Zakaliya 3:9 - Amazwi Yakwe Leza 2013

⁹ Si lolini, iwe lyonga mpo lino nemo niika pa manso yakwe Yoswa, lilyo ilili na matungi cinimbali! Nene nemwisikulu ne Yawe Wamaka yonsi namalembapo ivilembo, na pa wanda uli onga kwene ndafumya uyi mu mpanga ii.

Zakaliya 3:9 Referans Kwoze

Zakaliya 4:10

Umu cumi, antu yasikusansamuka pakulola vino Zelubabeli akwangalila umulimo wa kunkuulila Ng'anda yane ikulu.” Umungeli wanenyile ati, “Inyali ali manso cinimbali yakwe Yawe yano akalolelako insi yonsi.”

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Masamu 118:22

Iwe lino yakakuula yakanyile lyene lyacisilwe iwe lya pitungi lya ng'anda. Yawe uwacita vii, awe cene catuzungusya cuze.

Loma 9:33

Ndi vino malembelo yakati, “Lolini naika mu Zioni iwe lya kuipuma, ililalenga kuti antu yapumike nu kupona. Lelo wino wensi uwataila munoli atalacitwa insonyi.”

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Ayebulai 7:27

Wene atakolana na Simapepo Mukulu muze. Citakulondekwa kuti wene apeela impolelwa cila wanda, inkolelo zya pa maifyo yakwe nga ni zya pa maifyo ya antu asyala. Lino waipile lyonga umwisikulu, wene waipile kuya impolelwa yonga sile iya manda pe.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

2 Kolinto 1:22

nu kwika Mupasi wakwe mu myenzo itu kuti alangilile vino sweswe akwakwe.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

Milimo 4:11

Yesu ali wino malembelo yakati, ‘Iwe lino mwe yakakuula mwakanyile lyene lyacisilwe iwe lya pitungi lya ng'anda.’

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Zakaliya 3:4

Nga alino umungeli wilya anena yayo aimi inkolelo yakwe ati, “Simulini, zulini umuntu wiyo insalu zyakwe zya vikwi.” Lyene umungeli anena Yoswa ati, “Walola, nemo nakufumizya uyi wako nga lyene namakuzwika insalu iziswepe.”

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Kufuma 28:36

“Upange iciyembelo cakwe zaabu musuma cuze, ulembepo wakwe vino musyanyi akalemba pa vyela, amazwi yakuti ‘Camuzilo kuli Yawe.’

Kufuma 28:21

Amawe kwene yaa yaye ikumi na yaili, kulingana na mazina ya mitundu ya ina Izlaeli. Amawe yalembwe wakwe vino musyanyi akalemba mazina pa mawe yamutengo ukulu. Iwe lyonsi liye ni zina lya mutundu onga.

Kufuma 28:11

Wakwe vino musyanyi akalemba pa vyela vya mutengo avino nawe kwene ukalembe mazina ya ana yakwe Izlaeli pa mawe yaili nga ukike amawe yayo mu vyakwikamo vyakwe zaabu.

Masamu 103:12

Ndi vino ufumondaka watalukana nu uwondaka, avino nawe akafuntusya uyi kunotuli.

1 Yamwene 1:20

Musambazi, aina Izlaeli yonsi yakulolekesya kunuli kuti uyanene umuntu wino alaya umwene pacisila cako.