അപ്പോശ്‌ത്തലര് തെയ്‌വ വേലെ 11:19 - പുതുവൻ ചേതി

¹⁹ തേവാനോശുക്ക് കിടച്ചെ തണ്ടനെ കണ്ട് പേടിച്ചരണ്ട് എരുശലേമിലിരുന്ത് പൊയ്‌നീനിക്കാവ്, കുപ്പുറോശ്, അന്തിയോക്കിയാവ് ഒണ്ണാനുക്കെല്ലാം കലഞ്ചുപോയവേരാ, എകൂതരുകാലല്ലാതെ വോറേ ആരുകാലും തെയ്‌വ വശനമെ ചൊല്ലിയതില്ലെ.

അപ്പോശ്‌ത്തലര് തെയ്‌വ വേലെ 11:19 Referans Kwoze

അപ്പോശ്‌ത്തലര് തെയ്‌വ വേലെ 21:2

അങ്ക് ഇരുന്ത് പൊയ്‌നീനിക്കാവുക്ക് പോനെ ഒരു കപ്പലെ കണ്ട് എങ്കെ അത്തിലോറി പിന്നേം പോയെ.

അപ്പോശ്‌ത്തലര് തെയ്‌വ വേലെ 15:35

ഒണ്ണാ പവുലോശും ബർന്നബാശും ചിലെ മാശം കൂടി അന്തിയോക്കിയാവിൽ താൻ ഇരുന്തെ. അവറെ ചിലവേരാളും മത്തും കരുത്താവ് വശനമെ കുരവുട്ട് കരുത്താവ് വശനമെ വുളിച്ച് ചൊല്ലീം നടന്തെ.

അപ്പോശ്‌ത്തലര് തെയ്‌വ വേലെ 15:22

തങ്കെ കൂട്ടത്തിൽ ഇരുന്ത് ചിലവേരാളെ വുളിച്ചെടുത്ത് പവുലോശുക്കും ബർന്നബാശുക്കും കൂട്ടത്തിൽ അന്തിയോക്കിയാവുക്ക് കടത്തിവുടുക്കോണും ഒൺ അപ്പോശ്‌ത്തലരുകാടും മൂപ്പരുകാടും ശവേൽ വരുമവേരാളും മത്തും ഒത്തുമയാ നിനച്ചുകൂട്ടിയെ; അകനെ നമ്പിക്കയാനവേരാളിൽ ഓയ്‌ക്കമാനവനും ബറുശവാശ് ഒണ്ണെ ഊതാശാം ശീലാശാം വുളിച്ചെടുത്തെ.

അപ്പോശ്‌ത്തലര് തെയ്‌വ വേലെ 15:3

അകനെ ശവേലവേരാ അവറളെ കടത്തിവുട്ടെ. അവറെ പൊയ്‌നീനിക്കാവ്, ശമരിയാവ് ഒണ്ണാനിലെ വശിയേ പോയവോളെ എകൂതരല്ലാത്തവേരാ ഉടവനുടവൻ പാപമെ വുട്ട് തെയ്‌വത്തുകാക്ക് തിരുമ്പിയെ ചേതിയെ അങ്കിളവേരാകാക്കെല്ലാം ചൊല്ലികിടന്ത് പോയെ; അതെ നമ്പിക്കയാനവേരാക്കെല്ലാം ചരിയാനത്തിൽ പിരിയമായെ.

അപ്പോശ്‌ത്തലര് തെയ്‌വ വേലെ 4:36

കുപ്പുറോശ് തുരുത്തിലെ ഓശേപ്പ് ഒണ്ണെ പേരുകാറൻ ലേവിയൻ അങ്കൊണ്ടായെ; ചുണയെ കൊടുക്കിനാ ഒൺ ചൊന്നെ ബർന്നബാശ് ഒൺതാൻ അപ്പോശ്‌ത്തലരുകാട് വുളിക്കുമത്.

