Zakaliya 12:10 - Amazwi Yakwe Leza 2013

¹⁰ “Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Zakaliya 12:10 Referans Kwoze

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Ezekelo 39:29

Alino ntalayafisa nupya usyu wane, pano ndapongolwela Mupasi wane pa ina Izlaeli.’ ” Ivyalanda Yawe Simwandalali.

Yelemiya 6:26

Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Loma 8:26

Mu musango uli onga kwene Mupasi Wamuzilo nawe akatwazwa, swe muno tuli atonte. Pano tutamanyile vino tulinzile kupepa. Lelo Mupasi Wamuzilo umwisikulu akatupapatila kuli Leza mu musango uno utangalondololwa.

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

Mateo 24:30

Pa nsita ilya, cilangililo ca Mwana wa Muntu cilaloleka mwiyulu. Na antu amu nko zyonsi mu nsi yalalosya lino yalalola Mwana wa Muntu akwiza mu makumbi na maka nu lulumbi lukulu.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Milimo 11:15

Lyene lino natandike kuvwanga, Mupasi Wamuzilo wikila pano yali wakwe vino wikile na pali sweswe kwene kufuma pa kutandika.

Milimo 10:45

Ayuda yano ataila, aizile na Petulo kufuma ku Yopa yazunguka pa kulola vino na Akulukuwa kwene yapokelela uwila wa Mupasi Wamuzilo.

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Yelemiya 50:4

Umu manda yaya na pa kasita kaka, aina Izlaeli yalawela. Yalafuma yakulila mu kulonda Yawe Leza wao.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Ezaya 32:15

Lelo Leza alatutumila Mupasi wakwe, ukufuma kwiyulu, alino amalwanga yalasanguka avunde, cakuti nu mu vyalo mulafuma ivyakulya vya mpomvu.

Yuda 1:20

Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Mapinda 1:23

Sumbiniko amano kuli vino namamukonkomezya, namamwitulwila ivyaya muli tompwe wane, nu kumumanyisya vino naya nu kumunena.

Masamu 51:12

Umbwezezye insansa zya ufyusi wako, umpeele umwenzo ukome nupya utontelele.

Mateo 26:75

Lyene Petulo aiusya vino Yesu wamunenyile ati, “Lino mukolwe atacili alamule, wemo umankana maila yatatu ale ukuvwanga vino utamanyile.” Alino Petulo afumila panzi nga alila minsozi nu ulanda ukulu cuze.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Mapinda 4:3

Lino nemo nali munono umu ng'anda ya akwasi yane, mumo kwene amuno naicefyanga nu kupeela umucinzi kuli yamayo,

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Yelemiya 31:19

Nakusangukila, lelo lyene natinzenzuka. Nintezya, nkuyuma na pa cifuwa. Ni nsonyi zyandema nu kuzewana, muzewanya wa wance uli pali nene.’

Ezekelo 20:43

Alino mulaiusya ivintu vyonsi vyawinyi vino mukacita, navino mukaikowezyako mwe eneco. Ku mwenzo kulasalokwa pamulandu wa vintu viipe vyonsi vino mukacita.

Ezekelo 37:14

Nemo ndayaputilizya umupu wane, ndayawezezya umi nu kuleka yaikala nu umi umu mpanga yao. Ali lino yalasininkizya ukuti fwandi nene indi Yawe. Nemo nalaya ukuti avino ndacita. Ivyalanda ne Yawe.”

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Utandiko 45:1

Lino Yuda wamala kuvwanga, Yosefu aposiwa kuzizimizya pa manso ya aomvi yakwe. Caleka apeela ilamulo ku yaomvi yonsi ali mu muputule wa ng'anda kuti yafumemo. Lino Yosefu wasyalamo wenga sile na ina yakwe, ailondolola kunoyali.

Utandiko 45:2

Yosefu alila, apongomoka cakuti aina Eguputo yuvwa impoma. Landwe lyapali ci lyuvwika kwi sano kuli Falao.

Mpendwa 21:9

Acino Mose apanga inzoka ya mukuwa nga aikoweka na pa mulongoti. Lyene umuntu ali wensi ndi walumika ni nzoka, nga aiza alolekesya pa nzoka ya mukuwa, wene aya nu umi.

1 Samueli 7:2

Mbokosi ya Upangano yakwe Yawe yatenzi ku Kilyati Yealimu pa nsita itali sana. Yamazile kweneko imyaka amakumi yaili. Umu nsita kwene ilya aina Izlaeli iyalilila kuli Yawe kuti ayazwe.