Aito ti haga koꞌi ewy watopyhuꞌat maꞌato ti Tupana timowoꞌosat yne wẽtup piit ete yn torannia aito Iesui mohey haria. Wẽtup ahaga Tupana tum tesaika hap tehay sytpok wẽtup ywania kapiat hat ewy. Miꞌi hawyi Tupana tum wẽtup haga pe tesaika hap aikotã aikotã meiũran topyhuꞌat hap moherep hamo Tupana yn wyti ikuap e hap moherep hamo e. Miꞌi hawyi wẽtup ok pe tutum tesaika hap tehay wuat miitꞌin atumuꞌe hamo e. Miꞌi hawyi wẽtup ok pe tutum tesaika hap yt uwe i miitꞌin misepap ewywuat nug hamuat e. Miꞌi hawyi wẽtup ok pe tutum tesaika hap iꞌahuu rakaria moehãite hamo e. Miꞌi hawyi wẽtup ok pe tutum tesaika hap wẽtup ywania iꞌatupusu puat miitꞌin atumuꞌe tehay etiat hamo e.
1 Kuriniu 12:18 - Sateré-Mawé18 Miꞌi pote Tupana yt ainug i wẽtup yn ahaga aipiit maꞌato iꞌatu kahato ahaga ainug wẽtup piit kaipyi yn pykai. Pywo ti tomikyꞌesat ewy ainug. Gade chapit la |
1 Kuriniu 12:18
18 Referans Kwoze
Tupana Paꞌãu wẽtup yn toineꞌen pykai iꞌatu kahato tomisepap nug hap koꞌi tukupteꞌen. Tutum ahepe tomisepap nug kuap hap Topaꞌãu kaipyi. Maꞌato yt ewy hin i toimoꞌẽ ahepe. Tomikyꞌesat ewy tutum ahepe tomisepap nug kuap hap koꞌi. Wẽtup ok aipyꞌasetpiat pe tutum wẽtup tomisepap nug kuap hap hawyi wẽtup aipyꞌasetpiat pe wẽtup tomisepap nug kuap hap tutum e. Yt toꞌoꞌewyꞌewy hin i toiꞌatumoꞌẽ tomisepap nug kuap hap ahepe.
Pyno uito Pauru Tupana uipoꞌoro einapin hamo. Tupana hegyiꞌat kahato hawyi uinug eimuꞌe hatno miꞌi pote worohoꞌonapin eipe. Yt naku i aiwanetup hawe -Uito poꞌog torannia kai aiꞌe hap kape. Waku -Uito en watoꞌoꞌewy kahato watoꞌe. Katupono aito wẽtup ok poꞌog imohey wẽtup ok yt maꞌato wẽtup sok yn aito pykai. Miꞌi pote yt ereꞌe kuap i -Uito poꞌog eikai hap ete.
Maꞌato areꞌe ehepe -Uito ti Pauru Tupana yn eropat hat sese iꞌewyte eimuꞌe hanuat are. Apauru iꞌewyte Tupana yn eropat hat. Kat hamo pyno -Aimuꞌe hat Pauru mohey haria uruto eweiꞌe. Saꞌawyꞌi worohoꞌomuꞌe eipe miꞌi hawyi Iesui mohey haria wo eweikupteꞌen uiꞌewy eweimohey pote are. Aikaꞌiwat emiitꞌin sese uruto urutunug urupoꞌoro hap oktan yn.
Pyno aipiit ahaga koꞌi Tupana minug yne torannia. Miꞌi hawyi tuwehum yne tominug koꞌi ete. Yt wẽtup ete i tuwehum poꞌog iraniaꞌin kai. Wẽtup wẽtup tutunug poꞌog yt ikahu hin i iraniaꞌin kai wen maꞌato miꞌiria aipowyro hat ikahu rakat oktan ne. Miꞌiria maꞌato yt ikahu pykai i poꞌog watipowyro tuereto aimowepiit pote.
Miꞌi hawyi Tupana Paꞌãu timowepiit raꞌyn Iesui hawyi toꞌe toꞌywot pe -Papai waku kahato ti En e. Atipy piat Morekuat nuat iꞌewyte mesuwarotiat Morekuat nuat. Waku kahato en Papai katupono yt etimoherep i emikuap koꞌi -Uruto poꞌog uruweꞌeg iraniaꞌin kai e haria pe. Miꞌiria pe migꞌi wo toineꞌen emienoi koꞌi. Maꞌato hirokaria ewywuaria pe etimoherep taꞌyn emienoi koꞌi emikyꞌesat ewy e Iesui toꞌywot pe.
En yn ni urukaꞌiwat urupotypot iꞌatuꞌe. Ewaku hap putꞌok e sakpoꞌe wuatꞌi piat emotypot hamo iꞌatuꞌe. Miꞌi pote uruimotypot motypot En iꞌatuꞌe. Wuatꞌi Mimotypot En iꞌatuꞌe. Wuatꞌi Mimowato En iꞌatuꞌe. Poꞌog poꞌog wuatꞌi kai En iꞌatuꞌe. Iꞌewyte esaika hap poꞌog poꞌog torannia kai iꞌatuꞌe. Waku uruimotypot En katupono urunug Hat En Wuatꞌi Nug hat En mote iꞌatuꞌe. Emowepiit hap sese eminug koꞌi katupono iꞌatukahu hap timoherep Ekahu hap iꞌatuꞌe. Urutuwehum kahato emiium ete emikyꞌesat ewy pote iꞌatuꞌe. Emotypot hap koꞌi yne miꞌi eminug koꞌi iꞌatuꞌe 24 ok takaria saꞌawyꞌi wuaria poꞌog imohey haria.
Saꞌawyꞌi emikyꞌesat ewy ereꞌe ewepe -Atum aru Uhaꞌyru pe wuatꞌi ywania ere. Atum neꞌen neꞌi aru Uhaꞌyru wuatꞌi miitꞌin me Iꞌatuporekuat no. Uimowepiit hap ewy atum aru ereꞌe saꞌawyꞌi ewepe ewanetup hawe yt kat i miitꞌin te turan. Tupana uruikuap teran kat pote urukyꞌe kahato hap. Miꞌi tã yt uruikuap hin i te wen maꞌato urukyꞌe hap miꞌi uruikuap taꞌyn. Waku kahato En urutoꞌe epe Tupana.
Pyno wẽtup ok imohey hat pe Tupana tum tesaika hap topotpap nug hamuat maꞌato wẽtup ok pe wẽtup sepap hap tutum. Yt toꞌoꞌewy hin i tutum ahepe aimikuap koꞌi aimisepap nug hap koꞌi. Maꞌato Tupana tum yne miꞌi koꞌi ahepe tegyiꞌat pote haype. Tutum neꞌen neꞌi yt kat saꞌup i. Wẽtup ok pe tutum tesaika hap tehay moherep hamuat. Tutum ahepe pote pyno waku watimoherep ihay imohey hap mywo imohey hap oktan.
Piblisite