1 Kuriniu 3:1 - Sateré-Mawé

¹ Uiwyriaꞌin tawa Kurintiu piaria saꞌawyꞌi Uito Pauru ahenoi teran Tupana ehay ehepe saꞌawyꞌi uheineꞌen itote turan maꞌato tig mekewat eꞌat pe yt ahenoi kuap i Tupana Paꞌãu mikyꞌesat ewywuat hãpyk poꞌog nakat katupono eipe yt Iesui mohey haria yt ewy hin i te eiwanetup hap. Mesuwarotiat wanetup hap ewy yn eipe eweikupteꞌen katupono kurin kat ewy Iesui mohey hap toineꞌen eikai mekewat eꞌat pe.

1 Kuriniu 3:1 Referans Kwoze

Epereu 5:13

Niatpo rakat saꞌawyꞌi wuat Tupana ehay etiat kurin kurin eweikuap. Aimepyt ihup te rakat ewy mi hy yn toisym kuap ewywuat eipe katupono yt eweikuap i te kat koꞌi kat koꞌi som sio pywuat sio yt pywuat i hap. Sio waku watunug sio yt naku i watunug e hap katupono Tupana pywuat hap yt eweikuap i te sio waku sio yt Tupana e hap yt eweikuap i te pote.

1 Kuriniu 2:6

Maꞌato iraniaꞌin Iesui mohey haria wo topotmuꞌeria hawyi atiꞌatumuꞌe miꞌiria uhehay wo -Iweꞌeg kahato rakat iꞌatuꞌe uhetiat pe. Maꞌato uito yt mesuwarotiaria weꞌeg hap kaipyi uhehay yt ahiag weꞌeg hap kaipyi i. Mesuwarotiaria ti koitywy iꞌatuweꞌeg kahato maꞌato yt iꞌatuweꞌeg hin i Tupana wanetup hawe. Meiũran Tupana timoma yne aru iꞌatuweꞌeg hap hawyi yt topyhuꞌat hin i aru iꞌatukai.

1 Kuriniu 14:20

Pyno waku watoineꞌen hirokaria ewy aikotã hirokaria yt taꞌatukuap hin i saꞌag nug hap. Miꞌi hap ewy waku watopyhuꞌat uheinytꞌin uheꞌywytꞌin. Maꞌato yt naku i watuwanetup hirokat ewy katupono yt teꞌeruwanetup kuap kahato i te wakuat sehay enoi hap kape hap ewy neꞌi.

Humanu 7:14

Tupana Paꞌãu miat ainapin Muisei wẽ pywiat wakuat sese Tupana wanetup hap ewy. Miꞌi ti waku maꞌato uito yt atunug i pote yt naku i rakat areineꞌen. Miꞌi tã hawyi yt Tupana ewy hin i areineꞌen wakuap nug hap ete.

1 Iuwãu 2:12

Uimepytꞌin eiminug saꞌag koꞌi yne Tupana timohãpyk taꞌyn watomohey Aikaꞌiwat Iesui hawyi.

Karasia 6:1

Uiwyriaꞌin Karãpe wẽtup ok yt naku i iꞌaparap hap inug miꞌi pote waku wẽtup ok toto Tupana Paꞌãu sehay wywo iꞌaparap hat napin perupꞌi wuat hamo. Miꞌi hat wyti waku kahato inug maꞌato waku miꞌi rakirẽ tuweꞌeg wo raꞌyn toineꞌen tepiat iꞌaparap hap pupi iraniaꞌin napin rakirẽ.

Mateu 16:23

Mio tã e pote Iesui tuwemorem Peteru kape hawyi toꞌe -Erẽtem no uikaipyi ahiag e katupono en wyti aikotã nu toineꞌen muap tote aipysatpun hanuat ewy neꞌi. Miꞌi tupono ti ewat ewanetup hap mesuwat rotiaria miitꞌin wanetup hap ewy neꞌi. Yt Tupana woꞌonapin hap ewy hin i.

1 Kuriniu 14:37

-Pyno uito ti Tupana ehay moherep haria koro koꞌi eweiꞌe saꞌag. Taꞌi Tupana tum naꞌyn uruepe tesaika hap tomisepap nug hamuat eweiꞌe. Poꞌog waku eweiꞌe eiwoꞌope -Aimuꞌe hat sese Pauru mimuꞌeria aito waku eweiꞌe.