1 Kuriniu 7:36 - Sateré-Mawé

³⁶ Pyno mesup worohoꞌonapin neran eipe. Ehaytuwy haryporia ihainia kawiat eiwoꞌokyꞌesat pote waku etat eharyꞌi wo eꞌaito wo. Maꞌato -Ahoꞌopot kahato mesup yt kat i aiꞌyat i yt kat i aiko i yt kat i aimiꞌu eweiꞌe eiwoꞌope pote -Waku poꞌog yt watoꞌokyiꞌat i te katupono hoꞌopot hap eꞌat mesup katupono aito Iesui mohey haria pote miitꞌin mikyryꞌi haria wo watopyhuꞌat. Pyno waku watoineꞌen yt iwary i rakatno yt heꞌaito rakatno i mesup waku eweiꞌe eiwoꞌope. Miꞌi hawyi waku eweikupteꞌen yt iwary i rakat ewy yt heꞌaito i rakat ewy. Meiũran maꞌato eiwoꞌokyiꞌat teran mote pyno waku eiwoꞌokyiꞌat eiwoꞌokokaꞌat e Tupana. Miꞌi hawyi waku eweikupteꞌen heꞌaito iwary rakatno Iesui mohey haria eipe pote.

1 Kuriniu 7:36 Referans Kwoze

1 Kuriniu 7:37

Pyno -Yt karãpe i uheharyꞌi e hat yt toikyꞌesat i pote waku yt iwary i topyhuꞌat e. Miꞌi hat yt iꞌaparap i Tupana pe katupono toiꞌakit kuap topiit mikyꞌesat.

1 Kuriniu 7:9

Maꞌato -Atikyꞌesat kahato uheharyꞌi uheꞌaito eweiꞌe eipyꞌa pe pote waku etat ro ewary eꞌaito emikyꞌesat ewy maꞌato Iesui mohey hat yn waku etat e. Poꞌog waku etat eharyꞌi eꞌaito Iesui mohey hat epiit mikyꞌesat monik hamuat hap upi epiit mikyꞌesat haty hap mekewat kytꞌok epyꞌa piat hap kai.

Mateu 1:18

Miꞌi hawyi mesuwe ahenoi teran aipotypot ywãꞌĩ hap etiat. Pyno tawa Nasare pe wẽtup ok Iuse e hap het rakat tat teran teharyꞌi wo yt karãpiat i ihainia wywo ieineꞌen hat mana Maria e hap het rakat. Maꞌato miꞌi yt toꞌopytyk i te turan imepytꞌa rakatno toineꞌen maꞌato yt ihainia kaipyi i maꞌato Tupana Paꞌãu kaipyi imepytꞌa.

Mateu 5:40

Uito ti worohoꞌonapin yt iraniaꞌin ewy hin i raꞌyn e maꞌato mio tã are e -karãpe ehewanikap eipohari teran ehesokpe ete miꞌi pote yt eipyꞌahak teiꞌo ehewanikap ete. Ehesokpe toikyꞌesat pote waku ewetum ehekamisa toikyꞌesat pote waku ewetum. Maꞌato waku poꞌog ewetum imikyꞌesat kai toihep ehekamisa hawyi iꞌewyte waku esiara ewetum.

1 Kuriniu 7:35

Poꞌog waku aheꞌaito kahato aheharyꞌi kahato hap. Worohoꞌonapin neran eipowyro hamo. Atikyꞌesat kahato watunug Tupana mikyꞌesat ewy hap poꞌog torannia mikyꞌesat nug hap kai. Miꞌi pote miꞌi hap ete sio ereineꞌen eꞌaito sio yt rakatno sio ereineꞌen iwary rakatno sio yt rakatno atikyꞌesat eipe atipy piat eropat haria sese yt kat i eipyhyp Aipotypot potpap nug hap ete haria wo.