കെലാത്തിയര് 2:11

ഒരുനാ പത്തിരോശ് അന്തിയോക്കിയാവിൽ വന്തവോളെ അവനേത്തിൽ ഒരു കുത്തമെ കണ്ടതുനാലെ ഏൻ അവൻകാക്ക് എതിരിയാ നുണ്ണെ.

അപ്പോശ്‌ത്തലര് തെയ്‌വ വേലെ 21:16

കയ്‌ശരിയാവിലെ ചിലെ നമ്പിക്കയാനവേരാളും എങ്കെ കൂട്ടത്തിൽ വന്തെ; അവറെ എങ്കളെ കുപ്പുറോശുകാറനും മിന്നുക്കിരുന്തേ നമ്പിക്കേൽ വന്തയാളുമാനെ മിനാശോൻ കൂരേക്ക് കൂട്ടി കൊണ്ടേയെ.

അപ്പോശ്‌ത്തലര് തെയ്‌വ വേലെ 18:22

അവൻ കയ്‌ശരിയാവില് പോയോഞ്ച്, എരുശലേമുക്ക് പോയ് ശവേലവേരാളെ കണ്ട് ചേതിയെ കേട്ട് പിന്നെ അന്തിയോക്കിയാവുക്ക് പോയെ.

അപ്പോശ്‌ത്തലര് തെയ്‌വ വേലെ 15:39

അകനെ അവറെ ഇരണ്ടാളും ചരിയാനത്തിൽ തറുക്കം ഒണ്ടായ് പുറിഞ്ചെ. ബർന്നബാശ് മരുക്കോശെ കൂട്ടിയെടുത്ത് കുപ്പുറോശുക്ക് കപ്പലിൽ ഓറി പോയെ.

അപ്പോശ്‌ത്തലര് തെയ്‌വ വേലെ 13:46

അന്നേരം പവുലോശും ബർന്നബാശും ചുണയാ എകൂതരുകാക്ക്, മിന്നേ നിങ്കകാൽ താൻ തെയ്‌വ വശനമെ ചൊല്ലവേണ്ടിയിരുന്തത്; ഒണ്ണാ നിങ്കെ അതെ ഏത്തെടാതെ എണ്ണെണ്ണേക്കുമിരുക്കിനെ പിശപ്പിൽ നുൺ നിങ്കെ നിങ്കളമേ ഓകം നാത്തവേരാ ആയ്‌ക്കാച്ചെ; അതുനാലെ ഇനി എങ്കെ എകൂതരല്ലാത്തെ മാനടവൻ ഇടേൽ തെയ്‌വ വശനമെ ചൊൽവെ മണ്ണെ.

അപ്പോശ്‌ത്തലര് തെയ്‌വ വേലെ 13:4

തെയ്‌വ ആത്തുമാവ് ശവുലാം ബർന്നബാശാം കടത്തി വുട്ടത്തുക്ക്, അവറെ ശെലുക്കിയാവുക്ക് പോയെ; അവുടെ നുൺ കപ്പലിൽ ഓറി കുപ്പുറോശ് ഒണ്ണെ തുരുത്തുക്ക് പോയെ.

അപ്പോശ്‌ത്തലര് തെയ്‌വ വേലെ 13:1

അന്തിയോക്കിയാവിലെ ശവേൽ ഏശുവെ കുമിടെ വായ്‌ങ്കിരുന്തെ മാനടവൻ ഇടേൽ ബർന്നബാശ്, കറുത്തവൻ ഒൺ ചൊന്നെ ശീമോൻ, കുറേനായിലെ ലുക്കിയോശ്, ഊരു മൂപ്പൻ കെരോതാവും മത്തും വളന്ത മനായേൽ, ശവുൽ ഒണ്ണീ പലകപ്പാട്ടുക്കാറാളും പടിയ്‌ക്കെ വയ്‌ക്കുമവേരാളും ഇരുന്തെ.

