1 Timoteu 3:5 - Sateré-Mawé

⁵ Maꞌato yt toiꞌapykok kuap i tomepytꞌin miꞌi hap pote ti yt aikotã kuap i Tupana mepytꞌin apykok kuap hamo paĩ.

1 Timoteu 3:5 Referans Kwoze

Ewesu 5:24

Miꞌi hap ewy waku manaꞌin waku eweipyhuꞌat eꞌaito eropat hatno wo imikyꞌesat nug hamuat aikotã watopyhuꞌat Iesui eropat haria ewy. Aiꞌakag sese Iesui. Imohey haria torannia Akag wo topyhuꞌat wuatꞌi eꞌat pe. Imohey haria torannia ipiit no topyhuꞌat miꞌi hawyi Aiꞌakag wanetup hap watunug ipiit aito pote.

Ewesu 5:32

Pyno mio tã toꞌe Tupana miwan me -Karãpe ihainia iharyꞌi toꞌokyiꞌat hap hawyi topyhuꞌat wẽtup piit kawiat yn naꞌyn topyhuꞌat typy ok miit pykai e. Niatpo hap tohenoi mesuwe maꞌato watomohey Iesui hawyi aito yne watopyhuꞌat Iesui eharyꞌi ewywuat. Miꞌi iãꞌãkap tohenoi ihay saꞌawyꞌi wuat pe.

1 Timoteu 3:15

Maꞌato yt areto i pote yt uhewyry kuap i ewowi pote meikowat uimiwan atipoꞌoro ewowi aikotã waku etunug itote hap kuap hamo. Miꞌi uimiwan kaipyi waku etiꞌatunapin itotiaria aikotã waku aiwoꞌowese haria wo watukupteꞌen aito Iesui mohey haria. Taꞌi aito ti Tupana saꞌyruꞌin wo Tupana sakiꞌytꞌin wo aito watukupteꞌen wẽtup piit yn aito Tupana yat apyꞌyha iũtikag ewywuat aito katupono Tupana ehay mohey haria aito.

Ewesu 1:22

Katupono Tupana tunug yne yne Iesui py ywytꞌokpype. Aikaꞌiwat wuatꞌi okpe tote toineꞌen. Miꞌi hawyi iꞌewyte aito imohey haria Akag Koro wo topyhuꞌat Iesui Tupana mikyꞌesat ewy.

Iesui Potmuꞌeria 20:28

Pyno eiweꞌeg wo o. Eweiꞌapykok Tupana hũria Tupana Paꞌãu miium eipo puat koꞌi. Eweiꞌatupoi o Tupana hũria Iesui mikyiꞌat tosuu wuat koꞌi ihay wo Tupana emiitꞌin e.

1 Kuriniu 10:32

Waku aheineꞌen yt uwe maꞌat hatno i. Waku watopyhuꞌat yt Iuteu ywania aparap hatno i. Yt naku i Iesui mohey hap auka hat watopyhuꞌat aiminug koꞌi kaipyi. Iꞌewyte iraniaꞌin ywania aparap hatno yt naku i watopyhuꞌat. Yt naku i watoineꞌen Iesui mohey haria Tupana yat piaria maꞌat hat neꞌi.