1 Kuriniu 7:14 - Sateré-Mawé

¹⁴ Watomohey Iesui hawyi yt naku i watoiat aheꞌaito aheharyꞌi saꞌawyꞌi wuat yt Iesui mohey hat i pote. Waku wahẽtup kahato Tupana pe aheꞌaito aheharyꞌi ehakyeraꞌat hamo katupono aheꞌaito aheharyꞌi toineꞌen yt pya hin i Tupana kai katupono Tupana Paꞌãu eiam kahato aito pote. Waku aiwywo toineꞌen Iesui mohey haria aito pote. Waku watoineꞌen aheꞌaito wywo aheharyꞌi wywo katupono wahenoi tuereto miꞌiria pe Iesui mohey hap iꞌewyte aimepytꞌin ahakiꞌytꞌin ahaꞌyruꞌin yt pya hin i Tupana ehay aiwẽ pywiat kai. Miꞌi pote miꞌiria yt pya hin i tomohey hawyi Tosaꞌyru moherep haria aito pote.

1 Kuriniu 7:14 Referans Kwoze

Titu 1:15

Waku hap etiat wanetup haria pe -Waku yne Tupana minug koꞌi mesuwat yi totiat koꞌi iꞌatuꞌe. Teꞌeruwehum yn Tupana minug ete maꞌato iraniaꞌin yt imohey i haria yt wẽtup i waku Tupana minug koꞌi. Yt naku i iꞌatuꞌe yn Tupana miium ete katupono iꞌatuwanetup hawe yt naku i hap yn topyhuꞌat. Teꞌeruwemoti kahato teꞌeruwanetup hawe yt taꞌatunug i iꞌatueko ewy pote.

1 Timoteu 4:5

Katupono saꞌawyꞌi Tupana toꞌe -Waku yne emiꞌu wo e. Miꞌi tupono mesup ti aito waku aiꞌe Tupana pe rakirẽ watenuk. Miꞌi tupono yne waku watuꞌu Tupana miium aimiꞌu wuat.

Humanu 11:16

Pyno ahenoi teran iãꞌãkap ewy uruꞌywania ete. Worohoꞌoium aimikoi mani Tupana kape pote aimiium kaipyi topyhuꞌat Tupana watno uꞌi. Miꞌi pote Aparãu topyhuꞌat aimisoꞌoium aimikoi aiko pywiat ewy. Miꞌi hawyi Iuteuria topyhuꞌat uꞌi mani kaipywiat ewy. Pyno wẽtup sehay iãꞌãkap wuo ahenoi teran ehepe. Karãpe watikoi kat ypia iꞌyp watum Tupana kape pote miꞌi hawyi haga ete topyhuꞌat Tupana wat yne. Iꞌyp hapo topyhuꞌat Aparãu ewy miaria urueꞌyianmiaria uruꞌywania Iuteuria tukupteꞌen haga ewy.

Iesui Potmuꞌeria 10:23

-Pyno meiũpe ro ehewãtym hawyi mukiꞌite waku watuwat eikaꞌiwat yat kape e. Pyno eiwehytꞌok to uhytꞌiꞌin e Peteru meimuẽwat tawa Iope pe. Ihatꞌok hawyi toto raꞌyn Peteru iꞌatuupi iꞌewyte Iesui potmuꞌeria tawa Iope piaria iraniaꞌin tuwat Peteru upi.

1 Kuriniu 7:13

Eꞌaito yt Iesui mohey hat i pykai yt etoiat teiꞌo miꞌi kat pote ekyꞌesat hap toĩ ikai pote.