Zakaliya 7:12 - Amazwi Yakwe Leza 2013

¹² Yumika imyenzo yao iya ndi wi we. Nupya yatakasi kuuvwa nanti ukusakamala kuli vino Yawe Wamaka yonsi akuyasunda, lilyo lyonsi lino wayatumilanga yakasema yakwe, pakuti yasema amazwi yakwe ukufuma na pampiti. Fwandi Yawe Wamaka yonsi nawe ali pakuyasokela.

Zakaliya 7:12 Referans Kwoze

Ezekelo 11:19

Ndayapeela umwenzo upya, nga ndiika umi upya munoyali. Ndafumya umwenzo ukome wi we muno yali nu kuyapeela umwenzo utonte wa munyefu.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Milimo 28:27

Pano mano yao yakupa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, na kuzenzuka yangazenzuka, nani ningayapozya.’”

Ezekelo 36:26

Ndamupeela amano yapya akumfukilila. Ndamutonsya apakuti umukate ukutalama.

Masamu 50:17

Mwemo musilonda ukuti nemo inamukanzula, na amazwi yane, musiyalondela foo.

Mako 4:12

pakuti, ‘Kulola yangalola, lelo yatangailuke. Nu kuuvwa yanguvwa, lelo yatangamanya ningo. Pano iyamanya yangazenzuka, nga Leza ayelele.’”

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’

Ezekelo 2:4

Antu yaa, yakoma imitwe nu kuumalala imyenzo, ali yano nkukutumako kuti ukayanene vino ne Yawe Simwandalali nalanda.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

Luka 8:12

Imbezu izyaponile mu nzila, antu yano akauvwa mazwi yakwe Leza. Lelo Ciwa aiiza afumya mazwi yonsi mu myenzo yao, pakuti yatataila nu kutuulwa.

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Yelemiya 17:1

Yawe Leza akuti, “Mwe antu amu Yuda, ala iifyo linu lyalembwa ku cilembelo ca cela. Lyene lyakololwa ku nsongo yi we lyakwe daimondi apa myenzo inu na pa mpembe zya tuvuwa twinu.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Ezaya 48:4

Namanya ukuti mwakoma imitwe, nupya yakoma wa cela. Mwaya aumalale wa cela ca mukuwa.

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Ezaya 46:12

“Munguvwe kuno, mwe antu mwe, mwemuno mwakoma umu kanwa. Mwe muno mukati ukucimvya kulaya sile lyuze lyuze.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Kufuma 7:13

Lelo nanti cali vii, Falao atwalilila ukukoma umwenzo wakwe vino Yawe wavwanzile ukuti, Falao ataluvwa kuli Mose na Aloni.

Ezaya 65:12

Mwemo mwensi mulakomwa ku lupanga, nupya yalamufyula mwensi pyu, pamulandu wakuti mwakananga ukunjasuka lino nemo namwamanga. Mwakananga nu kunguvwa lino nemo namunenanga. Mwatemilwe sile ukumfutatila nu kucita iviipe.”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Yelemiya 17:23

Ivikolwe vyao vituvwile vino nemo navinenyile, vitasumvileko amano awe. Lelo vyatalime vyakanyile ukunguvwa nu kutontela amasunde yane.”

Yelemiya 42:21

Fwandi ali cino nimunena mu wanda wilelo. Lelo mwemo mwatimukana ukuvwa amazwi yakwe Yawe Leza winu. Mutazumile umulandu nanti onga uno ntumilwe ukwiza munena.

Zakaliya 1:2

Yawe Wamaka yonsi avwanga kuli Zakaliya kuti anene antu ati, “Nene ne Yawe nasokile ivikolwe vinu,