Zakaliya 12:4 - Amazwi Yakwe Leza 2013

⁴ Yawe wavwanga wati, “Pa wanda kwene ulya nemo ndapupanya imfwalasi ili yonsi nu kupenya yayo yonsi alakwela penepo. Ayuda ndayawaka, lelo imfwalasi zya anisi yao zyene ndazipafuzya amanso.

Zakaliya 12:4 Referans Kwoze

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Malango 28:28

Yawe alaleka mupene, mupafule nga nu kuvulungana.

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Zakaliya 14:15

Impungo ili yonga kwene ilaponela imfwalasi na yakawalwe kwene, ingamila, yapunda nga ni viteekwa vyonsi ivikazanwa mu nkambi iyo.

Zakaliya 12:11

Pa wanda uo umusumba wa Yelusalemu mulaya impooma ikalamba, wakwe iya kwene iyuvwikike mu nyika ya Megido, lino antu yalosizye Hadadi Limoni.

Zakaliya 10:5

Ayuda yalacimvya wa vita ivikulyatola pa anisi yaviko mu matipa yamu miseo. Ayuda yalalwa inkondo pano ne Yawe naya nayo, yene yalacimvya na anisi kwene akapitila pa mfwalasi.

Zakaliya 9:8

Ndikala mu pipi ni ng'anda yane nga kalinda, wiyo wino akalesya ntalanganyi. Umwene mukakate atalatala azunye antu yane, pano nemo ndayawaka.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Ezekelo 39:20

Mukikute api tebulo lyane imfwalasi, yakapisya ya mfwalasi, asambazi ni vita vyonsi. Ivyalanda ne Yawe Simwandalali.’”

Ezekelo 38:4

Ndakuseleula, nu kukuswela na maswelo mu vyamvu vyako, wewe pamwi ni mpuka yako ya vita ikulu, ni mfwalasi pamwi na yayo akakwelapo. Yonsi kwene yalasenda ivisyangu vyao ivikulu ni vinono, na malupanga yao.

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Ezaya 37:17

Sungala uvwe amazwi yonsi yaa, yano Senakelibu akulanda apa kusaalula wewe we Leza wa umi.

Ezaya 24:21

Mu wanda ulya Yawe alavunuka asambazi yamaka yano yayela umupela, kumwi na yakateeka yamaka ya panonsi.

Neemiya 1:6

Fwandi we Yawe kutika, uteye amatwi yako kunotuli. Yula amanso utulolekesye. Uvwa ukupapata kwakwe nene ne muomvi wako lino inkupepela aomvi yako, aina Izlaeli, usiku nu musanya. Nkuilongwela na maifyo itu, swe ina Izlaeli. Nene ne mwisikulu pamwi ni ng'anda yonsi yakwe tata, ala twifya.

2 Milandu 7:15

Nene namasunganga icifulo cii nu kuvwa namauvwanga amapepo yano yamapepanga penepo.

2 Milandu 6:40

“Ale lyene fwandi we Yawe, ungala uvwe amapepo yano twakutuula umu ng'anda ino nu mu ncende yii.”

2 Milandu 6:20

Si amanso inu yalukulolekesya apa Ng'anda inu ii ikulu, umusanya nu usiku. Walaya mpiti ukuti amuno tumakupepelanga. Fwandi lyonsi lino namaizanga umu Ng'anda ino uku kupepa uwanguvwa.

2 Yamwene 6:18

Lino aina Asilya yakatukila Elisya, Elisya nawe apepa kuli Yawe ati, “Si leka antu yaa yapafule.” Acino Yawe ayapafuzya. Alino Yawe nawe auvwa ipepo lyakwe, alenga nu kuti antu yayo yapafule.

2 Yamwene 6:14

Lyene umwene atuma ivita vivule ku musumba ulya, ivyali ni mfwalasi na maceleta. Alino ivita iviya pa nsita ya usiku, iviteyamila umusumba ulya, iviuulizizya.

1 Yamwene 8:29

Uwalu kusumba amanso apa ng'anda ino ya kukupepela mwenemo usiku nu musanya, umu ncende ino twatitusolola ukuti twakupepela mwenemo. Sungala unguvwe likwene lino nkukupepa mu ng'anda yako.

Zakaliya 12:5

Alino intunguluzi zya Ayuda zilanenana iziti, ‘Ala swemo a Yawe Leza Wamaka yonsi aliwe akatukomya swe antu yakwe, swemuno twikala mu Yelusalemu.’