Yowelo 2:21 - Amazwi Yakwe Leza 2013

²¹ “Mwe vyalo namwe mutuvwa intete, lelo muzange nu kusansamuka pamulandu wa vintu vyonsi vino Yawe watamucitila.

Yowelo 2:21 Referans Kwoze

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Ezaya 35:1

Ulwanga lulazanga, na maluwa yalawalula umu mpanga ilangoke.

1 Samueli 12:16

Acino mutekele nu kulola icintu cii icikulu cino Yawe wasya acite pa manso inu!

Zakaliya 8:15

Lelo ndakai nimpanga ukupolelela aina Izlaeli na Ayuda. Caleka mutuuvwa intete.

Yowelo 2:20

Ndafumya anisi aku katutu kuti yaye ukutali namwe, nupya ndayazingila uku lwanga. Ankolelo yene ndayazingila kuli yemba uwaku uwondaka. Acisila nayo ndayazingila kuli yemba uwaku ufumondaka. Lyene ivyala vyao vilaola nu kutandika ukununka.” Icumi kwene Yawe alacita ivikulu.

1 Samueli 12:24

Mwemo mulinzile ukuvwila Yawe intete nu kumutumikila ni myenzo inu yonsi. Tala iusyini ivintu ivikulu vino wene wamucitila.

Malango 4:32

“Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?

Masamu 98:8

Inguzi zyonsi kazikomele inkufi, imyamba nayo ipunde ni nsansa,

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Oseya 2:21

Yawe wavwanga wati, “Mu wanda ulya ndaasuka amapepo ya antu yane aina Izlaeli, ni mvula ilatonya pa mpanga ya pano pansi.

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Ezaya 55:12

Icumi cumi mulafuma nu luzango, yalamutwala umulongo. Imyamba ni milundu vilapunda nu luzango apa nkolelo inu. Ni miti yonsi yamu mutengo ilakomela inkufi.

Masamu 71:19

We Leza, usuma wako wafika sile nu mupela. Wemo wacita ivintu ivikalamba wakwe cimwi! Icacumi, kutaya nanti wenga uwaya wakwe wewe!

Yowelo 2:26

Mulalya ivivule mpaka mwikute, alino mulalumbanya izina lyakwe Yawe Leza winu, wino wamucitila ivizungusyo. Acino antu yane yonsi kwene yatalazewana nupya, awe.