1 Timoteu 3:11 - Sateré-Mawé

¹¹ Iharyꞌi waku rakat yn waku. Iꞌewyte yt naku i iharyꞌi marakꞌa poityꞌi rakat neꞌi. Waku iharyꞌi iweꞌeg kahato rakat sehay pywuat piat yn ihay rakat.

1 Timoteu 3:11 Referans Kwoze

Titu 2:3

Iꞌewyte Titu haryporiaꞌin nagnia pe kotan ereꞌe o -Eweꞌeg wo o manaꞌin eiminug saꞌag pupi ereꞌe o. Haryporia wakuat ewy eweikupteꞌen aikotã Tupana ewaku hap ewy o eweikupteꞌen ereꞌe o. Yt naku i ehehay miitꞌin mohit hap ete eiwẽ pyi ereꞌe o. Yt naku i mahy u haria wo eweikupteꞌen.

Titu 3:2

Iꞌewyte yt uwe teiꞌo eweiꞌatuehay moweukaꞌi ereꞌe o. Iꞌewyte miitꞌin wuatꞌi wywo o eiwese eweikupteꞌen ereꞌe o Titu. Iꞌewyte waku eweikat ewy ewese hap wywo. Iꞌewyte eiperupꞌi kahato yn o yne miitꞌin ete eweikupteꞌen ereꞌe o Iesui mohey haria pe.

1 Timoteu 3:2

Maꞌato eweꞌeg wo o miꞌi wuat airo hap ete Timoteu katupono yne miit mikuap hãpyk yn nakat waku etiꞌairo. Wẽtup ok wywo yn iharyꞌi rakat etiꞌairo. Yt naku i etiꞌairo kowoꞌi kowoꞌi wanetup haria. Waku -Yt uipo hep i Tupana potpap hap ete e hat etiꞌairo. Maꞌato waku wy emiꞌairoria paa e haria miitꞌin napin turanuat hanuaria teꞌeropyhuꞌat. Waku iraniaꞌin -Wakuat yn nug haria miꞌiria iꞌatuꞌe emiꞌairoria etiat. Iꞌewyte etikat o -Waku eweikupteꞌen uiꞌyat pe e hat waku etiꞌairo.

1 Peteru 5:8

Pyno eiweꞌeg wo o ahiag mupi kurum iwasuria makuptiaria i are. Aikotã suraraꞌin ewy eweikupteꞌen. Eiweꞌeg wo kahato o ahiag mupi kat pote ehewanikap sese toineꞌen ahiag kurum iwasu koꞌi makuptiaria. Pyno eweikupteꞌen aikotã moryꞌa epo pe hap ewy. Kat pote ahiag awyato marakꞌa hap ewy toineꞌen kowoꞌi kowoꞌi hewyry rakat ewy hesyꞌat rakat ewy. Toikat kahato Tupana hũria ipakuptia u hamo are.

2 Timoteu 3:3

Yt uwe etiat i iwese rakaria miꞌiria. Ehakyꞌeꞌi hap yt kuap i haria. Taꞌatumoweukaꞌi yn miitꞌin. Meremo wuꞌuka teran haria haiwot rakaria wakuap nug hat etiat ipyꞌahak takaria.

2 Timoteu 4:5

Maꞌato en Timoteu eweꞌeg wo o mio tã iꞌatuꞌe hap kai. Yt eremoehamanaꞌi teiꞌo maꞌato Tupana ehay pywuat sese po pe ereineꞌen o. Epiat hoꞌopot pykai yt ewẽpohep teiꞌo. Maꞌato en worokyꞌesat wuatꞌi puat Tupana ehay wakuat sytpok hamo. Etimoehãite yne o epotpap Tupana miium epiat uhaꞌyru.

1 Timoteu 6:2

Aipoꞌoro hat Aikaꞌiwat Iesui mohey hat pote waku watimotypot poꞌog aipotpap kahato hap upi katupono aheykeꞌet ewy topyhuꞌat Iesui mohey hap ete aimimohey ewywuat hat pote. Miꞌi pote ereꞌe i -Wẽtup yn aipotpap Aikaꞌiwat aito pote yt naku i watihaymoweukaꞌi aikaꞌiwat mesuwarotiat Iesui mohey hat pote. Waku watiꞌatukyꞌe aikotã aheykeꞌet ewy paĩ ere woꞌoꞌeropat haria Iesui mohey haria pe. Miꞌi e hap etiꞌatumuꞌe kahato o emimuꞌeria pe Timoteu.

1 Timoteu 1:12

Pyno uiwepiit kahato arehum kahato Aikaꞌiwat Iesui ete Wuatꞌi Porekuat ete katupono Miꞌi hum tesaika hap uhepe tehay moherep hamuat. Arehum kahato tuwete katupono uiꞌairo teꞌeropat hat miitꞌin muꞌe hamuat.

Iuwãu 6:70

Miꞌi hawyi Iesui toꞌe -Uimiꞌairo 12 ok takaria eipe maꞌato wẽtup ok eipyꞌasetpe ahiag ipyꞌa piat rakat e.

Mateu 4:1

Miꞌi hawyi Tupana Paꞌãu tioto Iesui yahig wato kape aikope yt uwe i ieineꞌen hap kape. Itote ahiag hãꞌãg kahato.

Humanu 1:29

Aikotã aikotã saꞌag nug kuap haria tukupteꞌen. Yt naku i nug hap ete yn teꞌeruwemoehapap aat kaꞌap -Taꞌi yt nakuap i waku iꞌatuꞌe taꞌatupyꞌa pe. Uiminug yt nakuap i yn uimowepiit sese iꞌatuꞌe. Atikyꞌesat iraniaꞌin ekat yne uiwatnuat uhekat hamo iꞌatuꞌe taꞌatuwanetup hawe. Iꞌatuehay miitꞌin moti te hap yn iꞌewyte sehaꞌawyꞌi hap yn taꞌatunug torannia miitꞌin ete. -Uito poꞌog waku eikai iꞌatuꞌe wakuaria pe iꞌatuehayꞌywyi wywo. Miitꞌin potꞌauka haria wo teꞌeruwepyhuꞌat. Miꞌi hawyi woꞌopotmaꞌat haria teꞌeruwepyhuꞌat. Teꞌeruwepyi iꞌatuhoiroꞌi hoiroꞌi iraniaꞌin ete. Yt pywuat sehay i taꞌatuhenoi iraniaꞌin ete miꞌiria maꞌat hamo iraniaꞌin heꞌi heꞌi wo.