug saꞌag nug hap pupi. Eweiꞌatupowyro kahato o eheꞌaito eimepytꞌin iꞌewyte eiꞌyat piaria waku iꞌatuꞌe manaꞌin nagnia heꞌaito pakup takaria pe. Eheꞌaito mikyꞌesat ewy o eweikupteꞌen eweiꞌe o heꞌaito pakup i rakaria pe ereꞌe o haryꞌin me are. Pyno Titu eꞌe hap ewy taꞌatunug pote ti aru ahewanikaptia -Taꞌi Iesui mohey haria haryporiaꞌin iweꞌeg kahato haria iꞌatuꞌe. Miꞌi pote yt teꞌeruwekyryꞌi kuap i Tupana ehay ete ereꞌe o manaꞌin nagnia pe.

1 Tesaronika 5:22

Ipotyi kahato ti aheko saꞌag. Pyno miꞌi waku watoiat yne.

1 Timoteu 5:14

Miꞌi tupono atikyꞌesat -Waku eꞌaito i ro watoꞌe ipakup te rakaria hiwu pe. Eꞌaito pakup i raꞌyn hawyi waku emepytꞌin hawyi mono etiꞌatueropat eꞌyat pe waku ereꞌe. Waku pe tukupteꞌen hiwuria Iesui mohey haria pote ti aru yt iꞌatuehay saꞌag kuap i ahewanikaptia imohey ahepiat hap ete.

1 Kuriniu 5:12

Iꞌewyte Iesui mohey hat maꞌato miitꞌin mohit tehay wuat hat toineꞌen ne iꞌewyte seroꞌok e hat iꞌewyte Iesui mohey hat maꞌato mahy kape toineꞌen imopẽꞌã rakat.

Iesui Potmuꞌeria 22:12

Miꞌi hawyi putꞌok are e Pauru. Miꞌi hawyi itotiat wẽtup ok uhyt Anania Tupana woꞌonapin hap nug hat toineꞌen itotiaria Iuteuria mimotypot kahato.

Iesui Potmuꞌeria 10:22

Miꞌi hawyi taꞌatuwesat -Taꞌi urukaꞌiwat Kuneriu urupoꞌoro ewowi uhyt iꞌatuꞌe. Urukaꞌiwat ti 100 ok surara akag wo ieineꞌen hat urupoꞌoro mehin iꞌatuꞌe. Iꞌewyte uruꞌakag ni Tupana mohey kahato hat toineꞌen iꞌatuꞌe. Toimotypot Etupana yn iꞌatuꞌe. Waku kahato urupoꞌoro hat. Hãpyk yn nug wuatꞌi eꞌat piat hat uhyt iꞌatuꞌe. Yne eꞌywania Iuteuria uruetawa totiaria ikuap urukaꞌiwat Kuneriu ewaku hap iꞌatuꞌe. Gaꞌatpo ti Tupana Paꞌãu Wakuat ihay kahato urukaꞌiwat pe -Etikay kay ro uhemiit Peteru eꞌyat kape enapin hamo e uruꞌakag Kuneriu pe iꞌatuꞌe. Miꞌi pote mesup ti urupoꞌoro ewowi toikyꞌesat ereto tewowiat hap mehin iꞌatuꞌe Peteru pe.

Maku 4:11

Miꞌi hawyi Iesui tiꞌatuwesat -Taꞌi uiwyriaꞌin ahenoi teran ehepe wuatꞌi mikuap yt heremo i aikotã Tupana topyhuꞌat irane Miitꞌin Porekuatno hap etiat e. Maꞌato iraniaꞌin me pya aikawiat haria pe yt uimohey teran i haria pe ahenoi teran sehay iãꞌãkap wuo e.

3 Iuwãu 1:12

Atikyꞌesat en wakuat nug hatno ereineꞌen katupono wakuat nug hatno yn Tupana watnuat. Uwe uwe inug saꞌag miꞌi hat yt Tupana kuap i hat sese. Yt karãpe i Tupana toineꞌen ipyꞌa pe. Maꞌato toineꞌen wẽtup ok eipyꞌasetpe Temetiu e hap het rakat yne Iesui mohey haria mimotypot. Miꞌi wyti pywuat sehay iãꞌãkap yne pywuat sehay enoi haria mimotypot miꞌi. Iꞌewyte uimimotypot miꞌi. Uruimotypot kahato miꞌi are.

1 Timoteu 3:6

Pyno iꞌewyte Iesui mohey pakup i haria neꞌi yt naku i aiꞌapykok hamo aiꞌakag wo katupono meremo i teꞌeruwemowato teran hap kaipyi teꞌeruwemaꞌat neꞌi aikotã saꞌawyꞌi wuat sese ahiag -Uito poꞌog e hat tuwemaꞌat neꞌi hap ewy ti Iesui mohey pakup i hat neꞌi aiꞌapykok hamo.