Zakaliya 14:9 - Amazwi Yakwe Leza 2013

⁹ Alino lyene Yawe Leza awino alaateeka impanga yonsi, ala wenga mpo awino alaya Umwene, ni zina lyakwe lyonga mpo alino antu yalalumbula.

Zakaliya 14:9 Referans Kwoze

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Zefaniya 3:9

“Lyene ndasangulula amazwi ya antu amu mitundu yonsi, nga lyene yalapepa kuli ne Yawe nenga mpo nupya yatalapepa tuleza tuze lelo yalanjela.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Masamu 86:9

Imitundu yonsi ino wapanga imaomokelanga kunuli, uku kupepa nu kukucindika we Yawe,

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Masamu 67:4

Leka imitundu iyasansamuka, iyaimba ni nyimbo zya nsansa, pano wemo ukalinganya apakupingula antu, ukatungulula ni mitundu ya antu yonsi.

Amosi 9:12

Acino pa nsita kwene ilya aina Izlaeli asyalapo yalacimvya ivyasyala vyamu Edomu, kumwi ni nko zyonsi zino zyamanyike ukwi zina lyane.” Avino Yawe wavwanga, wino alacita vintu vino walanda.

1 Samueli 2:10

Anisi yakwe Yawe yalaloviwa lilyo lino alayafokela nu ukali wakwe, ukufuma kwiyulu ungati ukupangalansya. Yawe aliwe alapingula antu yonsi. Wene alapeela amaka ku mwene nu kulenga kuti wino wasolola aye kacimvya.”

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Obadiya 1:21

Aku Yelusalemu yano yali mu uzya ku Sefaladi yalazanza nu kucimvya aina Edomu, nga nu kuyateeka. Lyene uwene onsi ulaya uwakwe Yawe.”

Habakuku 2:14

Lelo insi nu kukwata umanyililo wa ucindami wakwe Yawe, ndi vino yayemba yakulu yazula amanzi.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

Masamu 97:1

Yawe aliwe akuteeka, insi kizange. Ni vilila vyonsi ivivule ka visansamuke!