1 Kuriniu 12:6 - Sateré-Mawé

⁶ Aipotpap hap koꞌi yt toꞌoꞌewyꞌewy i Tupana potpap nug hap. Maꞌato miꞌi pykai wẽtup yn aimisepap koꞌi ium hat. Miꞌi hat ti Tupana are.

1 Kuriniu 12:6 Referans Kwoze

1 Kuriniu 12:11

Tupana Paꞌãu wẽtup yn toineꞌen pykai iꞌatu kahato tomisepap nug hap koꞌi tukupteꞌen. Tutum ahepe tomisepap nug kuap hap Topaꞌãu kaipyi. Maꞌato yt ewy hin i toimoꞌẽ ahepe. Tomikyꞌesat ewy tutum ahepe tomisepap nug kuap hap koꞌi. Wẽtup ok aipyꞌasetpiat pe tutum wẽtup tomisepap nug kuap hap hawyi wẽtup aipyꞌasetpiat pe wẽtup tomisepap nug kuap hap tutum e. Yt toꞌoꞌewyꞌewy hin i toiꞌatumoꞌẽ tomisepap nug kuap hap ahepe.

1 Kuriniu 3:7

Maꞌato Tupana yn ni aimotag kuap tomohey hamuat hap ete. Miꞌi tupono waku Tupana yn watimotypot hãꞌỹi nug hat iꞌewyte iꞌyp moehãite hat. Yt naku i watimotypot ikoi hat neꞌi are. Iꞌewyte yt naku i watimotypot ihuꞌi huꞌi hat neꞌi. Poꞌog waku imotag kuap hat watomohey haty wo.

Iuwãu 5:17

Maꞌato Iesui toꞌe Iuteuria akagnia pe -Uiꞌywot ipotpap kahato te ti wakuap nug hamo. Uito mesup te uipotpap kahato wakuap nug hamo e Iesui.

Korosi 3:11

Karãpe watopyhuꞌat Iesui mohey haria Tupana ainug wẽtup ywania pakup wo ewywuat. Iuteu ywania aito pote sio yt Iuteu ywania i aito pote sio ahemurui sokpe yt kat i sio toineꞌen Tupana wanetup hawe wẽtup ywania pakup yn ewy watopyhuꞌat. Sio aito tapyiꞌaria sio yt sio gaꞌapy piaria sio yt miit akag sio miit emiit wẽtup ywania yn Tupana wanetup hawe aito. -Eipe Uimipoꞌoro Eiporekuat nuat mohey haria eipe e ahepe miꞌi pote wẽtup tapyiꞌa yn uiwanetup hawe eweikupteꞌen e Tupana ahepe. Eipe Uimipoꞌoro eiam eipe e. Uimipoꞌoro Eiporekuat nuat kyꞌe haria eipe e Tupana. Sio Tapaiunꞌã sio yt sio ipe kytsig sio yt wẽtup ywania yn eipe uiwanetup hawe Uhaꞌyru emiitꞌin eipe pote e Tupana ahepe.

Ewesu 4:6

Wẽtup yn ni Aiꞌywot Atipy piat. Miꞌi ti Tupana wuatꞌi miitꞌin nug hat. Miꞌi ti Aiꞌakag Koro wo toineꞌen e. Wẽtup yn aheTupana. Tupana ti toineꞌen ahepuo ipotpap nug hamo. Miꞌi pote aito watopyhuꞌat ipiit ewy miitꞌin sem kahato aito pykai.

Epereu 13:21

-Tupana etiꞌatumohãpyk aiwyriaꞌin wakuap nug haria are. Etunug miꞌiria Esaꞌyru mikyꞌesat ewy waku nug haria wo are. Etunug miꞌiria Esaꞌyru mohey hap etiat itag nakaria wo are. Atikyꞌesat etum iꞌatuepe esaika hap wakuap nug hamuat are. Atikyꞌesat iꞌatuminug emowepiit hap yne hawyi eha mowepiit hap topyhuꞌat are. Tupana uito ti emipoꞌoro Esaꞌyru mohey kahato hat. Esaꞌyru wywo ahẽtup mesup ewowi are. Atikyꞌesat Esaꞌyru mowato mesuwat yi totiat wuatꞌi eꞌat piat hap atikyꞌesat Tupana. Tupana waku kahato En aat kaꞌap are. Etiꞌatukawiatno meiũpepyi uiwyriaꞌin Iuteu ywania are. Iesui set upi ahẽtup Toran naꞌyn uiꞌe hap are.

Korosi 1:29

Uito Pauru arepotpap kahato miitꞌin mohãpyk Iesui mohey hap etiat hamo. Uipiit sakup hap wywo aremosoꞌopot kahato miꞌi nug hamo yne uhesaika hap wywo. Iꞌewyte yne Aipotypot miium uhesaika hap wywo arepotpap katupono Tupana Paꞌãu uipiit pyi ipotpap kahato topotpap nug hamo are. Uiwyriaꞌin tawa Korosi piaria pywo pe ti areꞌe teran ehepe arepotpap saꞌawyꞌi pyi mesup te arepotpap kahato. Worohoꞌonug Aipotypot Iesui emiit no yt eipe yn i maꞌato iꞌewyte iraniaꞌin ywania torannia atiꞌatumuꞌe teran Iesui ete.

Wiripu 2:13

Are paĩ Tupana tikyꞌesat kahato watunug tomikyꞌesat ewywuat hap. Miꞌi pote ainapin aat kaꞌap aiwanetup hawe kat som kat som waku watunug hap. Karãpe aiwẽ pyi yt watunug neran i imikyꞌesat koꞌi miꞌi hawyi perupꞌi popuo aimuꞌe aiwanetup hawe -Etunug o etunug o e. Miꞌi hawyi meiũran -Waku Uhyt waku Mimi watoꞌe Tupana pe katupono toikyꞌesat kahato tehay upiat watuwat hap.

1 Kuriniu 15:28

Meiũran aru wuatꞌi wanikaptia okpe tote topyhuꞌat. Miꞌi hawyi wuatꞌi Porekuat no topyhuꞌat hawyi yne toineꞌen yi kai. Miꞌi hawyi tuwepỹꞌãtutuk Toꞌywot kape -Uiꞌywot e aru En yn waku uruꞌakag wo e. Koitywy atum torannia uhemiit epe e Iesui Tupana pe. Miꞌi hawyi Tupana topyhuꞌat wuatꞌi akag wo i raꞌyn.

1 Kuriniu 12:5

Wẽtup yn Aipotypot toineꞌen. Miꞌi kape watuwepotpap maꞌato aipotpap hap yt aiwoꞌoꞌewy ewy hin i.