1 Kuriniu 15:47 - Sateré-Mawé

⁴⁷ Saꞌawyꞌi wuat Tupana tunug Atãu yi kawiat. Mekewat Atãu Saipepiat Iesui toineꞌen.

1 Kuriniu 15:47 Referans Kwoze

Iuwãu 3:31

Miꞌi Miit atipy kaipywiat poꞌog wakuat wuatꞌi kawiat hat are. Yi totiaria ti taꞌatumikuap oktan yn henoi kuap maꞌato atipy kaipywiat suut hat mienoi wyti poꞌog iwato yi totiaria mienoi kai are e.

2 Kuriniu 5:1

Pywo aipiit wyti aikotã og ape ewy. Katupono yt watoineꞌen motꞌi hin i mesuwarote. Miꞌi hawyi aipiit ikuꞌuro aikotã og ape ewy. Maꞌato aipiit pakup Tupana timoieineꞌen hawyi yt og ape ewy hin i. Katupono aipiit pakup topyhuꞌat aikotã Tupana yat atipy piat yt karãpiat ikuꞌuro rakat i.

1 Kuriniu 15:45

Katupono saꞌawyꞌi Tupana tunug Atãu miit ihãite kahato rakat e ti miwan me. Maꞌato iꞌewyte toꞌe miwan me -Putꞌok e aru Atãu Saipepiat e Iesui piat. Miꞌi Miit poꞌog naꞌyn katupono aikotã Tupana toineꞌen hap ewy aimoieineꞌen hap toineꞌen.

Iruka 2:11

Pyno mio tuwemoherep taꞌyn morekuat Tawi etawa Perẽi me ehehakyeraꞌat hat eipotypot eikaꞌiwat e.

1 Timoteu 3:16

Tupana mienoi Iesui etiat watikuap kahato maꞌato yt karãpe i watikuap yne yne. Tupana yn ikuap sese hat. Miꞌi hawyi ikuap hat sese tuwemoherep taꞌyn ahowawi. Mio tã toꞌe ahepe Iesui etiat -Meiũ ti pywuat sese e. Miꞌi Miit kape atipy piaria teꞌeraꞌakasa yne. Miꞌi ti imoherep taꞌyn kat ywania puo kat ywania puo miꞌi hap tuwemoherep taꞌyn tehay wo. Miꞌi hawyi ti iꞌatu kahato raꞌyn imohey haria mesuwat yi tote. Miꞌi hawyi Tupana tioto i raꞌyn atipy kape i are.

Iesui Potmuꞌeria 10:36

Mesup taꞌyn Tupana tipoꞌoro raꞌyn uruꞌywania pe temiit Iesui wuatꞌi ywania ehakyeraꞌat hanuat e Peteru. Koitywy ti Tupana Mipoꞌoro topyhuꞌat aipuꞌap Tupana kapiat hat e. Mesup mio tã e Tupana wuatꞌi pe -Koitywy waku raꞌyn eweiõꞌẽ uhowowi katupono Uhaꞌyru Iesui tunug naꞌyn aiwoꞌopiat woꞌowese hap e. Taꞌi mesup ti aiwoꞌoewaku hap tutunug naꞌyn e. Saꞌawyꞌi te ti uruepe Isareu ywania pe yn mio tã e maꞌato mesup wuatꞌi ywania pe mio tã e -Uhemiit Iesui ti atunug naꞌyn Wuatꞌi Porekuaria Porekuat no e Tupana wuatꞌi pusu kuap haria pe e Peteru.

Iuwãu 6:33

Tupana wat man tuut raꞌyn atipy kaipyi. Tutum neꞌen neran wuatꞌi miitꞌin moieineꞌen hamuat e.

Mateu 1:23

Mio tã e ti Tupana saꞌawyꞌi miitꞌin me. -Meiũran ti aru wẽtup ok haryporia wakuat makuptia te yt heꞌaito i te rakat pykai imepytꞌa rakatno topyhuꞌat hawyi ti aru imepyt ihainia hit. Miꞌi kape ti aru eiwẽpo wat Emanueu katupono Emanueu e wyti Tupana toineꞌen aiwywo e. Topiat yianmiat Tupana ehay enoi hat Isaia tomiwan 7.14 pe e.

1 Kuriniu 15:46

Saꞌawyꞌi aipiit ipuꞌi kawiat ikag kawiat toineꞌen maꞌato watuwẽtem guꞌuro pyi hawyi aipiit Tupana Paꞌãu minug Iesui piit ewywuat toineꞌen.