Zakaliya 11:16 - Amazwi Yakwe Leza 2013

¹⁶ Pasi pano ninsonta umuntu wenga mu mpanga akucema imfwele zyane. Wiyo wene asikusakamala kucingilila imfwele zino zikuzanza, asikwazwa ni zikuluwantika, asikupozya izikucisika nanti kulisya izikusyala penepo. Wene apunukile sile ku kulya izisuma iziine nu kuzifyontola inkamba.

Zakaliya 11:16 Referans Kwoze

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Yoane 10:1

Yesu avwanga ati, “Cumi namunena vino umuntu asyaingilila pa mulyango wa citata ca mfwele, lelo akakwela nu kwingilila pauze, wene umwivi nupya cipondo.

Ezekelo 34:21

Pano imfwele zitonte uku mbazo zinu mwemo mukazipumola nu kuzisunka pakuti zifume mu ufyo.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Ezekelo 34:10

Nemo ne Yawe nalanda ukuti lyene namufutatila, mwaya anisi yane. Ndamupoka imfwele zyane, mutalatala mukaziceme nupya foo. Nupya ntalaleka kuti mwaisakamala sile mwe eneco. Mwemo ndamufyombotola imfwele zyane, ntalaleka mukazilyepo nupya foo.

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Utandiko 33:13

Yakobo ati, “Musambazi, mumanyile ukuti ana anono yatiyatonta, lyene indinzile nsakamale iviteekwa ivili nu twana, imfwele pamwi ni ng'ombe kwene. Ndi twapita ulwendo uwanda upuma mu kupatikizya ufyo onsi ungafwa.

Utandiko 31:38

Natenzi nawe pa myaka amakumi yaili. Imfwele zyako pamwi ni mbuzi zitatile kuvyala, nupya ntatazile nkome nu kulya nanti umwana wa mfwele ukufuma mu viteekwa vyako.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.