Yowelo 2:17 - Amazwi Yakwe Leza 2013

¹⁷ Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Yowelo 2:17 Referans Kwoze

Ezekelo 8:16

Alino lyene ansenda nu kuntwala mukasi ka musolo wa Ng'anda yakwe Leza, nga kuku kwene apa wingililo wa Ng'anda ikulu yakwe Leza, pakasi ka lukungu na kavuwa, pali manye antu amakumi yaili na yasano. Yene yafutatile Ng'anda ikulu yakwe Leza ala ni vinso vyao vilozizye ku ufumondaka, nga ala yakupepa ilanzi lwaku ufumondaka.

Masamu 115:2

Icani fwandi cino ainamasi yangauzizya iyati, “Uzye Leza wao waya kwi?”

Masamu 79:10

Kuno icani cino ainamasi yangatuzizya iyati, “Uzye Leza winu alikwi?” Fwandi leka tulole kuno ukupezya ainamasi, pali ucikoma uno yakomozile antu.

Mateo 23:35

Pamulandu kwene uu, Leza alamuvunuka pa kukomwa kwa antu yonsi yano ali akaele, kutandikila pa kukomwa kwakwe Abeli uwakaele, kufika na pa kukomwa kwakwe Zakaliya mwana Belekiya, wino mwakomile mu Ng'anda ikulu yakwe Leza pakasi ka cifulo camuzilo na kavuwa.

Amosi 7:2

Lino naweni ukuti makanta wilya walya ivimelwa vyonsi vyamu mpanga ilya, imvwanga inti, “We Yawe Simwandalali, si ungala uwelele antu yako! Uzye antu yakwe Yakobo yangaposya uli? Yene anono nupya atembokele.”

Yowelo 1:9

Ivyamawila vyonsi ivyakumwa ni vyakulya vitangapeelwa lyene ku Ng'anda ikulu yakwe Yawe Yasimapepo yakulosya, aomvi yakwe yonsi yakulosya.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

1 Yamwene 6:3

Umuputule ukalamba uwakwingilila penepo wali amamita 4 na citika ukuya pansi, alino amamita 9 umu kusaalala. Fwandi wene walingine sile ni Ng'anda ikulu yakwe Leza mu kusaalala.

Kufuma 34:9

Avwanga ati, “Yawe, ndi ukazangila munondi, nkukulenga kuti upite naswe. Antu yaa, yakomya imyenzo, lelo wemo utwelele inkota zitu na maifyo itu nupya utupokelele kuti tuye antu yako.”

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Amosi 7:5

Lyene nemo mvwanga inti, “We Yawe Simwandalali, nalanguluka nawe, nkukulenga ule ute. Uzye antu yakwe Yakobo yangaposya uli? Yene yasi na maka nanti panono.”

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Ezaya 37:20

Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”

Masamu 89:51

We Yawe ala lola vino anisi yako yakunsoweka nene nemuno wasolola ukuya kateeka. Konsi sile kuno nati kampitile awe pasi pakunsuula.

Masamu 89:41

Yonsi yano yakupita mwenemo, lyene yakusampa ivyuma vya mwenemo. Yano yapalamana nayo lyene yakuyaseka.

Masamu 79:4

Antu ya mitundu yano twapalamana nayo pasi pakutusoweka. Yene yakutuseka nu kutuwela penepo.

Masamu 74:10

Leza we, uzye alilaci fwandi lino anisi itu yalata ukutusausya? Uzye yamatutukolanga lyonsi pee?

Masamu 42:10

Vimatusi vya anisi yane vyati vimpezya amano. Yene yikalile sile ukunguzya pe pe pe iyati, “Nga Leza wako alikwi?”

2 Milandu 8:12

Fwandi Solomoni wapeelanga amawila yakoca apa kavuwa kakwe Yawe kaka kano wakuuzile apankolelo ya muputule uwakwingilila mu Ng'anda ikulu yakwe Yawe,

Malango 32:27

Lelo nsilonda ukuti anisi yao yace yayuvwa yati, ali yano yacimvizye antu yane, kwati asi anene nemwisikulu natinjafulula.’

Mateo 27:43

Wene wataila Leza. Ndakai lekini Leza amutuule nda kasi, pano wavwanzile ukuti wene Mwana wakwe Leza.”

Malaki 1:9

Lyene mwe yasimapepo ezyini kupapata kuli Leza kuti aye nu luse kunotuli. Lino mukupeela amawila yamusango uo, uzye anguvwa uli amapepo inu? Acino Yawe Wamaka yonsi wavwanga wati,

Neemiya 9:36

Silola, twatituya azya ilelo, umu mpanga ili iyakwitu kwene, impanga iya muvundo ino ikatupela ivyakulya.

Yowelo 1:13

Mwe yasimapepo, si zwalini vyakuzwala vyandosya, alino muyume apa visao pamulandu wa ulanda uwatiutuponela. Lilini mwemuno mukatumikila apa tuvuwa. Zwalini muivimbe ivizwalo vya ulanda uwanda onsi. Mwe aomvi yakwe Leza winu.

Masamu 42:3

Umusanya nu usiku nkalaizya na minsozi yane yasuka yasanguka icilyo cane. Lyonsi anisi yane yakanguzya yati, “Uzye Leza wako ali kwi?”

2 Milandu 7:20

ale lyene mucimanye ukuti indamuzinga umu mpanga ino namupeela. Indafuma umu Ng'anda kwene ii ino natinzifya ukuti iye incende yamuzilo, iyakupepela mwenemo. Alino na antu amu mpanga zyonsi yalamusuula mwe ina Izlaeli. Nupya antu yalamulolekesya wa vintu vimwi ivisulwe.

1 Yamwene 9:7

lyene ndasukula aina Izlaeli mu mpanga ino nayapeela. Ndafuma nu mu Ng'anda ikulu kwene ii ino natimpolelela ukuya iya kumpepelamo. Alino na antu mpanga yonsi yalamusuula mwemwe mwe ina Izlaeli. Yalamulola azewane.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.

Mpendwa 25:6

Alino ikwiza umuntu umwi uwamu ina Izlaeli. Aleta umwanaci umwi umwina Midyani. Amuleta pa manso kwene yakwe Mose ni uvi lyonsi lya ina Izlaeli, lilyo ilyalilanga ulanda ulanda pa mulyango wi Taalu lya Ukongano.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 42:11

Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.