1 Kuriniu 6:10 - Sateré-Mawé

¹⁰ Seroꞌok e haria yt uwe i itote. Yt hegyiꞌat i rakaria yt uwe i. Iꞌewyte yt uwe i aru woꞌeromopusu hat miitꞌin mohit hat itote. Yt uwe i -Uiatno yn mo e hat iꞌewyte imopẽꞌã rakat.

1 Kuriniu 6:10 Referans Kwoze

1 Kuriniu 5:11

Maꞌato -Ewetoiat ro meimuẽwat koꞌi katupono miꞌi ewywuat watoiat pote watoineꞌen mesuwat yi tote waku pe. Koitywy atipoꞌoro ewowi wẽtup sehay. Toineꞌen eipyꞌasetpe yt nakuap i nug hat -Uito Iesui mohey hat e hat maꞌato wuatꞌi wywo toineꞌen hewaire rakat miꞌi hat ewywuat yt eweiwesat wesat teiꞌo iꞌewyte yt erenuk teiꞌo iwywo. Iꞌewyte toineꞌen Iesui mohey hat maꞌato tupana iãꞌãkap kape toiwẽpap te toimohey te miitꞌin minug tupana koꞌi -Uito Iesui mohey hat wy toꞌe pykai waku miꞌi miit kai waure wo waku watukupteꞌen.

Karasia 5:21

Yt watopotꞌoksat i. Imopẽꞌã rakaria wo watoineꞌen pote woꞌoeroꞌok woꞌoeroꞌok haria ewywuat gupteꞌen haria ewy watoineꞌen. Miꞌi pote eiweꞌeg wo o katupono miꞌi tã neꞌi nug haria yt tuwehytꞌok kuap i Tupana Morekuatno topyhuꞌat hap eꞌat pe yt tuwehytꞌok kuap i hetama pe.

Ewesu 4:28

Saꞌawyꞌi wateroꞌok iraniaꞌin ekat maꞌato koitywy waku watoiat mekewat ahesokpe nem hap ewy are. Yt naku i Iesui mohey hat seroꞌok e hatno topyhuꞌat. Waku mesup ipakup we watoineꞌen motpap nug haria wo waku watoineꞌen. Waku aheꞌat hakup wywo aipotpap aat. Miꞌi hawyi aipotpap hap saꞌup wywo waku ahekat. Yt naku i miitꞌin maꞌatꞌi maꞌatꞌi hatno aipotpap are. Waku watikat ahekat iwato hawyi ahegyiꞌat hap wywo hatek takaria powyro hanuaria watukupteꞌen. Miꞌi hawyi satek haria poi haria wo watopyhuꞌat aiko wato kaipyi. Miꞌi hap watunug mote ahegyiꞌat hap topyhuꞌat ahete aipainug hap ikahu rakat ewy topyhuꞌat mesuwe Tupana wanetup hawe.

1 Peteru 4:15

Pyno waku watopyhuꞌat miitꞌin mesuwarotiaria mikyryꞌi hamo. Waku watopyhuꞌat miitꞌin misatyꞌi satyꞌi koꞌi wo Iesui mohey haria aito pote. Maꞌato yt naku i kahato wahoꞌopot mesuwarotiat seroꞌok e haria aito pote yt naku i nug haria pote miitꞌin maꞌat haria aito pote miitꞌin ekat poreraꞌat haria aito pote miitꞌin potpap pyhyp haria aito pote ahehay saꞌag iraniaꞌin etiat aito pote. Miꞌi hap upi aipyhyp ahatyꞌi hatyꞌi pote yt nakuaria i wo watopyhuꞌat. Maꞌato wahoꞌopot Iesui potpap nug pote waku.

Mateu 23:33

Moĩ satek mepytꞌin ewywuaria ti eipe eweikupteꞌen e. Miꞌi tupono ti eipe torannia aria miꞌu wo eweipyhuꞌat. Yt sake i wyti aru eiwenoꞌẽ kuap e Iesui.

1 Tesaronika 4:6

Yt naku i kahato ti watipohari aiwy iharyꞌi ete paĩ urutoꞌe saꞌawyꞌi te ehepe. Iꞌewyte wy koitywy yt eweimaꞌat reiꞌo wẽtup ok haryporia imoewaire hamo urutoꞌe haty wo katupono miꞌi tã watunug pote Tupana miꞌapiheg wo watukupteꞌen paĩ.

Iuwãu 12:6

Iuta tikyꞌesat haꞌup topo piat hap towatno. Yt toikyꞌe hin i yt hekat i rakaria pykai i katupono toteroꞌok kahato 12 ok takaria wywuat tineiru heiam miat.

Mateu 23:13

Miꞌi hawyi Iesui toꞌe miwan kuap haria pe iꞌewyte woꞌomuꞌe haria pe -Taꞌi heso rakaria ti eipe typy hẽku rakaria e Tupana ehay kuap ran haria pe. Yt eweikyꞌesat i ti miitꞌin tuwat aikope Tupana toineꞌen Morekuatno hap kape e. Taꞌi eweiꞌatupyhyp kahato ti miitꞌin ipap Tupana etawa kapiat rakaria e. Iꞌewyte ti eipe yt eweiwat teran hin i. Miꞌi pote ti iraniaꞌin yt tuwat i eiꞌewy e.

Mateu 21:19

Miꞌi turan taꞌakasa Wiku yp muap ẽpeke hawyi toto haat kyewi maꞌato iꞌyhop yn toipuẽti. Miꞌi pote toꞌe Wiku yp we -Pyno koitywy ti aru yt sake i raꞌyn esat e. Mio tã e hap hawyi meremo iꞌyp gag naꞌyn.

Iesui Potmuꞌeria 20:32

Uiwyriaꞌin e koitywy areto raꞌyn eipyꞌasetpyi. Maꞌato ti worohoꞌoꞌatoiat eipe Tupana po pe. Tupana ti eikyꞌe hap hum kahato ehepe. Tutum ahepe tehay wakuat aimoesaika hamo aimohãpyk yt nakuap i kaipywiat hamo. Miꞌi pote watoineꞌen hemiitꞌin no iraniaꞌin imimoewaku koꞌi saipepiaria wo mesup e Pauru tawa Ewesu piaria pe.

1 Kuriniu 15:50

Pyno eiweꞌeg wo o uhekatuwyria katupono aipiit mesuwarotiat yt teke kuap i atipy pe katupono aipiit ipuꞌi kawiat huu kawiat ikuꞌuro iꞌokpuk takat toineꞌen. Aikope Morekuat no Tupana toineꞌen hap tote yt uwe i ikuꞌuro rakaria wo toineꞌen itote.

Ewesu 5:5

Pyno uiwyriaꞌin waku aiweꞌeg wo katupono pywo ti yt uwe hin i ti aru yt nakuat i wanetup saꞌag haria tukupteꞌen aru atipy pe aikope Aipotypot Iesui toineꞌen Morekuat no hap tote are. Yt uwe i itote atipy pe uiatno yn mo e haria yt hegyiꞌat i rakaria. Eweꞌeg wo o miꞌi pupi katupono yt ahegyiꞌat i hap yt naku i sese Tupana wanetup hawe aikotã iraniaꞌin tupanaria motypot haria yt naku i nug hap ewywuat minug motypot hap ewy yt ahegyiꞌat i hap are. Yt uwe i aru atipy pe wuatꞌi haryporia wywuat ieineꞌen haria wuatꞌi ihainia wywuat ieineꞌen haria yt uwe i itote katupono aito Aipotypot Iesui emiit.