Yuda 1:3 - Amazwi Yakwe Leza 2013

³ Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.

Yuda 1:3 Referans Kwoze

1 Timoti 6:12

Lwisya ulwi usuma wa kusunga utailo, kuti uilonkele umi wape. Pano ku umi uu akuno Leza wakwamile lilyo lino wemo kwaula kutwisika waizumilile utailo wako pa manso yakwe yakambone aingi.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Yuda 1:20

Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

2 Timoti 1:13

Komeleka umu kuyela usambilizyo wa cumi uno nakupile, uye icilangililo kunuli kuti avino wasambilizya. Twalilila mu utailo nu kutemwa kwakwe Klistu Yesu.

1 Timoti 1:18

We Timoti, uli wa mwana kunondi. Ilamulo lino nkukupeela limikwa pa mazwi ya usemo yano mpiti yavwanzilwe pamulandu wako. Omvya mazwi yaa wa vyanzo kuti ulwe ningo,

Galatiya 2:5

Lelo pakuti tucingilile cumi ci Landwe, swemo tutayasilile mweko nanti panono.

Ayebulai 13:22

Inane nkumupapata, uvwini ilandwe lii ilya kumukomelezya, pano kalata wii wino nati mulembela asi na mazwi aingi.

Milimo 9:22

Lelo kukosola kwakwe Saulo kuya ukwa maka kuluta, ni visinka vyakwe ivyakuti Yesu wali a Klistu vitali vyakutwisika, cakuti Ayuda ali mu Damasiko yatangamuzya nanti cimwi.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Malango 9:10

Yawe wampeezile vipampa viili vya mawe pano umwisikulu walemvile nu munwe wakwe. Pa vipampa vivyo pali masunde yonsi yano Yawe wamunenyile pa mwamba ala akuvwanga ukufuma mu moto, pa wanda uno mwakongine kuku ku mwamba.

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

1 Kolinto 15:3

Namupiile mazwi akulu kuluta yano napokelile. Mazwi yaa, akuti Klistu watufwilile pamulandu wa maifyo itu, ndi vino calembwa mu malembelo.

Milimo 4:12

Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”

Milimo 18:28

Wene wapazyanyanga na Ayuda mu mivwangile pa manso ya antu, ala akuyasinila mu malembelo vino Yesu a Klistu.

Milimo 17:3

ala akuyalondolwela nu kuyasinila vino calingine kuti Klistu acule nu kuzyukuka kufuma ku afwe. Paulo ayanena ati, “Yesu kwene wii, wino nkukosola kunomuli ali Klistu.”

Yuda 1:17

Lelo mwe yacuza yane akundwe, iusyini vino Atumwa ya Mwene witu Yesu Klistu yamunenyile.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

Kolose 1:2

Tukulemba kalata kuli mwe ina Kolose asolwa na Leza, mwe ina itu autailo muli Klistu. Leza Tata aye nu luse kunomuli nu kumupeela mutende.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Galatiya 6:11

Lolini nkumulembela mu makalata akulu kwi kasa lyane.

Milimo 28:28

Paulo atwalilila ati, “Mulinzile kumanya vino ilandwe lyakwe Leza ilya ufyusi lyatumwa ku Akulukuwa. Yene yalalyuvwa!” [

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Malango 21:9

Acino, pa kucita cino Yawe akulonda, mutalapeelwa umulandu wa kukoma.

Milimo 6:7

Caleka Ilandwe lyakwe Leza lisalangana konsi, nga ni mpendwa ya alondezi yavulilangako mu Yelusalemu. Yasimapepo yano ataile Ilandwe Lisuma, nao mpendwa ikula.

Milimo 9:13

Ananiya aasuka ati, “Mwene, antu aingi yati yanena vya pa muntu wii, nga na pa vintu vipisye vino wacita pa antu yako mu Yelusalemu.

Ayebulai 6:9

Mwe yacuza akundwe, nanti tukulanda mu musango uu, twati tusininkizya ukuti mwemo mukucita visuma vino antu yakacita vya kuyatungulula ku ufyusi.

2 Petulo 2:21

Cange cizipe cuze ndi cakuti yatamanyile nzila ya wololoke, kuluta yafutatile isunde lyamuzilo lino Leza wayapile.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.