1 Kuriniu 11:23 - Sateré-Mawé

²³ Pyno waku worohoꞌomuꞌe i raꞌyn Aikaꞌiwat aimuꞌe hap ete aikotã Aikaꞌiwat Iesui enuk hap ewy. Saꞌawyꞌi Iesui maꞌat hap wãtym turan totat man teneg e.

1 Kuriniu 11:23 Referans Kwoze

1 Kuriniu 15:3

Yt uiwekaipyi i saꞌawyꞌi worohoꞌomuꞌe maꞌato Tupana tum tesaika hap uhepe tehay wakuat moherep miitꞌin miat hamo pote sehay wakuat poꞌog torannia kai atimoherep ehepe Aipotypot Iesui ikuꞌuro ariaꞌyp posak ete aiꞌapiheg hap Tupana piat aiminug saꞌag koꞌi etiat. Aimoti hap koꞌi moma hamo ikuꞌuro itote aikawiatno aikotã Tupana toꞌe saꞌawyꞌi hap ewy aikotã miwan me toꞌe hap ewy ikuꞌuro raꞌyn.

1 Tesaronika 4:2

Iꞌewyte yt waureꞌeweiꞌe teiꞌo Iesui kaipywiat einapin uruepiat hap ete.

Mateu 28:20

Waku yne saꞌawyꞌi wuat ahenoi ehepiat hap ewy miitꞌin muꞌe hamuat e. Miꞌi hawyi eimimuꞌeria uimohey haria atikyꞌesat yne uhehay nug haria wo teꞌeropyhuꞌat e. Miꞌi tupono eweiwat ro iraniaꞌin ywania yne muꞌe hamo areꞌe wen maꞌato miꞌi turan ti aru yt eiweran i eweiwat. Katupono Uito ti aru areto wy eiwywo aikope aikope eweiwat hap upi eipowyro hatno wuatꞌi eꞌat pe ikahuro hap putꞌok e hap kape. Areineꞌen eiwywo wuatꞌi eꞌat pe e Iesui ahepe temiitꞌin me.

Karasia 1:1

Uito ti meiũ Pauru Tupana Mipoꞌoro wuatꞌi miitꞌin muꞌe hamuat ti uito are. Aipotypot Iesui mipoꞌoro sese uito are. Iꞌewyte Aiꞌywot Tupana mihymut guꞌuro pywiat Iesui mipoꞌoro uito are. Yt karãpe i miitꞌin mesuwarotiaria uiꞌairo Tupana mipoꞌoro Aiporekuat nuat ehay moherep hamo. Yt miitꞌin miꞌairo hin i uito. Iꞌewyte yt Iesui potpoꞌororia miꞌairo hin i uito maꞌato Tupana mipoꞌoro uito are.

Iesui Potmuꞌeria 20:7

Mytuꞌu eꞌat piat uruweꞌatunug man pik pik hap eꞌat pe turan Pauru tiꞌatumuꞌe kaꞌap kahato Iesui mohey haria. Toto teran mukiꞌite wẽtup tawa kape haype yt iwẽpohep tã i te.

Mateu 26:34

Miꞌi pote Iesui toꞌe -U paĩ mesuwat ewãtym ti aru -Yt atikuap i raꞌyn Iesui ere e myẽꞌym muat waipaka ehay eꞌyian mete.

Mateu 26:17

Miꞌi turan man teneg u hap owakai te iraniaꞌin hemiitꞌin apo iꞌatuꞌe -Aikope som waku watunug meiũ aheman teneg u hap iꞌatuꞌe. Aikope aru watenuk iꞌatuꞌe.

Mateu 26:2

-Pyno mukiꞌite eꞌihatꞌok hawyi ti aru aiꞌywania tuwat yne raꞌyn ienuk hap nug hamo mekewat ahewanikaptia saꞌawyꞌi wuat Esituꞌin po pywiat hoꞌopot hap kaipywiat ahenoꞌẽ hap kapiat watetup hap eꞌat nug hamo e. Miꞌi turan Uito Eheykeꞌet ewanikaptia po pe areineꞌen uiꞌauka ariaꞌyp posak etiat hamuat e Iesui.

Iruka 22:17

Miꞌi tã toꞌe hawyi totat raꞌyn mekewat kuiꞌa piat sapo hy hawyi waku e Tupana pe. Miꞌi hawyi tutum mekewat kuiꞌa torannia temiitꞌin me hawyi toꞌe iꞌatuepe -Waku eweimoꞌẽ ro mesuwat kuiꞌa piat sapo hy eiwoꞌope e.

1 Kuriniu 10:16

Karãpe watuweꞌatunug watuꞌu sapo hy hamo kuiꞌa piat iꞌewyte man u hamo miꞌi turan watuwehum kahato Tupana kape katupono aipoityro miꞌi hap ete. Miꞌi sapo hy Aikaꞌiwat Iesui suu iãꞌãkap kahato. Miꞌi watuꞌu huu iãꞌãkap hawyi imohey hap watimoherep kahato. Karãpe watipik mekewat man hawyi watuꞌu hawyi imohey haria watopyhuꞌat hap watimoherep miitꞌin me iꞌewyte wẽtup piit ewy watoineꞌen hap watimoherep.

Korosi 3:24

Waku watoꞌe aipyꞌa pe -Aipotpap saꞌup sese topyhuꞌat atipy pe waku nug haria aito mesuwe pote waku watoꞌe. Itote atipy pe tutum aru ahaꞌup watuwepotpap mesuwarotiat pykai katupono Aikaꞌiwat Iesui eropat haria sese aito waku watoꞌe.