Zakaliya 1:4 - Amazwi Yakwe Leza 2013

⁴ Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

Zakaliya 1:4 Referans Kwoze

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Zakaliya 1:3

lelo ndakai ne Yawe Wamaka Onsi nkumunena ukuti welelini kunondi, nga nani namawela kunomuli.

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Mika 2:6

Antu iyavwanga kunondi yati, “Utasema, Utasema pa vintu vii. Ala swemo tutamazewana awe.

Amosi 5:24

Lelo lekini ulungami winu wakonkoloka wa luzi, nu ololoke winu wa kaluzi kano kasipwa.

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Yelemiya 44:16

“Swemo vino watunena umwi zina lyakwe Yawe, twakana, tusikulondela izwi lilyo.

Yelemiya 26:5

nu kusumba amano ku mazwi ya aomvi yane yakasema yano nsi tonta ukumutumila. Lelo mwemo musitala muvwa vino yakumunena.

Yelemiya 18:11

Ali cino wemo pitanga, yanga ukanene aku Yuda na ikazi yonsi amu Yelusalemu ukuti ne Yawe natinjateyanyizizya uyi, natinjapangila na mapange. Acino zenzukini cila wenga uku miyele inu iipe, cila muntu asenule imiyele yakwe iipe ni vicitwa vyakwe iviipe.

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Ezaya 31:6

Nupya Leza wavwanzile ati, “Mwe ina Izlaeli icumi mwaifya wakwe cimwi kunondi, mwalunda penepo nu kuntalamila. Ali cino fwandi welini kunondi.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Neemiya 9:16

Nga lelo ivikolwe vitu vyacisile icilumba, vyumalala imyenzo nu kusuula amasunde yako.

Ezila 9:7

Ukufuma ku nsita zya vikolwe vitu mpaka na ndakai twikalilila umu maifyo aipisye cuze. Pamulandu wakwe cii, sweswe kumwi na ene itu na yasimapepo itu twapelwa mu makasa ya ene ya inamasi, kuti yatulwisye yatutwale umu uzya, yatusampe nu kutuzewanya sana ndi vino cili manda yaa.

2 Milandu 34:21

“Pitini mukanguzizye kweneko kuli Yawe, muzizyeko na antu yano yasyala penepo mu Izlaeli nu mu mpanga ino kwene iya Yuda. Mulondelezye apamulandu na masunde yano yalembwa mu lupapulo luu.”

2 Milandu 30:7

Mutezya ukuya wakwe yaso na ina inu, yao aluvyanyizye kuli Yawe Leza wa vikolwe vyao, nu kuyalovya wayalovizye. Nu kumanya mucimanyile ningo sana cico.

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Ezekelo 20:18

Lelo mu lwanga kwene amuno nanenyile ana yao inti, ala mwemo mutalondela amasunde ya vikolwe vinu. Mutalondela imisango yao, mutaikowezya ku tuluwi twao.

Ezekelo 33:4

Umwi nga atasumvileko amano nanti ukuvwa intandala, wiyo wene umulandu wakwe ndi cakuti anisi yiza yamukoma.

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

2 Milandu 30:6

Intumi nazyo ali pakuyela ilamulo lya mwene, nu kusalangana umwayelile aina Izlaeli na Ayuda mu lwamo lwao ulwakuti, “Mwe ina Izlaeli, si mungala muweluluke kuli Yawe Leza winu, Leza wakwe Abulaamu, Isaki na Yakobo, pakuti nawe kwene aweluluke kuli mwemwe mwe muno mwati mupusunsuka umu minwe ya ina Asilya.

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Yelemiya 25:8

Caleka Yawe Wamaka yonsi akuti, “Pamulandu wakuti mwemo musilonda ukuuvwa kunondi,

Ezekelo 14:6

“Caleka unene aina Izlaeli ukuti Yawe Simwandalali wavwanga wati, ‘Zenzukini! Fumini ku tuluwi twinu nu kuta imicitile inu iipe!’

Danieli 9:6

Tutasumvileko amano ku kuvwa ku yaomvi yako yakasema, yano yasemile umwi zina lyako, kusemela yamwene, yakateeka ni vikolwe vitu, nga na antu yonsi amu luko lulu.