ലൂക്കോശ് 8:14 - പുതുവൻ ചേതി

¹⁴ മുൾപാളീക്കിടേൽ ബൂന്തെ വിത്ത് എന്നത് തെയ്‌വ വശനമെ കോക്കുകേം മിന്നോട്ടുക്കൊളെള ഉടവുറെ പിശപ്പുക്ക് ഇവ്വുലകെ നിനപ്പിലും ചൊത്ത് ചുമുത്തിരത്തുകാക്കൊള്ളെ നിനപ്പിലും ഉടവൻ ആശേക്കൊത്തെ പുളപ്പിലെ നിനപ്പിലും നെരുങ്കി കനിയെ തരുവെ കൂടാത്തവേരാതാൻ.

ലൂക്കോശ് 8:14 Referans Kwoze

1 തിമോത്തിയോശ് 6:17

ഉലകത്തിലെ വശതിയാനവൻകാൽ വമ്പെ കാട്ടാതേൻ ഒണ്ണും നിച്ചം നാത്തെ ചൊത്തിലില്ലെ നങ്കാക്ക് തേവയാനതെല്ലാം കനേകമായ് തരിനെ തെയ്‌വത്തുകാക്ക് താൻ ആശേ വയ്‌ക്കോണും ഒണ്ണും നീ കൽപ്പനേ ഇടോണും.

മരുക്കോശ് 4:19

അത് എകനയൊണ്ണാ വശനമെ കേട്ടാലും ഇം ഉലകത്തിലെ നിനവുനാലേം അണേകാക്കും ഉടവനുക്കൊത്തവോലത്തെ പിശപ്പിലെ നിനവുനാലേം വെള്ളാമെ വിളേനവോലെ കനിയെ തരുവെ കൂടാത്ത്.

മത്തായി 13:22

മുൾപാളീക്കിടേൽ ബൂന്തെ വിത്തുവോലതാൻ തെയ്‌വ വശനമെ കേട്ടാലെ ഇം ഉലകത്തിലെ ചിന്തനേലും ചൊത്ത് ചുമുത്തിരത്തുകാക്കൊള്ളെ പിരിയമുംനാലെ അം വശനമെ നെശിക്കിനവേരാ. അവറാത്തുക്ക് വെള്ളാമെ വിളേനവോലെ കനിയെ തരുവെ കൂടാത്ത്.

ലൂക്കോശ് 21:34

നിങ്കെ ഇതയം തീൻ തുമ്പേക്കും നെൽ തണ്ണികാടെ കുടിപ്പേക്കും പിശപ്പുക്കൊള്ളെ ചിന്തനേലും വേവലാതിപ്പട്ട് ഏൻ വരിനെ നാൾ നിനയാത്തെ നേരത്തിൽ ഒരു കുടുക്കുവോലെ നിങ്കളെ പുടിയാതിരുക്കേക്ക് ചൂതാനമാ ഇരുന്തോനിൻ.

ലൂക്കോശ് 8:7

വോറേ ചിലതുകാട് മുൾപാളീക്ക് ഇടേൽ ബൂന്തെ; മുൾപാളീം അത്തിലെ കൂട്ടത്തിൽ മുളച്ചാലെ അതെ നെശിയ്‌ക്കെ.

2 തിമോത്തിയോശ് 4:10

തേമാശ് ഇം ഉലകമെ വിരുമ്പിയനാലെ എന്നെ വുട്ട് തെശലോനിക്കാവുക്ക് മണ്ടിയേയെ. കിരേശ്‌ക്കേശ് കെലാത്തിയാവുക്കും തീത്തോശ് തൽമാത്തിയാവ് എന്നാനുക്കും മണ്ടിയേയെ.

ഓകന്നാൻ 15:6

എന്നിൽ ഇരാത്തവൻ വെട്ടിയൊറിഞ്ച് ഉലന്തുപോനെ കൊപ്പുവോലതാൻ; അകത്തെ കൊപ്പുകാടെ പൊറിയ്‌ക്കെടുത്ത് തീയിൽ ഇടുകേം അത് വെന്ത് പോകേം ചെയ്യും.

ലൂക്കോശ് 16:13

ഇരണ്ട് എശമാനൻകാട്ടുക്ക് ഏവലെ എടുപ്പേക്ക് ഒരു പണ്ണക്കാറനുക്കും മുടിയാത്ത്; ഒരാളെ വൊറുത്ത് ഇനിയൊരാകാൽ ആത്തിരമാ ഇരുക്കും; അല്ലേയ്‌ക്കൊണ്ണാ ഒരാകാൽ ചേന്ത് ഇനിയൊരാളെ പുറിച്ച് തള്ളുകേം ചെയ്യും. ഒരേ നേരം തെയ്‌വത്തുക്ക് ഏവലെ എടുപ്പേക്കും പണത്തുകാക്ക് ആത്തിരമായ് ഇരുപ്പേക്കും നിങ്കാക്ക് മുടിയാത്ത്.”

ലൂക്കോശ് 8:13

പാറേക്ക് മീത്തോളെ മണ്ണിൽ ബൂന്തെ വിത്തുകാട് എന്നത്, തെയ്‌വ വശനമെ കോക്കിനവോളെ പിരിയമാ ഏത്തെടുക്കുകേം ഒണ്ണാ വേര് നാത്തനാലെ കൊഞ്ചെ നേരത്തുക്ക് മട്ടും നമ്പുകേം ചോതനകാട് വരിനവോളെ ബൂന്തോനവേരാളും താൻ.

ലൂക്കോശ് 8:15

നല്ലെ മണ്ണിൽ ബൂന്തെ വിത്തുകാടെന്നത് തെയ്‌വ വശനമെ കേട്ട് ഇതയത്തിൽ ഏത്തെടുത്ത് കുറുപ്പാ അത്തിൽ നിലെ നുൺ കനിയെ തരിനവേരായാകും.”

എബുറായര് 6:1

അതുനാലെ നങ്കാക്ക് കിരിശ്‌ത്തുവിലെ മുതെ പാടങ്കളെ വുട്ട് വലിയോരുകാടാകാം; ഉവകാരം നാത്തെ ചെയ്‌തികളിൽ നുണ്ണൊള്ളെ മനം തിരുപ്പുകെ, തെയ്‌വത്തിലൊള്ളെ നമ്പിക്കെ, രാട്ടിപിരാട്ടുകയെചൊല്ലിയൊള്ളെ ഉവതേശം, കയ് വയ്‌പ്പ്, ചത്തവേരാളിലെ ഉശിരോറുകെ, എണ്ണെണ്ണേക്കുമൊള്ളെ തണ്ടനെ ഒണ്ണികത്തെ അടിത്താനങ്കാടെ ഇനീം പടിയ്‌ക്കെ വേണ്ടതില്ലെ.