Zakaliya 6:5 - Amazwi Yakwe Leza 2013

⁵ Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Zakaliya 6:5 Referans Kwoze

Umbwilo 7:1

Pacisila cakwe vii ndola angeli yani yaimi pa ntunga zini zya nsi, ala yati yalema imiza ini. Yacisile vii kuti umuza nanti umwi utapunga pansi nanti pali yemba nanti pa cimuti cili consi.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Ayebulai 1:7

Lelo pa angeli Leza wavwanzile ati, “Leza akacita angeli yakwe ukuya wa miza, na aomvi yakwe nao yaya vimbilimbili vya moto.”

Ezekelo 37:9

Alino Leza anena ati, “We mwana wa muntu, sesemela umuza amazwi yane. Nena umuza ukuti, ne Yawe inku ukonkomezya ukuti utunke monsi monsi nu kwiza putilizya umu vyala apakuti vyafuuta nupya.”

Mateo 24:31

Izwi likulu lya ntandala liluvwika nga nawe alatuma angeli yakwe kukukonganika asololwe yakwe kufuma ku mpela yonga ya nsi kufika nu ku yuze kwene.

Zakaliya 4:14

Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Danieli 7:2

Vii ali vino ne Danieli naweni umu ciloto usiku: Imiza yapunganga ukufuma mu ntunga zyonsi zini ala ikuvundula yemba mukulu.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Yobo 1:6

Uwanda umwi, ana yakwe Leza amwiyulu yizile uku kupempula Yawe. Na Satana kwene apano wali.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Luka 1:19

Lyene mungeli amwaasuka ati, “Nene Gabilieli, wino akaikala pipi na Leza, nupya natumwa kuti nize nkumanyisye nu kukunena Ilandwe Lisuma lii.

Mateo 18:10

“Cenjelini mutezya kuti musule wenga uwamu ana yaa anono. Pano nsita zyonsi angeli yao aakayalinda, yene yakaikala pipi na Tata wino ali mwiyulu. [

Zakaliya 4:10

Umu cumi, antu yasikusansamuka pakulola vino Zelubabeli akwangalila umulimo wa kunkuulila Ng'anda yane ikulu.” Umungeli wanenyile ati, “Inyali ali manso cinimbali yakwe Yawe yano akalolelako insi yonsi.”

Ezekelo 11:22

Lyene yakelubi yatandika ukupapuka, ala ni mipeto ili umu mbali yao, nga nu luswepo luyengese lwakwe Leza wa ina Izlaeli ala luli papela yao.

Masamu 148:8

mwe nkuwa ni mvula yamawe, mwe cuma na mwe kungwi, na mwe cipunga mwe muno mukayela ilamulo lyakwe.

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

Yoswa 3:11

lilyo lino yasimapepo yalasenda Mbokosi ya Upangano ya Mwene wa nsi yonsi nga yamukolelele ukwingila mu Luzi lwa Yodani.

Yelemiya 49:36

Ndaletela Elamu imiza ini, ukufuma ku mpela ziini zya mwiyulu. Ndasalanganyizizya aina Elamu ku miza kwene iyo. Kutalaya umutundu ulasyala ukwaula kuti imbutusi zyutukile kweneko zyaku Elamu.

Danieli 11:4

Lelo apacisila cakuloleka kwakwe, uwene wakwe ulapalukana nga wankanikane pani. Yamwene asi yamu mupanda wakwe yalateeka mu cifulo cakwe, lelo yatalaya na maka ndi yano wene wakweti.

Zakaliya 6:1

Ne Zakaliya indola icilolwa nacuze. Iila lii lyene indola amaceleta yakufuma pakasi ka myamba iili ya cela ca mukuwa.