Miꞌi hap eꞌat pe iꞌatuꞌakag Sauru timoma kahato Iesui mohey haria tawa Ierusarẽi miaria. Miꞌi pote yne iꞌatuꞌyat puo teke teke toiꞌatumoma teran haype. Ihainiaꞌin iꞌewyte haryporiaꞌin toiꞌatuherepꞌi herepꞌi yi upi hawyi toiꞌatupyhyp woꞌopyhik hawe. Miꞌi tet pupi iraniaꞌin Iesui mohey haria teꞌeruwesytpok kahato tawa Ierusarẽi kaipyi teꞌeruwenoꞌẽ.
1 Timoteu 1:13 - Sateré-Mawé13 Saꞌawyꞌi te yt atimohey i te turan ateremopusu kahato Iesui. Atiꞌatusatyꞌi satyꞌi kahato hemiitꞌin. Miꞌi turan ne uhehay saꞌag Iesui ete. Yt imohey i hap kaipyi areineꞌen saꞌag Iesui ete. Yt uiweꞌeg hin i haype maꞌato miꞌi pykai uikyꞌe hap wywo ihaꞌat uhowowi. Yt atikuap i kahato atunug saꞌag mekewat eꞌat piat. Gade chapit la |
1 Timoteu 1:13
25 Referans Kwoze
Saꞌawyꞌi watoineꞌen aikotã piku piku koꞌi ewy yt iꞌywot i yt ity i rakaria ewy. Gaꞌapy piat hewyry rakaria ewy yt uwe ywania ewy i ahewyry. Maꞌato watomohey Aikaꞌiwat Iesui hawyi Tupana ainug tosakiꞌytꞌin sese tosaꞌyruꞌin sese wo raꞌyn. Miꞌi hawyi Tupana ywania wo watopyhuꞌat. Saꞌawyꞌi yt uwe i aikyꞌe haria -Yt kan hamo i eipe iꞌatuꞌe ahepe. Maꞌato koitywy Tupana mikyꞌe koꞌi kahato aito. Ahehakyeraꞌat raꞌyn Tupana yt ahewaku pykai hin i aikyꞌe. Miꞌi pote Tupana etama puaria aito watopyhuꞌat.
Miꞌi pote waku watuwat Tupana kape yt aikenꞌẽ wywo hin i yt kat i aiwemoti hap wywo katupono toineꞌen aiwywo Ahepaꞌi Koro. Miꞌi pote ti hegyiꞌat kahato Tupana ahepe Ahepaꞌi Koro kyꞌe haype Ahepaꞌi Koro emiit no watoineꞌen mote. Wahenoi yne aiminug saꞌag tope pote meremo topyhuꞌat waure wo. Watikyꞌesat aipowyro hap hoꞌopot hap eꞌat piat pote waku merep wahenoi tope. Wahẽtup hawyi meremo tutum neꞌen neꞌi aipowyro hap. Iꞌewyte satek hap saty monik hamo wahẽtup pote meremo tutum ahepe tehakyꞌeꞌi hap. Taꞌi hegyiꞌat kahato ahepe katupono Haꞌyru Ahepaꞌi wo toineꞌen pote. Toineꞌen atipy pe ahehay moherep Toꞌywot piat hatno Ahepaꞌi. Miꞌi hawyi Iꞌywot aimoesaika kahato kat e hap kat e hap niatpo kahato rakat ahete hap turan aimoesaika kuap kahato e.
Miꞌi hawyi Iesui toꞌe Tupana pe -Uiꞌywot waure wo ereineꞌen no uhewanikaptia minug saꞌag kai hap atikyꞌesat katupono yt taꞌatukuap i uwe sese uwe Uito Taꞌatuꞌmiꞌauka e Tupana pe. Miꞌi hawyi Iesui esokpe taꞌatuhep taꞌyn hawyi teꞌeruwemahara raꞌyn hesokpe kyiꞌat hamo aikotã waku hesokpe taꞌatupatꞌok hamo.
