Zakaliya 6:13 - Amazwi Yakwe Leza 2013

¹³ Aliwe kwene alankuulila Ng'anda yane ikulu ne Yawe, nupya alacindama wa mwene wa muno nsi, wiyo alaateeka na antu yakwe. Alakwatapo simapepo wenga wino alaaimilila pa cilimba cakwe ca wene, yonsi yoili yalauvwana nu kuombela ca pamwi mu mutende.

Zakaliya 6:13 Referans Kwoze

Masamu 110:4

Umwene walafile umulapo, nu kufutuka atange afutuke foo! Watiile, “Wewe simapepo wakuyelelela mu lutambi lwakwe Mekisedeki.”

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ezaya 22:24

“Alino lyene, yalakoweka ucindami onsi pyu, uwa ng'anda yakwe isi, uku ana aku vizikulula vyakwe. Ukutandikila sile uku viya vinono ivili wa ngako ukufika nu ku vikulu ivili wa nkolo.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Masamu 21:5

Ululumbi lwakwe lwayako apamulandu wakwe wewe. Wamupeela ukulumbuka nu usambazi.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

Ayebulai 6:20

Yesu watukolelela kwingila, nupya wene ali Simapepo Mukulu manda pe mu mwata wa usimapepo wakwe Mekisedeki.

Kolose 1:2

Tukulemba kalata kuli mwe ina Kolose asolwa na Leza, mwe ina itu autailo muli Klistu. Leza Tata aye nu luse kunomuli nu kumupeela mutende.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Zakaliya 6:11

Ukaye ukatole siluva na zaabu vino yatuuzile, ukapangemo icilongwe ca wene cakuzwika Simapepo Mukulu Yoswa umwana wakwe Yeozadaki.

Zakaliya 4:14

Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Ezaya 54:10

Pano imyamba ingasunkana nu twamba tungatenta, lelo icitemwiko cino nakukwatila citalatala cifume kunuli. Nanti sile upangano walongo uno napangana nawe utalatala utelengane foo.” Yayo ali mazwi yano ne Yawe nkukutezela.

Utandiko 14:18

Na Mekisedeki umwene waku Salemu, nupya simapepo wakwe Leza uwapapelapela nawe aletela Abulamu umukate na waini.

Masamu 110:1

Yawe wanenyile umwene wane ati, “Ikala ukwi kasa lilunji lyane kufika lino ndakucimvizya anisi yako, kuti yaye wa cilyatilo ca ngazo zyako.”

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Yelemiya 33:15

Apa wanda kwene ulya na pa kasita kwene kaka, nemo ndaletelapo umwana uwa mpomvu umu mupanda wakwe Davidi, ali wino alalungamika ivintu vyonsi nu kucita ulungami impanga yonsi.

Zakaliya 4:9

“Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

2 Samueli 7:13

Mwana wako ali wino alankuulila ing'anda, nani ndalenga kuti ana yakwe yace yalondekana ukuya aene, amanda pe.

Masamu 21:4

Wene walenzile uumi, nga nawe wamupeela. Wemo watantalizya na manda yakwe umuyayaya.

Ezaya 9:5

Pano lyene ulusapato lonsi ulwa ulwi, nanti insalu zyonsi izikandane uku wazi, vimapya pyu uku moto.