അപ്പോശ്‌ത്തലര് തെയ്‌വ വേലെ 3:26

നിങ്കെ കുറുപ്പുനാത്തെ പിശപ്പിലിരുന്ത് തിരുമ്പി നൽവരമെ ഏത്തെടുപ്പേക്ക് തെയ്‌വം പുറിച്ചെടുത്തെ ഉടയാ ഏവൽക്കാറനെ മിന്നമേ നിങ്കകാക്ക് കടത്തിവുട്ടിരുക്കിനെ.

ഓകന്നാൻ 7:35

അതെ കേട്ടോൺ എകൂതര്, “നങ്കാക്ക് കണ്ടു പുടിക്കേക്ക് കൂടാത്തെ ഏളെ ഇടത്തുക്ക് ചെൻ പോകുമൊൺനെ ചെൻ നിനയ്‌ക്കിനത്? കിരീക്ക്കാറാ ഇടേൽ ഇരുക്കിനെ നങ്കെ ആളുകകാക്ക് പോയ് അവറളെ പടിയ്‌ക്കെ വയ്‌ക്കേക്കീ ചെൻ നിനയ്‌ക്കിനത്?

മത്തായി 10:6

അത്തുക്ക് പകറം ഇശ്‌രവേൽ ചാതീലെ അറന്തുപോയെ ആടുകാട്ടുകാക്ക് പോനിൻ.

അപ്പോശ്‌ത്തലര് തെയ്‌വ വേലെ 6:5

ഇകനെ അപ്പോശ്‌ത്തലരുകാട് ചൊല്ലിയെ ചേതിയെ എല്ലാരും ഏത്തെടുത്തെ; തെയ്‌വത്തിൽ നമ്പിക്കെ വച്ച് തെയ്‌വ ആത്തുമാവിൽ നുറഞ്ച തേവാനോശ്, പിലിപ്പോശ്, പൊരുക്കരോശ്, നിക്കനോര്, തീമോൻ, പരുമ്മനാശ്, എകൂതാ ചാതീൽ ചേന്തെ അന്തിയോക്കിയോവിലെ നിക്കോലാവശ് ഒണ്ണെ ഏളാളെ അവറെ വുളിച്ചെടുത്തെ.

അപ്പോശ്‌ത്തലര് തെയ്‌വ വേലെ 11:20

ഒണ്ണാ കുപ്പുറോശിൽ നുണ്ണും കുറേനായിൽ നുണ്ണും തെയ്‌വത്തുകാൽ നമ്പിക്കെ വച്ച് വന്തവേരാളിൽ ചിലവേരാ അന്തിയോക്കിയാവിൽ പോയ് അങ്ക് ഇരുന്തെ എകൂതരല്ലാത്തവേരാകാക്ക് കരുത്താവാനെ ഏശുവെ ചൊല്ലിയൊള്ളെ നല്ലെ ചേതിയെ ചൊല്ലിയെ.

അപ്പോശ്‌ത്തലര് തെയ്‌വ വേലെ 11:22

ഇം ചേതി എരുശലേമിലെ ശവേൽ വന്തതും ബർന്നബാശെ അന്തിയോക്കിയാവുക്ക് കടത്തിവുട്ടെ.

അപ്പോശ്‌ത്തലര് തെയ്‌വ വേലെ 14:26

അവറെ ചെയ്യോച്ചെ തെയ്‌വ വേലേക്ക്, തെയ്‌വ ഇരക്കത്തിൽ ഒപ്പണച്ച് ഏത്തുവുട്ടെ ഇടമാനെ ശിറിയാവിലെ അന്തിയോക്കിയാവുക്ക് അവറെ കപ്പലിലോറി തിരുമ്പി പോയെ.

അപ്പോശ്‌ത്തലര് തെയ്‌വ വേലെ 15:30

അകനെ അവറളെ കടത്തിവുട്ടെ; അവറെ അന്തിയോക്കിയാവിൽ പോയ് പള്ളീലെ ആളുകളെ വുളിച്ചുകൂട്ടി എളുത്തെ അവറെ കയ്യിൽ കൊടുത്തെ.