Maꞌato miꞌi pykai Tupana uikyꞌe kahato yt kat i uhewaku hap upi. Tuwekaipywiat tegyiꞌat hap moherep hamo uhehakyeraꞌat. Koitywy ti iraniaꞌin uiꞌewywuaria saꞌag nug haria tikuap taꞌyn Tupana tiꞌatuehakyeraꞌat kuap torannia yt naku i nug haria hap. Miꞌi tupono ti aru wuatꞌi miitꞌin saꞌag nug haria -Pyno uito uhehakyeraꞌat kuap wy iꞌatuꞌe. Uhehakyeraꞌat Tupana piat hap atikuap taꞌyn iꞌatuꞌe irane.
Miꞌi turan atunug yne yne iꞌatuwoꞌonapin hap koꞌi Tupana waĩꞌe hap koꞌi paĩ. Miꞌi hawyi areineꞌen poꞌog iraniaꞌin kai iꞌatuꞌakag wo yne uhesaika hap wywo. Atiꞌatusatyꞌi satyꞌi kahato Iesui mohey haria saꞌawyꞌi. Atunug yne uruꞌywania mikyꞌesat ewy. Yt kat i urueko etiat iꞌaparap hap atunug. Yne uruꞌywania waĩꞌe hap atunug yne urueꞌaseꞌi urunapin saꞌawyꞌi wuat hap atunug yne. Iꞌewyte yne urunapin hap atunug. Yne miꞌi koꞌi nug hap aimoewaku kuap Tupana wanetup hawe pote waku pe areineꞌen mekewat eꞌat pe maꞌato yt pykai i. Yt uinug waku hin i Tupana wanetup hawe mekewat eꞌat pe. Yt atikuap hin i Tupana miꞌi turan.
Taꞌi eweikuap aikotã saꞌawyꞌi yt atikuap hin i Iesui etiat. Eweikuap kahato uito aikotã wẽtup seko upiat myhuꞌat hat kahato areineꞌen saꞌawyꞌi mesuwarote. Miꞌi Iuteu ywania eko wo uhowapy raꞌyn nyti miꞌi turan. Saꞌawyꞌi te Iuteuria kaipyi atikuap Tupana ehay. Taꞌi saꞌawyꞌi uito Tupana emiitꞌin sese Iesui mohey haria moma teran hatno areineꞌen. Taꞌi eweikuap aikotã saꞌawyꞌi Iesui potmuꞌeria satyꞌi satyꞌi hat areineꞌen saꞌag poꞌog toranniaꞌin kai hap eweikuap taꞌyn. Yt nakuat i kahato uito. Saꞌawyꞌi Iesui mohey haria atuuka hat uito areineꞌen are. Atiꞌatuꞌuka saꞌag miꞌiria uito are.
Maꞌato uhewaku hap yt putꞌok e hin i iraniaꞌin Iesui potmuꞌeria kai katupono saꞌawyꞌi Iesui mohey haria ti atiꞌatusatyꞌi satyꞌi kahato. Saꞌawyꞌi atiꞌatumoma kahato miꞌiria. Saꞌawyꞌi atiꞌatuꞌuka miꞌiria maꞌato miꞌi pykai Tupana uikyꞌe. Yt uhewaku hap upi hin i uiꞌairo topotpoꞌoro wo. Saꞌawyꞌi hewanikap nuat areineꞌen pykai uiꞌairo topotpoꞌoro wo are.
Mekewat eꞌat pe mekewat Sauru e hap het rakat toineꞌen Ierusarẽi me. Miꞌi ti ipyꞌahak kahato poꞌog Iesui mohey haria ete -Atiꞌatuꞌuka yne Iesui emiitꞌin e Sauru topyꞌa pe. Atiꞌatumoma torannia eipe e haty wo ipotmuꞌeria pe. Eimoma hap yn atikyꞌesat e. Miꞌi haype toto raꞌyn paꞌi koro kape Ierusarẽi miat kape.
Piblisite