Zakaliya 10:8 - Amazwi Yakwe Leza 2013

⁸ “Ndayaamila antu yane mu miluvi, nupya ndayakonganika pamwi, pano anene ndayakulula nu kuyasandulula ndi vino yali apa mpiti.

Zakaliya 10:8 Referans Kwoze

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Ezaya 7:18

“Mu wanda ulya Yawe alakuwa umuluvi apa kwama aina Eguputo. Alino nayo yaliza wa nsazi ukufuma mu tunguzi twa patali utukaitila mu luzi lwa Nailo. Nupya alakuwa umuluvi uwakwama aina Asilya. Nayo yaliiza yakuumbe ungati inzimu ukufuma ku mpanga yao.

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Zakaliya 9:11

Yawe wavwanga wati, “Pamulandu nu upangano uno napangine namwe uwamalilike ku wazi wa mpolelwa, nemo lyene namapususya antu inu mu uzya, namayafumya mu ciwina ca uzya, umutaya amanzi akumwa.

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

1 Yamwene 4:20

Antu amu Yuda nu mu Izlaeli yavuzile cuze wa musensenga uwamu nkumba yakwe yemba. Yali asansamuke pamulandu wakuti yakweti ivyakulya ni vyakumwa ivivule.

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.

Ezaya 7:19

Yaliza yafume umu mikonko, nga nu mu macele. Yaliza yatuwilizye umu vipupa vyonsi ivya myunga nu kufupilizya monsi umwa kucemela iviteekwa.

Ezaya 48:20

Fumini mu musumba wa Babiloni, utukini mufume mu mpanga ya uzya. Umilini utupundu twa nsansa, musansante umulandu uu ale mukuti, “Yawe watakulula Yakobo, umuomvi wakwe.”

Mika 2:12

“Lelo mwe amu mupanda wakwe Yakobo, ndamukonganika pamwi mwensi. Mwensi mwe ina Izlaeli asyala ndamukonganika pamwi ungati mfwele mu citata, ungati ufyo umu ncende ya uko iyakucemelamo. Nupya kwene antu yalazuula wakwe cimwi mu mpanga inu.