Zakaliya 14:11 - Amazwi Yakwe Leza 2013

¹¹ Antu yalikala kuku ku matwi cele, kutalaya nupya ica kuyofya ku kononwa nupya.

Zakaliya 14:11 Referans Kwoze

Umbwilo 22:3

Kusi cimwi icatipwa na Leza icilazanwa mu musumba ukulu. Cilimba ca wene cakwe Leza nupya ca Mwana wa Mfwele cilaya mu musumba ukulu, na aomvi yakwe yalamupepa.

Amosi 9:15

Ndalema antu yane wa miti umu mpanga ino nayapile, nga kutalaya uwakuyafumya mwenemo, umu mpanga kwene iyo ino ndayapeela.” Avino Yawe, Leza winu wavwanga.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Zakaliya 8:4

Yawe Wamaka yonsi wavwanga wati, “Nupya kwene akoloci aonsi na anaci yalaikala mu misolo yamu Yelusalemu, cila wenga ala akweti insonzo mu minwe pamulandu wa kukotesya kwakwe.

Zakaliya 2:4

Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’

Yowelo 3:20

Lelo uku Yuda kwene antu yalayelelela umuyayaya, nga uku Yelusalemu kutalaulwa antu mu nkulo zyonsi.

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Ezekelo 37:26

Umuomvi wane Davidi ali wino alayateeka pee na pee. Ndapangana nayo upangano uwakuti yace yasininkizya ndi vino yalaikala amanda pe umu longo. Ndayasandulula pakuti yace yakaye nyanya, nupya nemo ndasonta ni ncende yonga iya kumpepelapo umu mpanga yao, nu kuyelelela ali muno ice iyelele pee.

Yelemiya 31:40

Nupya Cifoloma consi ca vyala ni twi muno vikasumbilwa ni vyalo vyonsi ukufika nu ku kaluzi ka Kiduloni lwaku ufumondaka, ukufika sile nu ku mpongolo ya mfwalasi, vilatuulwa kuli Yawe. Vitalatala vyononeke nanti ukomololwa.”

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Ezaya 60:18

Ivyongo vya mucuzya vitalaauvwika nupya foo, mu mpanga yako. Nemo ndakulinda nu ku kucingilila wi linga. Umucumi ulandumbanya apa kukupususya.

Ezaya 26:1

Mu wanda ulya antu amu mpanga yakwe Yuda yalimbila ulwimbo luu ulwakuti, “Swemo twakwata umusumba wamaka! Apa kutupususya, Leza umweneco aliwe watucingilila ukwi linga lyauko.

Mpendwa 21:3

Yawe auvwa ukupapata kwa ina Izlaeli, nga ayapeela amaka iyaya yacimvya aina Kenani. Acino aina Izlaeli iyonona antu yalya iyayamalila kumwi ni misumba yao. Lyene iyatemela ni ncende ilya yati Holima.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Malango 33:28

Acino amu mupanda wakwe Yakobo yakaikala mu mutende, yikala zii mu mpanga muno ingano na waini vyavulisya cuze, mumo muno tuswelelele ukufuma umwiyulu tukatonya pa musili.

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.