1 Kuriniu 9:2 - Sateré-Mawé

² Miꞌi hap kaipyi eweikuap Tupana uipoꞌoro hap. Maꞌato iraniaꞌin yt ipywo i Tupana uipoꞌoro hap maꞌato eipe eweipywo katupono uiwẽ pyi Aikaꞌiwat Iesui aimoieineꞌen hat uhehay pyi einug ipakup takaria wo. Mesup koitywy eweikupteꞌen Iesui mohey haria wẽtup miit ewy iwywo eweikupteꞌen. Miꞌi kaipyi eweimohey Tupana potpoꞌoro wuat areineꞌen hap.

1 Kuriniu 9:2 Referans Kwoze

2 Kuriniu 12:12

Saꞌawyꞌi areineꞌen eipyꞌasetpiat turan Tupana timoherep kahato uipiit pyi tesaika hap. Toikyꞌesat kahato eipe eweikuap uito imipoꞌoro sese hap tehay sese moherep hamuat. Miꞌi pote tutunug kahato uipiit pyi yt miitꞌin mikuap koꞌi e. Ehehamo toimoherep kahato kat koꞌi kat koꞌi sepap Tupana yn inug kuap hap koꞌi miitꞌin mowanetup kahato hamo waku nug hap koꞌi ete. Miꞌi koꞌi kapiat eweiꞌakasa hawyi eweiꞌe -Pauru ti Tupana mipoꞌoro ahowawiat aimuꞌe tehay wakuat etiat hamo eweiꞌe eiwoꞌope. Karãpe eweiꞌakasa yt uhesaika hap kape i hawyi eweiꞌe uhepiat pe -Pywo ti rat Pauru Tupana mipoꞌoro sese katupono toimoherep Pauru piit pyi yt hesaika i pykai eweiꞌe.

Iuwãu 6:27

Eweikat kahato wyti miꞌu eimeꞌen moꞌok hamuat neꞌi e maꞌato miꞌi ti nem rakatnuat neꞌi e. Maꞌato waku eweikat miꞌu sese wuatꞌi eꞌat piat eimoieineꞌen hamuat e. Miꞌi yn wyti Miitꞌin Ykeꞌet tum kuap ehepe. Pywo Miitꞌin Ykeꞌet tum kuap katupono iꞌywot atipy piat waku kahato miꞌi nug hamo e.

Iuwãu 3:33

Maꞌato watomohey atipy kaipywiat mienoi hawyi ti watikuap meremo pywuat sese Tupana watoꞌe hap e.

Iesui Potmuꞌeria 1:25

Katupono yt uwe i Iuta potpap nug hat mesup iꞌatuꞌe. Toto raꞌyn Iuta teiam aria woꞌomosoꞌopot hap kape iꞌatuꞌe. Pyno waku etiꞌairo wẽtup ok Iuta saipepiatnuat sio Iuse sio Matia iꞌatuꞌe Tupana pe.

1 Kuriniu 9:3

Tukupteꞌen maꞌato -Pauru yt Tupana mipoꞌoro ewy hin i iꞌatuꞌe. Yt mekewat 12 ok takaria ewy hin i iꞌatuꞌe toꞌope maꞌato miꞌiria atiwesat -Uito rat Tupana mipoꞌoro sese are.