Zakaliya 9:11 - Amazwi Yakwe Leza 2013

¹¹ Yawe wavwanga wati, “Pamulandu nu upangano uno napangine namwe uwamalilike ku wazi wa mpolelwa, nemo lyene namapususya antu inu mu uzya, namayafumya mu ciwina ca uzya, umutaya amanzi akumwa.

Zakaliya 9:11 Referans Kwoze

Ezaya 51:14

Anyepwe yano yaya umu ng'anda yaminyololo yasya yakululwe, nupya yene yatalafwa mu ncende muno yayalilwa, nanti ukuulilwa vyakulya, awe.

Kufuma 24:8

Lyene Mose atoola uwazi uwamu ngeso nga akanyila antu, alino avwanga ati, “Uwazi kwene uu, cili cisininkizyo ca upangano uno Yawe wapangana namwe pa kumupeela malamulo yaa.”

Ezaya 42:7

Ulapozya impafu amanso, nu kusapula anyepwe umu ng'anda yaminyololo, nu kuleka yayo aikala mu mfizi yaye antungwa.

1 Kolinto 11:25

Mu musango uli onga kwene, pacisila ca kulya cimulo atoola ulwako nga avwanga ati, “Lwako luu ulwa upangano upya uno Leza watamapo insimbi nu wazi wane. Lyonsi lino mukumwa mwacita cii pa kunjiusya.”

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 49:9

Ndanena amu ng'anda yaminyololo inti, ‘Fuminimo!’ Na yano ikala umu kanda nayo ndayanena inti, ‘Sokolokini, izini pano apaswe.’ Yalaya wa mfwele zino zikulya umulemvwe pa myamba isanzuke.

Masamu 69:33

Pano umwene, akauvwa alanda nupya asiilila nu ku antu yakwe, yayo aisumba umu milimo yakwe.

Masamu 40:2

Wamfumya mu ciwina icitaiipila, umu matipa umu lutikiti! Anteeka apa ciliwe apapela, pano nasonkomala.

Mako 14:24

Yesu avwanga ati, “Uu uwazi wane, uno Leza watamapo insimbi pa upangano, uno wapongololwa pamulandu wa antu aingi.

Luka 22:20

Mu musango uli onga kwene, lino yamala ukulya ayapeela lwako, avwanga ati, “Lwako luu ulwa upangano upya uno Leza watamapo insimbi nu wazi wane, uno wapongololwa pamulandu winu.”

Ezaya 58:12

Mulatutulula amatongwa yampiti, nu kukuula mu mifula yampiti. Yalaamwama ukuti mwemwe yakalungisya ya viumba ivyononeke, yakakuululula ya vitotela.”

Masamu 30:3

We Yawe, watufumya umwenzo wane ku mfwa, watumfumya muli yayo akaya ukwi lindi, nu kumbwezezya uumi.

Malango 5:31

Lelo wemo, Mose, wize usyale nani pakuti nkupeele amalamulo, ni vyeo nga na masunde yonsi yano ulinzile kusambilizya antu, pakuti yace yayayela mu mpanga ino nkuyapeela kuti iye iyakwao.’

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Ezaya 42:22

Lelo antu kwene yaa yayasampa nu kuyapoka ivintu vyao. Yonsi pyu yalemwa umu macele, nu kusumbilwa mu ng'anda zyaminyololo. Yayasampa ivyuma nupya pasi umwi uwakuyakulula, yayiila nupya kusi umwi uwakuvwanga ati, “Yawezezini!”

Yelemiya 38:6

Acino nayo ali vino yasenzile Yelemiya, yaya yamusumbila mu cifula cakwe Malikiya, umwana wa mwene. Icifula cayelile mu musolo wakwe yakalinda. Ali muno yamutelemwila ku mwando. Lelo icifula cico mutalimo amanzi. Mwali sile amatipa. Yelemiya ali pakutika mu matipa.

Umbwilo 20:3

Lyene mungeli amusumbila mu ciwina caula impela, afungapo nu kumatilila, pakuti atasomba antu amu nko nupya, kufika lino myaka zimbi lyonga ilasila. Pacisila cakwe vii, wene alinzile kusapulwa pa nsita inono.

Danieli 2:29

“Walanga lino we musambazi ucikaswile, walosile ivintu iviliza inkolelo. Nga Leza wino akasokolola inkama nawe akulanga ivilacitika.

2 Milandu 7:17

“Lyene wemo ndi umantumikilanga umu cumi wakwe vino so Davidi wacitanga, cikulu sile uwalondela amasunde yane nu kucita ivintu vyonsi vino namakunenanga ukucita,

2 Samueli 13:13

Uzye wemo ukulola ukuti ningacita uli ndi nazewana? Nupya nawe kwene papo pano uli ulasanguka sile iciwelewele ku ina Izlaeli. Napapata landanini nu mwene. Nemo nkusininkizya ukuti wene atanga akane ukuntwalizya kunuli.”

Luka 16:24

Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’

Ayebulai 10:2

Ndi cakuti antu apepanga Leza mu cumi yaswefiwe ku maifyo yao, lyene yene yatange yasakamikwe pa maifyo yao nupya, nga nu kupeela kwa mpolelwa kungasila.

Yobo 33:30

Apakuyapususya ku mfwa, nu kuleka yakwate insansa mu wikazi wao.

Ezaya 24:22

Leza amatitikanya pamwi, yamwene yonsi amu ciwina icili conga kwene, ungati anyepwe. Amayayalila umu ng'anda yaminyololo, ukufika na pa nsita ino yalayalolwela penepo.