Zakaliya 2:10 - Amazwi Yakwe Leza 2013

¹⁰ Yawe wavwanga wati, “Umilini tupundu nu kusansamuka mwe ina Yelusalemu, pasi pano niza umu kwikala pakasi kinu!”

Zakaliya 2:10 Referans Kwoze

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Ezekelo 37:27

Tulaikalamo pamwi na alio, nupya nemo indaya Leza wao, nayo yalaya antu yane.

Aina Levi 26:12

Nkaaya namwe. Nene Leza winu namwe mwemwe antu yane.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Yelemiya 30:19

Ali muno mulaafuma inyimbo zyakulumbanya nu kupunda kwa nsansa. Ndayavuzya yatalatala yacepe foo. Ndayacindamika yatalasulwa foo.

Ezaya 66:14

Lino mwemo mwaca mumalola ivintu vii imyenzo inu ilasansamuka. Mulakwatisya amaka nu mutende. Alino lyene mulasininkizya ukuti fwandi mu cumi anene nkaazwa yano yamfukilila nupya nu kuti nkavunukila anisi yane.

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Umbwilo 2:1

“Lemba ku ntunguluzi yakwi uvi ku Efeso uti, “Lii ilandwe kufuma kuli wino alemile ntanda cinimbali mwi kasa lyakwe lilunji nupya wene akapita pakasi ka vyakutekapo inyali cinimbali.

Filipi 4:4

Mwazanga mu Mwene. Nupya kwene nkuti mwazanga!

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 54:1

Umila kapundu nu luzango we ng'umba wemuno usivyala ana. Pongomoka impooma ya luzango nu kusansamuka! Pano wemo ulakwatisya ana ukuluta na pa mwanaci wino iya atatala wasya.

Ezaya 42:10

Imbilini Yawe ulwimbo ulupya. Mulumbanyini mwemuno mwikala umu nsi yonsi ya pansi! Mulumbanyini mwe viumbwa vyonsi vyamuli yemba. Imbilini mwe mpanga zya kutali na yonsi aikala kweneko.

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.

Masamu 40:7

Nani ali pakwasuka inti, “Endi apano ndi, niza, ndi vino calembwa pali nene umu lupapulo lwa masunde.

Ezaya 35:10

Yano Yawe wakulula yalawela uku Zioni nu luzango, ala yakwimba. Uluzango lwape lulaloleka pa mausyu yao. Yene yalapita nu luzango nu kusansamuka. Kutalaya ukucula nu kuilizyanya.

Kufuma 29:45

Ndikala pakasi ka aina Izlaeli, nupya ndaya Leza wao.

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Ezaya 48:20

Fumini mu musumba wa Babiloni, utukini mufume mu mpanga ya uzya. Umilini utupundu twa nsansa, musansante umulandu uu ale mukuti, “Yawe watakulula Yakobo, umuomvi wakwe.”

Ezaya 52:11

Pitangini, pitangini, fumini mu Babiloni! Mutezya muleme vyamankowezya mwe muno mukusenda iviya vyamuzilo vyakwe Yawe fumini mwenemo muisangulule.