Zefaniya 1:5 - Amazwi Yakwe Leza 2013

⁵ Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Zefaniya 1:5 Referans Kwoze

Yelemiya 19:13

Amang'anda amu Yelusalemu nga na mang'anda yakwe yamwene amu Yuda kumwi na mang'anda yonsi yano yakafutumwilamo ubani apa mapaala yao, apakuti yafutumukila mwiyulu mupela, umuli intanda nupya muno yapongolwela waini kuli tuleza tuze, yonsi kwene yalakoweziwa. Yalaya akowele wa musumba wa Tofeti.’ ”

2 Yamwene 17:33

Fwandi tuti yapepanga Yawe, nu kupepa tuleza twao ukulingana ni ntambi zya mpanga zyao muno yafuma.

1 Yamwene 11:33

Ndacita vivyo pamulandu wakuti Solomoni wiyo wamfutatila, atatandika nu kupepa Asyitaloti, kaleza kanaci ka ina Sidoni, na Kemosyi, kaleza kanaci ka ina Moabu, alino na Moleki, kaleza ka ina Amoni, Solomoni wata ukuntontela. Wene akucita ivintu vya winyi nupya asikusunga amasunde yane ni vyeo vyane wakwe vino isi Davidi wacitanga.

Amosi 5:26

Lelo pamulandu wakuti mukapepa unkolanya wakwe Sakuti, umwene nupya leza winu, nu wakwe Kaiwani, leza winu uwa ntanda, lyene ndakai mumanyenyemula utuluwi tuno mwaipangila.

2 Yamwene 23:12

Utuvuwa tuno yamwene aku Yuda yakuuzile apapela yi sano lya mwene Aazi, Yosiya wene watutamozile. Atamola kumwi na vino Manase wakuuzile, umu misolo yoili kwene yaku Ng'anda ikulu yakwe Yawe. Atamola utuvuwa nga aya asumbila iviunguluwe uku Cifoloma ca Kiduloni.

2 Yamwene 17:41

Fwandi antu yayo yene yapepanga Yawe. Nga lelo na pa kasita akali konga kwene, yatwalilile ukupepa utuluwi twao. Na ana yao ukufika na pilelo kwene, yacili yakacita icili cimwi kwene.

1 Yamwene 18:21

Eliya pali pakupalamila ku antu yaya yonsi nga ayanena ati, “Uzye alilaci lino mulelenganya vino muli nu kucita? Ndi cakuti Yawe ali Leza winu, fwandi ali wino mwapepa! Lelo ndi cakuti Baali ali leza winu, fwandi ali wino mwapepa!” Lelo antu yatavwanzile nanti izwi lyonga.

Loma 14:11

Pano calembwa mu malembelo cati, “Mwene akuti, Cumi pano nene Leza wa umi cila muntu alamfukamila, nupya alailandila ukuti nene Leza.”

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Yelemiya 32:29

Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Ezaya 48:1

Uvwini kuno mwe ang'anda yakwe Yakobo, mwemuno mukaamilwa kwi zina lyakwe Izlaeli, mwe amu mupanda wakwe Yuda. Mwemuno mukalapa mwi zina lyakwe Yawe, nu kwama Leza wakwe Izlaeli ukwaula ufumacumi nu wololoke.

Ezaya 45:23

Nkulapa nemwisikulu umwi zina lyane, akanwa kane kakavwanga amazwi ampomvu, yano yatangeyasenulwe, akuti, ‘Ikokola lyonsi lilamfukamila, na antu yonsi yalalapa umwi zina lyane.’

Ezaya 44:5

Umwi alavwanga ati, ‘Nene muntu wakwe Yawe,’ muze alayama umwisikulu ukuti uwamu mutundu wakwe Yakobo. Namuze alalemba api kasa lyakwe ati, ‘Uwakwe Yawe,’ nga yalangama ukuti uwamu mutundu wakwe Izlaeli.”

1 Yamwene 11:5

Solomoni wiyo casuka camutwala ku kupepa Asyitaloti, kaleza kanaci ka ina Sidoni, na Moleki, kaleza ka winyi aka ina Amoni.

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Milimo 10:9

Pa wanda uwalondelela lino antu yaa yacili pa lwendo lwao lino yapalama ku Yopa, ilanzi umutwe papela (12 koloko), Petulo akwela pa ng'anda pipaala kuti akapepe.

2 Yamwene 17:32

Antu yaa apa kasita kali konga kwene, yapepanga Yawe nu kusolola yasolwile antu ukufuma munoyali angaomba wakwe yasimapepo akuombela apa tuvuwa twakwe tuleza twao nu kupeela impolelwa kunotuli apa ncende zino yakapepela mwenemo.

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Yelemiya 7:10

Mwemo mukacita ivintu vii vino napata, nga lyene mwiza mwimilila pa manso yane, mu Ng'anda ikulu yakwane kwene, nu kuvwanga muti, “Sweswe yacingililwe!”

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 49:1

Apa mulandu na ina Amoni, Yawe wavwanga wati, “Uzye Izlaeli atakwata ana aonsi? Uzye atakwata impyanyi? Icani fwandi cino Mikilomu wapyanyile Gadi? Icani cino antu ya mutundu wakwe ikalile umu misumba iyaya mwenemo?

Oseya 10:2

Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Ezaya 22:1

Amazwi asowilwe pamulandu ni Cifoloma ca Cilolwa: Uzye icacitika icani pakuti mwensi kwene mukwele apa mapaala ya mang'anda inu?